ការ​បិទ ឬ ការ​ព្យួរ រោងចក្រ​កាត់ដេរ​ មិន​ត្រឹម​តែ​ធ្វើ​អោយ​ប៉ះពាល់​ដល់​កម្មករ-កម្មការិនី​ដោយ​ផ្ទាល់​នោះ​ទេ ​ក៏​ប៉ុន្តែ​វា​ក៏​បាន​ជះ​ឥទ្ធិពល​ដល់​អ្នក​ប្រកប​របរ​រក​ស៊ី​ដឹក​កម្មករ​រោងចក្រ​កាត់ដេរ​ផងដែរ​។ តាម​រយៈ​ក្បាល​ម៉េក្រូ​របស់​វិទ្យុ​បារាំង​អន្តរជាតិ​ RFI ក្រុម​អ្នក​បើក​ឡាន​ដឹក​កម្មករ​រោងចក្រ​កាត់ដេរ​មួយ​ចំនួន​នៅ​ជាយ​រាជធានី​ភ្នំពេញ​ បាន​ត្អូញត្អែរ​ពី​ការ​បាត់​ម៉ូយ​នៅ​រយៈពេល​ពីរ​បី​ខែ​ចុងក្រោយ​នេះ​ ដោយសារ​តែ​រោងចក្រ​មួយ​ចំនួន​ត្រូវ​បិទ​ទ្វារ ឬ​ព្យួរ ចំណែក​ឯ​កម្មករ​ក៏​ឈប់​សំរាក។ កម្មករ​ឈប់​សំរាក​ តែ​អ្នក​បើក​ឡាន​មិន​បាន​ឈប់​សំរាក​នោះ​ទេ​ ព្រោះ​ត្រូវ​ដឹក​កម្មករ​ផ្សេង​ទៀត ដែល​នៅ​បន្ត​ធ្វើ​ការ។ ខាង​ក្រោម​នេះ ​គឺ​ជា​បទ​យក​ការណ៍​របស់​ វ៉ា សំណព្វ​ ស្តី​ពី ផល​លំបាក​របស់​អ្នក​បើក​ឡាន​ដឹក​កម្មករ​រោងចក្រ​ នៅ​ក្នុង​សម័យ​កូវីដ​១៩​។