អាជ្ញាធរ​ខេត្ត​កំពង់​ធំ ចាប់​ផ្តើម​ចុះ​ប្រជុំ​ជាមួយ​ប្រជា​ពលរដ្ឋ​ដែល​ប្រកប​មុខ​របរ​ដាល់​អំបុក​នៅតាម​បណ្តោ​យ​ផ្លូវ​ជាតិ​លេខ​៦ ក្នុង​នៅ​ក្នុង​ឃុំ​សាន់គ ស្រុក​កំពង់​ស្វាយ ដើម្បី​ចង​ក្រង​ទៅ​ជា​សហគមន៍​ និង​ជួយ​រក​ទី​ផ្សារ​បន្ថែម​ឲ្យ​កសិករ​ទាំង​នោះ​។ ​អ៊ឹង ប៊ុនថន បាន​ជួប​សម្ភាស​អ្នក​ប្រកប​របរ​ដាល់​អំបុក​ទាំង​នោះ​កាល​ពី​ពាក់​កណ្តាល​ខែ​សីហា​នេះ​ដោយ​ពួកគេ​ម្នាក់ៗ​រំពឹង​ថា នៅ​ពេល​បង្កើត​ទៅ​ជា​សហគមន៍​ នោះ​ទីផ្សារ​អំបុក​ខ្មែរ​នឹង​លក់​ដាច់​បាន​ច្រើន​ជាង​មុន​។