១៥ឆ្នាំ​ក្រោយ​បង្កើតគម្រោង សម្រាប់​ជួយបណ្តុះបណ្តាល​យុវជន​ខ្មែរ ឲ្យមានជំនាញ ខាងជាងឈើនៅ​ខេត្ត​កំពង់ស្ពឺ វាដល់ពេលវេលា​ហើយ​ដែល​សមាគម អេកូលឌុយប័រ ត្រូវ​ដកខ្លួន និង​ទុក​ឱកាស​ឲ្យ​សិស្សជាងឈើ​អាច​បញ្ចេញថ្វីដៃ និង​បណ្តុះបណ្តាល​យុវជន​ខ្មែរ​ផ្សេងទៀត។ នៅ​ថ្ងៃព្រហស្បតិ៍​ទី​១ តុលា ឆ្នាំ ២០២០ សមាគម​អេកូលឌុយប័រ   ecole du bois ដែលមានទីតាំង​នៅ​ប្រទេស​បារាំង នឹង​រៀបចំ​ការប្រគំតន្រ្តី​បុរាណ​មួយ ​នៅទីក្រុង​ប៉ារីស ដើម្បី​ស្វែងរក​ថវិកា សម្រាប់ ​ដំណាក់កាល​ចុងក្រោយ របស់​សមាគម នោះ គឺ​ការផ្ទេរ​ការងារ និង​ការទទួល​ខុសត្រូវ​របស់​សាលា ទៅ​ឲ្យ​អតីតសិស្ស​របស់​អេកូលឌុយប័រ​គ្រប់គ្រង​បន្ត។