សិល្បៈ​ចាប៉ីដង​វែង នៅ​តែ​ដង្ហោយ​ហៅ​សិស្ស​ចូល​រៀន​ដោយ​ឥត​គិត​ថ្លៃ បន្ទាប់​ពី​អ្នក​អភិរក្ស​នៅ​តែ​មាន​ក្ដីព្រួយ​បារម្ភ​អំពី​ភាពផុយ​ស្រួយ​ក្នុង​ពេល​អនាគត​គ្មាន​អ្នក​បន្តវេន។ នៅ​ក្នុង​បរិបទ​កូវីដ១៩ សហគមន៍ចាប៉ី​អមតៈ​បាន​បោះមួយ​ជំហ៊ាន​ទៀត បង្រៀន​សិស្ស​តាម​អនឡាញ​ដោយ​មាន​សិស្ស​ចូល​រៀន​១៥​នាក់ ដែល​ពួក​គេ​ទាំង​នេះ​រស់​នៅ​ក្រៅ​ប្រទេស​ និង​ក្នុង​ប្រទេស។ លោក ពេជ សារ៉ាត ដែល​ជា​គ្រូ​បង្វឹកនិយាយ​ថា លោក​ខ្លោច​ចិត្ត​នៅ​ពេល​ដែល​ពលរដ្ឋ​មួយ​ចំនួន​មិន​ស្គាល់​ចាប៉ី​ដងវែង ទោះ​ជា​ចាប៉ី​ខ្មែរ​ត្រូវបាន​ដាក់​បញ្ចូល​ជា​សម្បត្តិ​បេតិកភណ្ឌ​របស់​អង្គការ​យូណេស្កូ​នៅ​ក្នុង​ឆ្នាំ​២០១៦​ក្ដី។