នៅក្នុងនាទីជីវិតជោគជ័យ​របស់វិទ្យុយើងនៅពេលនេះ សួង សុខភារី សូ​ម​នាំលោកអ្នក​នាងឱ្យ​បានស្គាល់ពី អ្នក​នាង រាជ ចំប៉ារ័ត្ន អ្នក​បង្កើតមាតិកាពីការញុំាអាហារ លើ​បណ្តាញសង្គម ឬ ហៅថា Digital Food Content Creator។ ទោះបីជាទើប​បង្កើតបានប្រមាណ ៤ឆ្នាំមែន តែ​ទំព័រហ្វេសប៊ុក របស់អ្នក​នាង ចំប៉ារ័ត្ន បាន​ទទួលការ​គាំទ្រជាខ្លាំងពីមហាជន​។ តាមអ្នក​នាងចំប៉ារ័ត្ន ដើម្បីទទួល​បានភាព​​ជោគជ័យ​លើ​បណ្តាញ​ឌីជីថល គឺត្រូវតែព្យាយាម​ស្គាល់​ពីចំណុច​ខ្លាំងរបស់​ខ្លួន​ឯង ហើយ​រិះរកគំនិតច្នៃប្រឌិតបន្ថែម។ អ្នក​នាង ចំប៉ារ័ត្ន លើកទឹកចិត្ត​ កុំឱ្យ​មានការ​ព្យាយាម​ចម្លងធ្វើតាមតែគ្នា ដែលនាំឱ្យ​បាត់បង់​ភាពច្នៃប្រឌិតផ្ទាល់ខ្លួន។