សារមន្ទីរ​ប្រល័យ​ពូជសាសន៍​ទួលស្លែង​ បាន​ដាក់​ឲ្យ​ប្រើប្រាស់​គេហទំព័រ​បណ្ណាសារ​អេឡិចត្រូនិច​របស់​ខ្លួន​ កាល​ពី​ថ្ងៃ​ទី​២៩​មករា​។ គេហទំព័រ​បណ្ណាសារ​អេឡិចត្រូនិច​ ដែល​មាន​ផ្ទុក​ទិន្នន័យ​ឯកសារ​ស្តី​អំពី​ប្រវត្តិ​សួរ​ចម្លើយ​ រូបថត​ ព្រម​ទាំង​កំណត់​ហេតុ​អ្នក​ដែល​ត្រូវ​បាន​សម្លាប់​នៅ​សារ​មន្ទីរ​ទួលស្លែង​ ឬ​មន្ទីរ​ឃុំឃាំង​ស.២១​នៃ​របប​កម្ពុជា​ប្រជាធិបតេយ្យ​។ គេហទំព័រ​បណ្ណាសារ​នេះ​ នឹង​អនុញ្ញាត​ឲ្យ​សាធារណជន​ អាច​ចូល​ទៅ​ស្វែងរក​ទិន្នន័យ​ទាំង​នោះ​ដោយ​ពុំ​ចាំបាច់​ទៅ​ដល់​សារមន្ទីរ​ទួលស្លែង​ដោយ​ផ្ទាល់​។