ក្រុមអាជីវករប្រកបមុខរបរលក់ដូរ​ម្ហូបអាហារនៅរមណីយដ្ឋានទន្លេបាទីក្នុងខេត្តតាកែវ​ មិនចង់​ឃើញមានការចាក់លុបបឹងធម្មជាតិមួយនេះក្រោមរូបភាពអភិវឌ្ឍនោះឡើយ។ ប្រតិកម្មនេះបានកើតឡើង​បន្ទាប់ពី​​រដ្ឋាភិបាល​ បាន​សម្រេចកាត់ផ្ទៃបឹង​ទន្លេបាទី ​ក្នុងខេត្ត​តាកែវ និង​ជាប់ស្រុក​កណ្តាលស្ទឹង ​ខេត្តកណ្តាល ចំនួន​២២២​ហិកតាប្រគល់ទៅ​ឲ្យ​បុគ្គល​ឯកជន​ជាអ្នកកាន់​កាប់​ក្រោម​រូបភាពអភិវឌ្ឍ។ តាមរយៈបទយកការណ៍របស់ អ៊ឹង ប៊ុនថន នៅថ្ងៃនេះ ក្រុមអាជីវករសំដែងការបារម្ភ និងមិនចង់ឃើញវាសនាទន្លេបាទីដូចករណីភ្នំតាម៉ៅនោះឡើយ។