វត្ត​អារាម​នៅ​រាជធានី​ភ្នំពេញ ​ត្រូវ​បិទ​ទ្វារ​មិន​អនុញ្ញាត​ឲ្យ​ពុទ្ធ​បរិស័ទ​ចូល​ក្នុង​ទីវត្ត​ឡើយ ​ប៉ុន្តែ​ព្រះសង្ឃ​បាន​គង់​ចាំ​ទទួល ​និង​វេរ​ចង្ហាន់​នៅ​តាម​ខ្លោង​ទ្វារ​វត្ត​មួយ​ចំនួន​។ កាល​ពី​ថ្ងៃ​ទី​២៣​ ខែ​កញ្ញា​ រដ្ឋាភិបាល​បាន​ប្រកាស​ផ្អាក​ពិធី​បុណ្យ​កាន់បិណ្ឌនិងភ្ជុំបិណ្ឌ ​ដោយ​ត្រូវ​អនុវត្ត​ ចាប់​ពី​ថ្ងៃសៅរ៍​ ទី​២៥ ​ខែ​កញ្ញា ​ដែល​ត្រូវ​ជា​ថ្ងៃ​កាន់​បិណ្ឌ​ទី៤​។ ជា​ការ​ផ្អាក​ ក្រោយ​រក​ឃើញ​មាន​ព្រះសង្ឃ​តាម​វត្ត​អារាម​មួយ​ចំនួន​ បាន​ឆ្លង​កូវីដ​១៩ ​ហើយ​ប្រជា​ពលរដ្ឋ​នៅ​តែ​បន្ត​ប្រមូល​ផ្តុំ​គ្នា ​ដែល​មិន​អាច​ធានា​បាន​វិធាន​ការ​អនាម័យ​ទប់​ស្កាត់​ការ​ឆ្លង​។