វិបត្តិកូវីដ ១៩ បាន​ធ្វើ​ឲ្យ​គ្រប់​វិស័យ​ស្ទើតែ​ទាំងអស់ ត្រូវ​ជាប់​គាំង ខាតបង់ចំណូលយ៉ាងធ្ងន់ធ្ងរ ! ប៉ុន្តែជាការ​កត់សម្គាល់ វិស័យ​សុខាភិបាល ត្រូវបាន​លើកកម្ពស់​ខ្លាំង ក្នុងអំឡុងពេលនេះ។ យ៉ាងណាមិញ សម្រាប់​មន្ទីរពេទ្យ​កុមារអង្គរ ក្នុង​ខេត្ត​សៀមរាប​ ដែលជាមន្ទីរពេទ្យ អាចដំណើរការប្រតិបត្តិការបាន ដោយ​ពឹងផ្អែក លើ​ជំនួយ​ពីសប្បុរជន​នានា បែរ​ជា​​ត្រូវ​ប្រឈម​នឹង​បញ្ហា​ហិរញ្ញវត្ថុ​ធ្ងន់​ធ្ងរ ​ ក្នុងអំឡុងពេលនៃវិបត្តិសកល​មួយនេះ។ មន្ទីរពេទ្យ ដែល​ពិនិត្យ​ព្យាបាល​កុមារ​ដោយ​មិន​ឥតថ្លៃ ព្រម​ទាំង​​ប្រកដ​ដោយ​វិជ្ជាជីវៈ និង​គុណធម៌នេះ ត្រូវបង្ខំចិត្ត​កាត់បន្ថយ​គម្រោង​ធំៗមួយចំនួន ដើម្បីទប់​ទល់​នឹងវិបត្តិសកល​នេះ។