Am Basket ass den 2. Spilldag vum Titel-Playoff ganz op haut Freideg virverluecht ginn. Och am Ofstiigsgrupp ginn d’Halschecht vun de Matcher schonn haut den Owend ugepaff. Fir muer Samsdeg bleiwe nach just zwou Partien ënnenof.
An och d’Damme vum Gréngewald a vun der Etzella trieden eréischt muer un.
Den Detail vum Guy Seyler:

Um ¼ vir 9 den Owend kritt d’Etzella Besuch vum T71 Diddeleng. Zu Ettelbréck denken se haut zréck un den 6. Oktober. Deemools waren si géint dëse Géigner 37 Minutte laang déi dominant Equipe, hunn du awer um Enn mat 90 – 91 hier bis elo eenzeg Defaite encaisséiert. Duerfir ass de Frank Müller vum T71 fir den Owend och zimlech optimistesch.
CUT Frank
Och um ¼ vir 9 den Owend spillt d’Amicale Steesel géint de Stader Racing. Trotz hirer desolater Prestatioun vum leschte Weekend ass fir d’Equipe vum Capitaine Pitt Koster déi 2. Plaz nach net ganz fort:
CUT 2 Pitt
Déi 2. Plaz fest am Bléck huet de Basket Esch. Géint d’Sparta dierft déi net a Gefoer sinn. De Pit Biever stellt sech awer op en haart Stéck Aarbecht an op e physesche Match an:
CUT 3 Pit Biever
Interessant gëtt et och ënnenof. Steige Konter an Hiefenech op, falen d’Kordall Steelers a Walfer eraus? E Pronostic ass do ganz schwéier.
Mam Derby den Owend um hallwer 9 tëschent Hiefenech an der Fiels gëtt et eng Affiche, déi wéinst der Noperschaft e besonnesche Suspens garantéiert.
                                              Magic Number
Hiren 1. Match an dësem Championnat verluer hunn d’Häre vu Konter an d’Damme vum T71 Diddeleng.
16 mol war Konter als Vainqueur vum Terrain gaangen. E Samsdeg géint Hiefenech ass dës Serie gerass. Vill Kappzerbrieches mécht dat hinnen awer net. Si hunn den Opstiig nach ëmmer fest am Viséier an déi éischt Nimm vu Verstäerkungen fir d’Total League zirkuléieren och schonn.

Déi Diddelenger Dammen hunn nach e besserer Parcours opzeweisen.  18 Matcher laang hat keen hinnen den Aarm gebéit. E Samsdeg op der Musel houng fir dem Thierry Kremer seng Formatioun de Kuerf awer e Stéck ze héich.
Cut 4 Thierry  

SPROCH vun der WOCH
D’Tëscheronn dauert nach 4 Spilldeeg. Duerno spillen d’Plazen 3 bis 6 Véirelsfinalen.
Déi 2 éischt-placéiert sinn direkt fir d’Hallef-finale qualifizéiert. Dat bedeit, si hunn 3 Woche Paus.
Fir déi eng ass esou e Break en Nodeel, well de Rhythmus gebrach gëtt.  De Pit Biever vun Esch géif eng Paus awer begréissen.
Cut 5 Pit
Mär Aler brauchen heiansdo eng Paus, seet de Pitt. An ech soen: hien huet Recht.

Rebound

Am nationale Basket stinn zanter dem leschte Weekend d'Coupe Finalle fest.
Bei den Dammen kritt Steesel et mam Gréngewald ze dinn a bei den Hären ass et de Remake vu leschter Saison tëscht Steesel an der Etzella.
Am Rebound vun haut kuckt de Jeff Kettenmeyer och op Steesel wou et no dëser Saison ee neie President wäert ginn.

Am nationale Basket stinn zanter dem leschte Weekend d'Coupe Finalle fest.
Bei den Dammen kritt Steesel et mam Gréngewald ze dinn a bei den Hären ass et de Remake vu leschter Saison tëscht Steesel an der Etzella.
Am Rebound vun haut kuckt de Jeff Kettenmeyer och op Steesel wou et no dëser Saison ee neie President wäert ginn.

Bei deene 4 Coupe Halleffinallen huet sech all Kéier den Favorit duerchgesat.
Bei de Steeseler Dammen schéngt et wat d'Saison méi laang dauert ëmmer besser ze goen, d'Liz Schmitz.

CUT

Mat der Amicale ass och am Playoff vum Championnat duerchaus ze rechnen, virun allem d'Experienz dierft géintiwwer deenen aneren Equipen ee grousse Virdeel sinn.
An der Coupe Finale geet et elo géint de Gréngewald.
D'Equipe vum Herrmann Paar profitéiert virun allem vum Wiessel op der Auslännerpositioun, sou d'Anne Simon.

