សាលា​បឋម​សិក្សា​ចតុមុខ​ ត្រូវ​បាន​ក្រសួង​អប់រំ​យុវជន​ និង​កីឡា​ ជ្រើស​ជា​សាលារៀន​គំរូ​មុន​គេ​ ក្នុង​ការ​អនុវត្ត​សកម្មភាព​សុខភាព​សិក្សា​គ្រប់​ជ្រុង​ជ្រោយ​។​ ក៏​ព្រោះ​ថា​សាលា​នេះ​ បាន​បង្កើត​ឱ្យ​មាន​គណៈកម្មការ​សុខភាព​សិក្សា ​ការ​រៀបចំ​បន្ទប់​សុខភាព​ មាន​ការ​ពិនិត្យ​សុខភាព​និង​កាយ​សម្បទា​  ផ្តល់​ថ្នាំ​ទម្លាក់​ដង្កូវ​ព្រូន​ លើក​កម្ពស់​ចំណី​អាហារ​ដែល​មាន​សុវត្ថិភាព​និង​សុខភាព​ និង​ការ​លើក​កម្ពស់​ទឹក​ស្អាត​និង​អនាម័យ ​ដែល​ស្រប​តាម​យុទ្ធសាស្រ្ត​ទាំង​ប្រាំ​បួន​នៃ​គោល​នយោបាយ​ជាតិ​ស្តី​ពី​សុខភាព​សិក្សា​ ដោយ​មាន​ការ​ឯកភាព​ពី​គណៈរដ្ឋមន្ត្រី​ ក្នុង​សម័យ​ប្រជុំ​ពេញ​អង្គ​នៅ​ថ្ងៃ​ទី​៥​ ខែ​មេសា ​ឆ្នាំ​២០១៩​កន្លង​ទៅ​។