O paro baixou nas nosas comarcas o pasado mes, con descensos prácticamente xeneralizadas en todos os concellos.

O Salnés pechou o mes de abril con 206 parados menos para un total de 4.527, sendo Vilagarcía o concello que máis tirou do emprego con 64 persoas que encontraron traballo.

No caso do Barbanza, rematou o pasado mes con 2.370 persoas no paro e 45 desempregados menos, a maior parte procedentes de Rianxo, con -29.

Vilagarcía pon en marcha o plan de reparación de beirarrúas. A Xunta Local de Goberno vén de aprobar a súa adxudicación á empresa Moncosa por importe de 47.781 euros.

A Xunta Local de Goberno de Vilagarcía ratifica a cesión ao Concello dunha parcela no barrio dos Duráns, co obxectivo de habilitala como aparcamento disuasorio.

O PP de Vilagarcía exixe explicacións ao Goberno de España tralo afundimento rexistrado o pasado mes de abril en parte do estacionamento da estación de tren de Vilagarcía.

Cambados recurre ao Plan Máis Provincia para mellorar as redes de saneamento e abastecemento de auga nas parroquias de Vilariño, Corvillón, Castrelo e Cambados cun investimento de 300.000 euros.

Chega ao Meis o proxecto Palabra e Memoria, unha iniciativa que se ven realizando na comarca para visibilizar e poñer en valor o sus do galego nos epitafios dos cemiterios.

Meis celebrará o 17 de maio a segunda edición da Romería das Letras Galegas. Será a partir das 11.30 horas da mañá na Finca de Parga.

A Policía Local de Sanxenxo detivo a un mozo de Portonovo de 20 anos tras entrar nun domicilio particular e ameazar de morte cunha navalla ao propietario.

Máis da metade dos praceiros de Vilagarcía, 51 dos 58 que traballan na Praza de Abastos, xa están adheridos ao servizo de reparto a domicilio implantado polo Concello.

A Illa de Arousa proxecta humanizar as rúas Marqués de Bradomín e Alcalde Graña, completar a renovación da praza interior do Naval e a construcción dun pequeno anfiteatrro nos xardíns de Goday.

O alcalde de Cambados solicita ao presidente da Xunta Alfonso Rueda que inclúa ao seu concello entre os municipios que se beneficiarán do plan para a construcción de 24 centros de maiores en toda Galicia.

Vilanova acolle entre hoxe e mañá unha nova edición, a 14, do Festival da Francofonía que reunirá a máis de 2.000 estudantes de toda Galicia.

Máis de 600 escolares de todos os centros educativos de Vilagarcía participarán mañá no Concerto Didáctico Século XX organizado pola Escola Municipal de Música de Vilagarcía.

A Banda de Müsica Municipal de Ribadumia celebra o domingo 11 de maio a V Romería da Müsica se as condicións meteorolóxicas o permiten.

A rúa Bouza de Abaixo, de Vilaxoán, será de prioridade peonil trala reforma de humanización proxectada polo Concello un investimento de case 800.000 euros,  a través do Plan Máis Provincia da Deputación.

A Consellería de Medio Rural comezou os estudos e análises cos que se predende conseguir a tan ansiada regularización da uva de folla redonda que permitiría comercializar o viño barrantes. Unha legalización que, en todo caso, se sigue marcando non antes do período 2026-2027.

Ribadumia presdentou hoxe a 52 edición da Festa do Tinto do Salnés, que se celebrará do 5 ao 8 de xuño, cuxo programa de verbenas e actividades non se coñecerá ata a vindeira semana.

A Deputación de Pontevedra aprobou esta mañá en Xunta de Goberno novos investimentos do Plan Mais Provincia destinados a diferentes municipios.. Entre eles, Cambados, Meaño, O Grove, e Vilagarcía.

A media maratón Entre Rías, que se celebrará o 18 de maio, ten xa 2.200 inscritos, dos que o 22% proceden de fora de Galicia, segundo se deu a coñecer hoxe na presentación da proba en Sanxenxo.

Tres veciños do Grove, con antecedentes policiais, detidos como supostos autores dos roubos en establecementos de hostelería rexistrados nos últimos días.

O alcalde de Vilagarcía, Alberto Varela, e o presidente da Deputación Luis López, asinaron esta mañá o convenio que cofinanciará a segunda fase da ampliación da piscina municipal de Fontecarmoa a través do Plan Extra.

Sanxenxo inicia as obras do bombeo do Espiñeiro que mellorarán a rede de saneamento de Portonovo.

Vilagarcía pon en marcha o vindeiro martes unha nova edición da Semana Muller e Cultura, adicada nesta ocasión á danza.

