ការ​ជក់បារី​ជា​សកម្មភាព​មួយ​ដែល​ប៉ះពាល់​ធ្ងន់ធ្ងរ​ទៅ​ដល់​សុខភាព​របស់​មនុស្ស​ម្នាក់ៗ​ ព្រោះថា​ការ​ជក់​បារី​បាន​នាំ​យក​សារធាតុ​គីមី​ជា​ច្រើន​ប្រភេទ​ចូល​ទៅ​ក្នុង​សារពាង្គកាយ ​ជាពិសេស​ផ្នែក​សួត​។ ក្នុង​បរិបទ​កូវីដ-១៩​ អ្នក​និយម​ជក់បារី​ត្រូវ​បាន​គេ​មើល​ឃើញ​ថា​ មាន​អត្រា​ប្រឈម​មួយ​ខ្ពស់​ចំពោះ​ការ​គ្រោះថ្នាក់​ដល់​អាយុ​ជីវិត​ ប្រសិន​បើ​អ្នក​ជក់បារី​នោះ​បាន​ឆ្លង​ជំងឺ​កូវីដ-១៩​។ នេះ​ក៏​ដោយ​សារ​តែ​សួត​របស់​អ្នក​ជក់​បារី​បាន​រង​ការ​ខូចខាត​រួច​ទៅ​ហើយ​ មុន​នឹង​វីរុស​កូវីដ-១៩​ ចូល​ទៅ​វាយ​លុក​បន្ត​ទៀត​។