អ្នក​ធ្វើ​អនាម័យ​នៅ​តាម​ទីសាធារណៈ​មួយ​ចំនួន ក្នុង​រាជ​ធានី​ភ្នំពេញ​បាន​លើក​ឡើង​ដូច​គ្នា ពី​ក្ដី​បារម្ភ​ឆ្លង​វីរុស​កូវីដ១៩ និង​ចាត់​ទុក​ខ្លួន​ឯង​ជា​ក្រុម​ងាយ​គ្រោះ​ជាង​មនុស្ស​ជន​ទូទៅ។  រង​គ្រោះ​ព្រោះ​ថា សំរាម​មក​ពីគ្រប់​ប្រភព​ត្រូវ​ឆ្លង​កាត់​ដៃ​របស់​ពួកគេ​មុន​ទៅ​ដល់​រណ្ដៅ។ ចំណែក​អ្នកជំនាញ​ផ្នែក​សុខភាព​ពន្យល់​ថា​ អ្នកធ្វើ​ការ​ខាង​អនាម័យ​ងាយ​ប្រឈម​ខ្ពស់ នឹង​ការ​ឆ្លង​មេរោគ​នានា​មិន​ចំពោះ​តែ​កូវីដ​១៩​ឡើយ។