Dúas das bandas de referencia da música 'indie' española, Lori Meyers e Los Planetas, súmanse ao cartel do Atlantic Fest.

Cambados acolleu este venres a Carreira dos Institutos coa participación duns 700 estudantes

Feijóo anuncia dende a adega Paco & Lola, en Meaño, un plan de competitividade para a economía española que o PP presentará no Congreso dos Deputados como proposición non de lei.

O Concello de Vilagarcía executará a mellora do parque infantil de Matosinhos cun investimento duns 15.000 euros e abre a licitación do kiosko da praia Compostela.

As obras de construcción da nova Estación Depuradora de Augas Residuais da Illa de Arousa, iniciadas o pasado novembro, avanzan segundo o previsto.

Ribadumia leva resoltas este ano arredor de 500 incidencias no municipio comunicadas a través do sistema de atención á cidadanía.

En Sanxenxo, o auditorio municipal Emilia Pardo Bazán acolle o vindeiro mércores a proxección do documental con motivo do 30 aniversario da escultura da Madama de Silgar.

A novena temporada da Sociedade Filarmónica de Vilagarcía chega ao seu final este sábado coa actuación do virtuoso do piano Federico no Auditorio a partir das 20:30 horas

O Concello do Grove ven de activar un Plan de Acción Inmediata con medidas urxentes para mellorar a seguridade e frear os actos delictivos.

Na Illa de Arousa estará esta tarde a presidenta da sociedade estatal Acuaes para supervisar cómo se van desenvolvendo os traballos da primeira fase da futura EDAR.

Mensaxe de tranquilidade da Xunta: a zona establecida no seu momento para a construcción de 350 vivendas públicas no barrio das Carolinas non é definitiva.

O grupo municipal do BNG de Sanxenxo denuncia as primeiras deficiencias trala reforma do Miradoiro da Peixeira.

Hoxe, Día do Libro, a Biblioteca Municipal Rosalía de Castro de Vilagarcía celebra o seu primeiro aniversario superando os 68.000 visitantes, un 25% máis que o ano anterior.

O Auditorio Municipal de Meis acolleu a primeira xornada de difusión sobre as comunidades enerxéticas organizada pola Deputación de Pontevedra no marco da Oficina de Transformación Comunitaria +Renovables.

A comisión de fiestas de San Gregorio de Paradela ten todo preparado para o inicio de catro días de celebracións que comezarán mañá xoves ás 21 horas cun acto litúrxico na capela de San Gregorio.

A serie de roubos que se veñen rexistrando no Grove dende hai semanas, intensificados nos últimos días, está a provocar a alarma social e preocupación no goberno local. O grupo municipal de EU pide a reunión urxente da Xunta Local de Seguridade.

Preocupación entre algúns propietarios de parcelas do barrio das Carolinas, en Vilagarcía, ante a posibilidade de que as súas fincas poidan ser expropiadas polo Plan de Vivenda Pública da Xunta.

Alcaldes e responsables socialistas da comarca do Salnés e Ulla Umia visibilizaron esta mañá en Carril a súa oposición ao proxecto de Altri en Palas de Rei pola súa afección na ría de Arousa.

Portonovo Gastronómico, a idea creada polo Concello, colectivos e hostelería da localidade para ampliar a oferta da Festa da Raia, celebrarase do 2 ao 4 de maio coa participación de 19 establecementos hosteleiros.

A Feira Literaria ‘Vilagarcía, cidade de libro’ promete ser a "máis ambiciosa ata a data", tendo en conta algúns dos autores que estarán presentes, segundo o goberno local.

O grupo de teatro Alecrín conmemora o seu 25 aniversario cun ciclo de teatro que se representará no Auditorio Municipal de Ribadumia nas dúas vindeiras fins de semana, con entrada de balde.

A intensa sarabia que caeu este mediodía acompañada dunha treboada provocou en Vilanova un accidente de tráfico por alcance con tres vehículos implicados e tres persoas feridas.

A Garda Civil detivo nas últimas horas ao suposto autor dos roubos con tirón rexistrados no Grove nas últimas semanas.

A Garda Civil de Pontevedra desarticulou unha organización empresarial presuntamente dedicada á comisión de delitos de estafa e branqueo de capitais.

O futuro da empresa Coinba de Vilaxoán é a “crónica dunha morte anunciada”. O sindicato CIG asegura que a producción está totalmente parada dende o pasado novembro, sen carga de traballo e debendo á plantilla máis de tres meses de salarios.

Tres novos emprendedores teñen dende hoxe o seu propio espazo no Viveiro de Empresas do Polígono de Barro, impulsado dende a Deputación de Pontevedra.

Un total de 144 familias da comarca do Salnés foron atendidas o pasado ano pola Unidade de Desenvolvemento Infantil e Apoio Familiar nos dous centros que o organismo ten en Vilalonga e Cambados.

