គិត​មក​ដល់​ពេល​នេះ ​មន្ត្រី​នៃ​អតីត​គណបក្ស​សង្រ្គោះជាតិ​ចំនួន១១៨រូប​ បាន​ទទួល​សិទ្ធិ​ធ្វើ​នយោបាយ​ឡើង​វិញ​ហើយ​ បន្ទាប់​ពី​ជាប់​បម្រាម​របស់​តុលាការ​កំពូល​ចំនួន​៥ឆ្នាំ។​ ពេល​វេលា​៥ឆ្នាំ​មក​នេះ ​ត្រូវ​បាន​មន្ត្រី​នៃ​អតីត​គណបក្ស​សង្រ្គោះជាតិ​ លើក​ឡើង​លំនាំ​គ្នា​ អំពី​ការ​ខាតបង់​ប្រយោជន៍​ជាតិ​ដ៏​ធំធេង​ ក្នុង​ការ​កែ​លម្អ​ប្រព័ន្ធ​ប្រជាធិបតេយ្យ​ក្នុង​ស្រុក។​ ហើយ​កាល​វេលា​នេះ ​គឺ​ជា​ការ​ត្រលប់​មក​វិញ​ ដើម្បី​ចូល​រួម​ស្តារ​បញ្ហា​ប្រជាធិបតេយ្យ ​និង​សិទ្ធិ​មនុស្ស ​នៅ​កម្ពុជា​ជា​ថ្មី។​