មួយថ្ងៃមុនការប្រលងបាក់ឌុបខិតចូលមកដល់ យុវសិស្សថ្នាក់ទី១២ជាច្រើននាក់មកពីវិទ្យាល័យផ្សេងៗក្នុងរាជធានីភ្នំពេញ បានធ្វើដំណើរសំដៅមកកាន់កន្លែងទីសក្ការៈបូជានៃព្រះអង្គដង្កើរទល់មុខព្រះបរមរាជវាំង ដើម្បីយកផ្កាភ្ញីទៅថ្វាយសុំសេចក្តីសុខ សេចក្តីចម្រើនមុនពេលពួកគេចូលទៅប្រលង។ ការបន់ស្រន់បែបនេះ គឺដើម្បីជួយកាត់បន្ថយការភិតភ័យ និងការភ្លេចភ្លាំងរបស់គេជាពិសេសដើម្បីទទួលបាននូវនិទ្ទេសល្អផងដែរ។ ក្នុងចំណោមសិស្សថ្នាក់ទី១២ជាច្រើននាក់ ពួកគេបានលើកឡើងថា ការបន់ស្រន់លើអបិយជំនឿនេះ នៅតែជាធាតុផ្សំដ៏សំខាន់ចំពោះភាពជោគជ័យរបស់គេ។