ចំណត​នៅតាម​ផ្សារ​រដ្ឋ​ក្នុង​រាជធា​នីភ្នំពេញនៅតែមិនអនុវត្តទៅតាមតម្លៃដែលបានកំណត់ក្នុងសៀវ​ភៅ​បន្ទុក​។ ​ផ្អែកតាមពិដាន តម្លៃ​ដែល​គេ​បិទ​នៅ​មាត់​ច្រក​ផ្សារ​គឺ ២០០រៀល​សម្រាប់​កង់ និង​៣០០​រៀលសម្រាប់​ម៉ូតូ ក្នុង​ការ​ផ្ញើ​ម្ដង។ ប៉ុន្តែ​ធាតុ​ពិត​ជាក់ស្ដែង អ្នក​កឹប​សំបុត្រ​តម្រូវ​ឲ្យ​ម្ចាស់​យាន បង់ថ្លៃ​១០០០រៀល​ជា​ចាំ​បាច់​។ មែនទែនទៅ បញ្ហានេះ​មិនមែន​ជារឿ​ង​ថ្មី​ដែល​ទើប​តែកើត​ឡើង​ទេ តែ​វា​គឺ​ជា​ជំងឺមហា​រីករ៉ាំរ៉ៃ​រាប់​សិប​ឆ្នាំ​មក​ហើយ។ ប៉ុន្តែ​ដើម្បី​ព្យាបាល​មហារីក​ឲ្យ​ជា គេត្រូវ​រកវិធី​ព្យាបាល​និង​បង្ការ។ វិធីព្យាបាល ពលរដ្ឋ​អ្នក​ប្រើប្រាស់​ចំណត​ឲ្យ​យោបល់​ថា កំណត់​តម្លៃ​១ពាន់រៀល​តែ​ម្ដង​ទៅ​លើ​ថ្លៃ​ចំណតនៅ​តាម​ផ្សារ​រដ្ឋ។