នៅថ្ងៃសៅរ៍នេះ ជាថ្ងៃទីបីនៃព្រះរាជពិធីបុណ្យអុំទូក បណ្តែតប្រទីប អកអំបុកនិងសំពះព្រះខែ ដែលជាពិធីបុណ្យមួយរបស់ប្រជាជាតិខ្មែរ។ ក៏ប៉ុន្តែនៅឆ្នាំនេះពិធីបុណ្យអុំទូក មិនត្រូវបានរៀបចំឡើងដោយ ក្រោមឥទ្ធិពលនៃវិបត្តិកូវីដ១៩។ ទោះជាយ៉ាងនេះក្តី អ្នកធ្លាប់មានបទពិសោធន៍លេងទូកង បានរំលឹកឡើងវិញពីសារៈសំខាន់នៃការលេងទូកង គឺជាការរក្សាបាននូវទំនៀមទម្លាប់ប្រពៃណីនៃអ្នកភូមិស្រុក។ ហើយលើសពីនេះការអុំទូក គឺជាការបង្ហាញចេញពីសាមគ្គីភាពជាធ្លុងមួយនៃប្រជាជាតិខ្មែរ ដោយគ្មានប្រកាន់និន្នាការ។