ស្រប​ពេល​ដែល​ប្រជា​ពលរដ្ឋ​កម្ពុជា​១​លាន​៤​សែន​នាក់​ បាន​សម្រុក​ដើរ​លេង​កំសាន្ត​នៅ​ក្នុង​ឱកាស​នៃ​ការ​ឈប់​សម្រាក​សង​បុណ្យ​ចូល​ឆ្នាំ​ខ្មែរ​រយៈពេល​៥​ថ្ងៃ​កន្លង​ទៅ​ថ្មីៗ​នេះ ​យុវជន​មួយ​ក្រុម​ដែល​អះអាង​ថា​ ជា​អ្នក​ស្រលាញ់​បរិស្ថាន​ បាន​យក​ឱកាស​នេះ ​ដើម្បី​ដើរ​ផ្សព្វផ្សាយ​ពី​តំបន់​កោះកុង​ក្រៅ ​អោយ​ប្រជាពលរដ្ឋ​នៅក្នុង​ទីក្រុង​ភ្នំពេញ​បាន​ដឹង​និង​ស្គាល់​។ កោះកុង​ក្រៅ ​ដែល​ត្រូវ​បាន​រដ្ឋាភិបាល​កម្ពុជា​ អនុញ្ញាត​អោយ​ក្រុមហ៊ុន​របស់​លោក​ឧកញ៉ា​ លី យ៉ុងផាត់ ធ្វើ​ការ​អភិវឌ្ឍន៍​ ប៉ុន្តែ​ក្រុម​យុវជន​ទាំង​នេះ ​ចង់​អោយ​រដ្ឋាភិបាល​ដក​ហូត​យក​មក​វិញ​ ក្រោម​យុទ្ធនាការ​ «សង្គ្រោះកោះកុងក្រៅ»។ តើ​ហេតុអ្វី​បាន​ជា​យុវជន​ និង​យុវតី​ទាំង​នេះ ​លះបង់​ដើម្បី​កោះកុង​ក្រៅ​?​