នា​បរិបទ​ផ្ទុះឆ្លងរាលដាលនៃជំងឺកូវីដ១៩ ក្រុមមនុស្សពេញវ័យ​ កំពុងស្វាត់ស្វែង​ចាក់វ៉ាក់សាំងបង្ការ​ការពារខ្លួនពីការឆ្លងនិងការ​ចម្លងជំងឺកូវីដ​១៩។ អ្នកបានចាក់វ៉ាក់សាំង​រួចរាល់​ទាំងនោះ ចង់អោយ​កូនៗមាន​វ័យ​ក្រោម១៨ឆ្នាំ ​ទទួលបានការ​ចាក់វ៉ាក់សាំងដូចគ្នា​ដែរ ដោយសារតែ​ ការ​បារម្ភពី​សុខុមាលភាព​កូនៗ​ពួកគេ​។ ពួកគេយល់ថា ការចាក់វ៉ាក់សាំងកូវីដ​នេះ​អាចជួយដល់កូនៗកាត់​បន្ថយសម្ពាធផ្លូវចិត្ត ការប្រើបច្ចេកវិជ្ជាជ្រុលហួសហេតុ​ និងការ​​ជួយដល់ការសិក្សាអប់រំ​ តាមរយៈការបើកដំណើរការសាលារៀនវិញជាដើម​។ ទន្ទឹមគ្នានេះ ពួកគេក៏​​មានការ​បារម្ភ​ពីប្រសិទ្ធភាពនិង​ផលប៉ះពាល់ដោយការចាក់វ៉ាក់សាំង​ផងដែរ។