កាល​ពី​ថ្ងៃ​ទី​ ៣១ កក្កដា ឆ្នាំ​២០២០​នេះ គឺជា​ខួប​លើក​ទី​១១ ​នៃកា​រដាក់​បញ្ចូល​បណ្ណសារ​សារមន្ទីរ​ទួលស្លែង​ ទៅ​ក្នុង​បញ្ជី​ស្មារតី​ចងចាំ​នៃ​ពិភពលោក​របស់​អង្គការ​យូណេស្កូ​នៅ​ទីក្រុង​ប្រ៊ិដថោន​ ប្រទេស​បារបាដូស​។ មាន​អាយុ​ជាង​៤០​ឆ្នាំ សារមន្ទីរ​ទួលស្លែង​ នៅ​តែ​ជា​ទី​កន្លែង​ចងចាំ​ពី​ព្រឹត្តិការណ៍​នៃ​ការ​សួរ​ចម្លើយ​និង​ការ​ឃុំឃាំង​អ្នកទោស​ជិត​២​សែន​នាក់​នៅ​ក្នុង​មន្ទីរ​ស‑២១​ នា​សម័យ​ខ្មែរ​ក្រហម​ចន្លោះ​ពី​ឆ្នាំ​១៩៧៥​ដល់​ឆ្នាំ​១៩៧៩​។ នៅ​ក្រោម​ស្មារតី​នៃ​ការ​ចងចាំ​ពិភពលោក​របស់​អង្គការ​យូណេស្កូ​ បច្ចុប្បន្ន​សារមន្ទីរ​ទួលស្លែង​ កំពុង​អនុវត្ត​គម្រោង​អភិរក្ស​និង​ថត​ចម្លង​ឯកសារ​ឌីជីថល​ជិត​ ៥​សែន​ទំព័រ ​ទៅ​ក្នុង​ប្រព័ន្ធ​កុំព្យូរទ័រ​ ដើម្បី​រក្សា​ទុក​ជា​កេរ្តិ៍​តំណែល​នៃ​មនុស្សជាតិ​យូអង្វែង​តទៅ​។