រាប់​ចាប់​តាំង​ពី​ព្រឹត្តការណ៍​សហគម​២០​កុម្ភៈ​មក​កុមារ​ក៏​មិន​ខុស​ពី​មនុស្ស​ចាស់​ដែរ ពួក​គេ​បាន​ស្ពាយ​បង្វិចចូល​ក្នុង​រថយន្ត​ពេទ្យ​ដើម្បី​ទៅ​ព្យាបាល​ជំងឺ​កូវីដ​១៩។  បើ​តាម​របាយការណ៍​ប្រចាំថ្ងៃ​របស់​ក្រសួង​សុខាភិបាល មាន​កុមារ​និង​ទារក​​មិន​ក្រោម​២០០​នាក់​ឡើយ​បាន​ចូល​ខ្លួន​ព្យាបាល​ជំងឺ​កូវីដ១៩។ ក្នុង​នោះ​មានទារក​អាយុ​៤​ខែ ៣ខែ ៧ខែ ៩ខែ ១​ឆ្នាំ​ជាដើម។ បើតាម​អ្នក​ជំនាញ​សុខភាព​ទារក​និង​កុមារ​បាន​ឆ្លង​វីរុស​កូវីដ១៩ ពី​មនុស្ស​ធំ​តាម​រយៈ​ភាព​ស្និទ្ធ​ស្នាល។  ជាក់ស្ដែង​ស្ត្រី​ម្នាក់​ឲ្យ​ដឹង​ថា កូន​របស់​នាងដែល​ទើប​មានអាយុ​៩​ខែ​បាន​ឆ្លង​វីរុស​កូវីដ១៩​ពី​ប្អូនស្រី​ដែល​ធ្វើ​ដំណើរ​មក​ពី​ក្រុង​ព្រះសីហនុ។