កង្វះ​អាហារ​ កង្វះ​ជីវជាតិ​ ឬ​សម្បូរ​ចំណី​ដែរ​តែ​ជា​ចំណី​ដែល​គ្មាន​ជីវជាតិ​ សុទ្ធ​តែ​បាន​បង្ក​បញ្ហា​សុខភាព​ ធ្ងន់ធ្ងរ​ និង​បាន​បង្អាក់​ការ​រីក​លូតលាស់​របស់​កុមារ​មួយ​ចំនួន​នៅ​កម្ពុជា​ ពិសេស​នៅ​តាម​តំបន់​ជនបទ​ដាច់​ស្រយាល។​ កុមារ​ជួប​បញ្ហា​កង្វះ​អាហារូបត្ថម្ភ​នេះ​ អាច​ប្រឈម​នឹង​ជំងឺ​ក្រិន​ មាន​ការ​រីក​លូតលាស់​បញ្ញា​ស្មារតី​យឺត​យ៉ាវ​ និង​ងាយ​ឆ្លង​ជំងឺ​ផ្សេងៗ។​ អាណាព្យាបាល​របស់​កុមារ​តូច​ដែល​ជួប​បញ្ហា​កង្វះ​អាហារូបត្ថម្ភ​ ចែក​រំលែក​ថា​ ដំណាក់កាល​តាម​ដាន​និង​ព្យាបាល​សុខភាព​របស់​កូនៗ​គឺពិត​ជាពិបាក​ ចាំ​បាច់​ត្រូវ​ការ​ភាព​អត់ធ្មត់​ខ្ពស់​មែន​ទែន។​