Vilagarcía produciu no primeiro trimestre deste ano tres toneladas da denominada "fracción resto", "o mellor dato no que vai de século", segundo o goberno local.

A bandeira Sendeiro Azul ondea dende hoxe nas dúas rutas vilagarciáns que recibiron o galardón por segunda vez consecutiva: a Vía Verde do Salnés e a Ruta Mariñeira de Vilaxoán ao Carril.

O servizo do VaiBike de Vilagarcía volve ser obxeto das críticas da oposición.

Desta volta, o grupo municipal do PP presenta unha moción no próximo pleno “ante as continuas queixas das persoas usuarias”.

A deputada socialista Paloma Castro acusou hoxe a Xunta e PP de “tomarlle o pelo” á veciñanza de Vilagarcía por negarse a reformar as avenidas de acceso á cidade.

A Garda Civil busca ao autor dun roubo mediante tirón rexistrado esta mañá no Grove. Segundo a denuncia da víctima, un encarapuchado que ía en bicicleta derribou á muller e sustraeulle o bolso, dándose inmediatamente á fuga.

A Policía Local de Vilagarcía inicia hoxe unha campaña especial de vixilancia para controlar a circulación de vehículos de mobilidade persoal (VMP) durante a Semana Santa.

As condicións meteorolóxicas serán determinantes para que se acaben confirmando as reservas hoteleiras para os días fortes de Semana Santa, dende o xoves ao sábado.

O goberno de Vilagarcía cree que “a Xunta débelle aos vilagarciáns unha explicación polo fracaso na licitación da estación marítima a instalar na cabeceira do peirao de pasaxeiros”.

O BNG de Vilagarcía presentou unha moción para o seu debate en pleno solicitando á Xunta as accións oportunas no CEIP de O Piñeiriño para garantir a accesibilidade e mobilidade no mesmo.

A Asociación Cambados Zona Centro recupera o sistema de rascas na campaña do Día da Nai, que hoxe presentaron o Concelleiro de Comercio, Tino Cordal, e o presidente da asociación de comerciantes Juan Rey.

Sanxenxo comeza a xestionar o Plan Concilia para os meses de xullo e agosto e, trala Semana Santa, abre o martes 22 de abril o prazo de inscripción que se estenderá ata o 9 de maio.

A praia da Compostela volverá a acoller este mércores unha xornada de convivencia de fútbol praia, organizada pola Real Federación Galega de Fútbol, que se desenvolverá de 10:00 a 13:00h.

A Pontevedrada 2025 comezará o sábado 26 de abril o seu particular Camiño de Santiago nunha marcha nocturna de 67 kilómetros que partirá ás 20.00 horas dende a avenida de Montero Ríos da cidade do Lérez.

Xa se coñece o prezo das entradas para o concerto que Jennifer López ofrecerá o 8 de xullo en Pontevedra e que oscilarán entre os 79 e os 395 euros.

O sector vitivinícola do Salnés recibiu hoxe unha doble cita política para abordar a situación creada ante a crise arancelaria imposta por EEUU.

O secretario xeral do PSdG, Xosé Ramón Gómez Besteiro, pediu dende Martín Codax a implicación do presidente da Xunta, Alfonso Rueda con medidas impulsadas dende o seu goberno e instou ao PP a apoiar no Congreso o decreto anunciado polo goberno de España.

O BNG reclama medidas de acompañamento técnico e financeiro por parte da Xunta para o sector vitivinícola, como expresaba a voceira nacional Ana Pontón que esta mañá se reuniu en Cambados coas cooperativas do Salnés.

E dende o sector, as grandes adegas como Martin Codax, Paco & Lola o Condes de Albarei sitúanse en medio da incerteza, vivindo con preocupación unha posible recesión económica global que poida diminuir a demanda.

Vilagarcía aumenta a súa implicación coa compostaxe e amplía con catro novos módulos o centro comunitario do Piñeiriño ante os bos datos recollidos neste barrio, que o sitúan como un dos que máis biorresiduos recicla.

En Sanxenxo, cinco empresas optan a executar as obras de mellora da contorna da capela de San Amaro de Arra, cun orzamento base de 276.739 euros, financiado integramente a través do plan +Provinicia da Diputación.

Cambados ten todo preparado para o inicio esta tarde dunha nova edición da Festa dos Viños Espumosos, Essspop!, que este ano cambia de data coa intención de mellorar a promoción do producto.

Barro celebrará os días 26 e 27 de abril a segunda edición da Feira do San Amaro, organizada pola concellería de Festas, Feiras e Turismo en colaboración coa comunidade de Montes da Portela e o Grupo de Danzas Amor Ruibal.