ថ្ងៃនេះ​៣០​ឆ្នាំ​មុន​អ្នក​កាសែ​ត​ជើង​ចាស់​មួយ​ចំនួន​នៅ​កម្ពុជា​លើក​ឡើង​ថា  រាយការណ៍​ព័ត៌មាន​នៅ​ក្នុងព្រឹត្តការណ៍​២៣​តុលា មិនមែន​ជា​រឿង​ងាយ​ស្រួល​ប៉ុន្មាន​ទេ ព្រោះ​ពេល​នោះ​បច្ចេក​វិទ្យា​រាយការណ៍​របស់កម្ពុជា នៅ​មាន​កម្រិត​ទម្រាំ​តែ​លទ្ធផល​នៃ​ជំនួប​បាន​ទៅ​ដល់​ត្រចៀក​អ្នកស្ដា​ប់ ហើយ​ប្រឈម​នឹង​ការរឹតបន្តឹង​នានា​ពី​សំណាក់​អាជ្ញាធរ​ក្រុង​ប៉ារីស​ជាដើម។   ចំណែកអ្នក​ខ្លះទៀត​និយាយ​ថា ការងារ​ជា​អ្នក​កាសែត​បាន​ក្លាយ​ជា​នា​វា​ចម្លង​ពួក​គេ​ឲ្យ​ស្គាល់តួអង្គ​សំខាន់ៗ​មួយ​ចំនួន​នៃ​ការ​កិច្ច​ព្រម​ព្រៀង​សន្តិភាព​ទីក្រុង​ប៉ារីស​តួយ៉ាង លោក​នាយករដ្ឋមន្ត្រី ហ៊ុន​សែន ជាដើម។  រីឯ​អ្នក​មួយ​ចំនួន​ទៀត​បរិយាយ​ថា ផ្ដើម​ពី​ថ្ងៃ​ទី​២៣​តុលា កម្ពុជា​ស្គាល់​លំហ​សេរីភាពផ្នែក​សារព័ត៌មាន​តាំង​ពី​ពេល​នោះ​ដល់​បច្ចុប្បន្ន។