CUT

Bei den Hären ass et déi selwecht Affiche wéi d'lescht Saison, allerdéngs mam Ënnerscheed datt des Kéier d'Etzella Favorit ass an et och sou ausgesäit wéi wann d'Equipe mental dee nächste Schratt gemaach huet, de Jairo Delgado.

CUT

D'Coupe Finallen sinn den 16. Mäerz an der Arena vun der Coque.

Let's Talk About Jingle

E Sonndeg huet de Frank Fischer bei eis am Interview datt Enn der Saison als President vun der Amicale Steesel ophält.

CUT

An deemno wéi kennt jo des Saison nach deen een oder aneren dobäi.
Wien no der Ära Frank Fischer kennt steet awer nach net fest.

CUT

Spotlight Jingle

Dese Weekend ass souwuel bei den Dammen wéi bei den Hären den Optakt vum Titelplayoff.
Bei den Dammen gëtt eng Hin a Réckronn gespillt, bei den Hären sinn et dogéint just 5 Matcher ier et dann an d'Serien geet.

Sproch vun der Woch Jingle

D'Hären vun der Etzella hunn bal eppes ganz Spezielles géint Hiefenech realiséiert.
Bal all Spiller huet op mannst ee Punkt geschoss, ausser de Jairo Delgado deen duerno vun senger eegener Equipe op d'Schëpp geholl gouf.

CUT

Am nationale Basket ass de Weekend mat de Coupe Halleffinallen den éischte richtegen Héichpunkt vun der Saison.
Ganz interessant ass, datt et souwuel bei den Häre wéi och bei den Dammen an all Match op d'mannst um Pabeier ee Favorit gëtt.
Am Rebound vun haut kuckt de Jeff Kettenmeyer op déi 4 Matcher no vir.

Am nationale Basket ass de Weekend mat de Coupe Halleffinallen den éischte richtegen Héichpunkt vun der Saison.
Ganz interessant ass, datt et souwuel bei den Häre wéi och bei den Dammen an all Match op d'mannst um Pabeier ee Favorit gëtt.
Am Rebound vun haut kuckt de Jeff Kettenmeyer op déi 4 Matcher no vir.

Muer ass d'Sparta Bartreng zwee mol am Asaz.
Bei den Dammen geet et um véirel fir 6 géint de Gréngewald an duerno bei den Hären um véirel op 8 géint d'Amicale Steesel.
Fir de President Frank Arendt ass et natierlech immens erfreelech datt direkt zwou Equipen an der Coque dobäi sinn.

CUT

Obwuel bei den Dammen d'Sparta an der Roll vum Aussesäiter ass, hofft een géint de Gréngewald op eng Victoire, d'Lynn Kauffmann.

CUT

De Gréngewald huet des Saison eppes fäerdeg bruecht wat bis elo soss nach kenger Equipe gegléckt ass.
An der Coupe hunn si nämlech den T71 Diddeleng eliminéiert, wat bis elo nach ëmmer déi eenzeg Néierlag vum Tabelleleader aus dem Championnat ass.
Dammen vum Herrmann Paar ginn deemno als liichte Favorit an de Match géint d'Sparta.
Bei den Hären ass et eng ähnlech Situatioun.
D'Sparta ass wuel e bëssen manner staark anzeschätzen wéi Steesel an awer stinn d'Chancen net schlecht, sou den Nationaltrainer an RTL Expert Ken Diederich.

CUT

E Sonndeg um 3 Auer spillt Wolz bei den Dammen géint d'Amicale Steesel.
Den aktuelle Doublé Gewenner ass den Ament gutt drop, hellt Wolz awer net op déi liicht Schëller, sou den Trainer Rene Kaiser.

CUT

Bei den Hären ass et um hallwer 6 déi zweet Halleffinalle tëscht der Etzella an Hiefenech aus der National 2.
Déi Ettelbrécker sinn bis elo déi dominant Equipe an trotz 10 Punkten Reckstand wier eng Néierlag immens iwwerraschend, sou de Ken Diederich.

CUT

All d'Matcher ginn de Weekend och hei um Radio an op rtl.lu am Livestream iwwerdroen.

Am nationale Basket ass dëse Weekend de leschte Spilldag virun de Playoffen.
Souwuel bei den Hären wéi och bei den Dammen geet et an éischter Linn drëms, wéi eng Equipe op déi 6. an domat leschte Plaz fir de Playoff kënnt.
Am Rebound vun haut kuckt de Jeff Kettenmeyer, wien déi beschte Chancen huet.