ការ​បង្កើត​សហគមន៍​កសិករ​មាន​សារៈ​សំខាន់​ណាស់​នៅ​ក្នុង​វិស័យ​កសិកម្ម​។ យ៉ាងហោច​ណាស់​ការ​ប្រមូល​ផ្តុំ​កសិករ​ជា​សំឡេង​តែ​មួយ​អាច​ឲ្យ​ពួកគាត់​មាន​កម្លំាង​សម្រាប់​ត​ថ្លៃ​លក់​កសិផល​ ជាមួយ​ឈ្មួញ ​ចែក​រំលែក​បច្ចេកទេស​និង​ព័ត៌មាន​ផ្សេងៗ​ពី​គ្នា​ទៅ​វិញ​ទៅ​មក។ សហគមន៍​កសិករ​ឃុំ​កំពង់​ស្វាយ ខេត្ត​កំពង់ធំ​ ដែល​បាន​បង្កើត​កាល​ពី​ឆ្នាំ​២០១៦ ​បាន​ជួយ​កសិករ​នៅ​ទីនោះ​ មាន​ទីផ្សារ​ទិញ​ស្រូវ​ច្បាស់លាស់​ និង​បាន​ជំរុញ​ការ​ធ្វើ​កសិកម្ម​តាម​បែប​ធម្មជាតិ​ ទៀត​ផង​។