បន្ទាប់ពីបានរៀននៅសាលាជាន់ខ្ពស់ និងធ្វើការបានប៉ុន្មានឆ្នាំ នៅប្រទេសបារាំង ស្វាយ អង្គារ៉ា អតីត និស្សិតនៅសាលា​ពហុបច្ចេកវិទ្យា Ecole Polytechnique ដែលជាសាលាផលិតបញ្ញវន្ត អ្នកជំនាញវិស្វករ នៅប្រទេសបារាំង បានសម្រេចចិត្តត្រលប់ទៅប្រទេសកម្ពុជាវិញ។ ទាំងពីរនាក់ ជាមួយភរិយាដែលបានដាក់ពាក្យសុំលាឈប់ពីការងារនៅក្រុមហ៊ុនបារាំង ស្វាយ អង្គារ៉ា ក្នុងវ័យ៣០ឆ្នាំ បានត្រលប់ទៅធ្វើការនៅស្រុកកំណើត ដែលអង្គារ៉ា បានចាកចេញ ចោល កាលពី១១ឆ្នាំមុន។ ឈាង បុប្ផា បានជួបសម្ភាសន៍ ស្វាយ អង្គារ៉ា នៅមុនពេលលោកអង្គារ៉ា​ចាកចេញពីប្រទេសបារាំង។