Am nationale Basket gëtt nach ëmmer de Champion bei den Damme gesicht. Muer ass déi zweet Finale tëscht dem T71 a Steesel, a mat enger Victoire wier d'Amicale Champion. De Jeff Kettenmeyer kuckt op dësen Duell zeréck an och no vir.

Mat engem Succès zu Diddeleng kéint d'Amicale Steesel dee 4. Championstitel hannerteneen perfekt maachen.
Auswäerts an der Forge du Sud gëtt dat fir Liz Schmitz a Co awer keng einfach Affaire.

CUT

Wann den T71 d'Serie well ausgläichen musse verschidde Saachen anescht lafen wéi de leschte Weekend.
Virun allem de Rebound an déi allgemeng Aarbecht ënnert dem Kuerf géint d'Mariesa Green huet ze wënschen iwwereg gelooss, den Coach Thierry Kremer.

CUT

D'Euphorie bleift zu Diddeleng trotz der Néierlag weider héich.

CUT

Muer den Owend um 7 Auer ass déi zweet Finale tëscht dem T71 an der Amicale.

Let's Talk About Jingle

Damme vu Steesel dominéieren zanter Joren de Championnat.
Ee Reproche deen de Veräin méi dacks héiert ass datt dëst mat Spillerinnen de Fall ass déi net aus der eegener Jugend kommen.
De President Frank Fischer huet dozou eng kloer Meenung.

CUT

Spotlight Jingle

An der NBA bleiwen nach 4 Equipe iwwereg fir Champion ze ginn.
An der Finale am Westen ass et de Showdown tëscht de Houston Rockets an dem aktuellen Champion Golden State Warriors.
Am Osten spillen d'Boston Celtics an d'Cleveland Cavaliers géinteneen.

Sproch vun der Woch Jingle

Déi éischt Finale vun den Dammen hunn iwwer 500 Spectateuren suivéiert, dat sinn der net vill manner wéi bei den Hären wou déi lescht Finale just 600 Leit do waren.
De Frank Fischer huet heifir eng Erklärung.

CUT

Am Basket heescht de Champion bei den Hären wéi och schonn déi lescht 2 Joer Amicale Steesel. Bei den Dammen kéint dat och esou sinn, well hei spillt d’Amicale d’Finall géint den T71 Diddeleng. Am REBOUND vun haut kucken de Guy Seyler an de Jhang Mathes nach eng Kéier zréck op d’Häre – Finall, an natierlech awer och no vir op déi bei den Dammen

Am Basket heescht de Champion bei den Hären wéi och schonn déi lescht 2 Joer Amicale Steesel. Bei den Dammen kéint dat och esou sinn, well hei spillt d’Amicale d’Finall géint den T71 Diddeleng. Am REBOUND vun haut kucken de Guy Seyler an de Jhang Mathes nach eng Kéier zréck op d’Häre – Finall, an natierlech awer och no vir op déi bei den Dammen

Bei den Hären war et wéi déi lescht Joren ëmmer. D’Amicale ass als Vainqueur vum Terrain gaangen an huet sech den Titel geséchert, iwwregens fir d’drëtte Kéier hannereneen.

Just de Finall – Géigner hat par rapport zu deenen 2 Joer virdrun geännert. D’Etzella hat d’Pikes ofgeléist, konnt et awer net besser maachen wéi déi Miseler.

No 3 Matcher, wéi och déi Jore virdrun,  hunn déi Steeseler de Sak zougemaach, obschonn dës Kéier fir d’éischt nom System ‘‘best of five‘‘ gespillt ginn ass.

D’Etzella huet trotzdeem net demeritéiert a kann houfreg op hir Leeschtung sinn. De Jairo Delgado kuckt dofir och ganz optimistesch an d’Zukunft ….

Déi Ettelbrécker haten sech no Qualifikatioun an Tëscheronn als 1. klasséiert. Trotzdeem huet de Samy Picard vun der Amicale net verstanen, firwat d’Etzella sollt an der Finall favoriséiert sinn ….

Fir de Steeseler Trainer Ken Diederich war et dee leschte Match als Coach vun der Amicale. Wat waren da seng Gefiller direkt nom Match?...

SPOTLIGHT

Bei den Dammen heeschen d’Titel – Finallen Amicale Steesel géint den T71 Diddeleng.

Déi Diddelenger Meedercher hunn sech nämlech gëscht Owend am 3. an decisive Match mat 73 op 48 bei de Musel Pikes duerchgesat.

Klore Favorit sinn hei ouni Zweiwel déi Steeseler Dammen, déi sech schonn d’lescht Woch géint Konter fir d’Finall qualifizéiert haten.

Den Amicale – Trainer René Keiser ass sech awer net sécher, ob dës méi laang Paus fir seng Equipe e Virdeel ass ….

Deen 1. Match vun de Finallen, déi bei den Dammen nom System ‘‘best of three‘‘ gespillt ginn, ass e Sonndeg um ½ 7 zu Steesel.

MAGIC NUMBER

81 Punkten an der Moyenne huet d’Etzella an deenen 3 Matcher vun der Finall geschoss.

An trotzdeem sollt et net duergoen, fir och nëmmen eng vun deenen 3 Partien ze gewannen.

D’Amicale huet nämlech 86 Punkten an der Moyenne markéiert. Net vill méi, an awer méi wéi genuch.

SPROCH VUN DER WOCH

Ech mengen, den Ettelbrécker Jairo Delgado ass endlech hannert e Geheimnis komm, wat eis och géif interesséieren ….

Cut:

Ah sou Jairo, a wéi méchs du dat?

Am Basket kenne mir e Sonndeg vläicht schonn den neie Champion. D’Amicale Steesel reest mat engem 2- 0 Avantage op Ettelbréck a kann do – wéi et ëmmer esou schéin heescht  - de Sak zou maachen.

Bei den Dammen gesäit et esou aus, wéi wa Steesel an d’Musel Pikes d’Titel-Finale géife spillen.
Dat muss sech haut den Owend awer nach confirméieren. Do stinn déi zweet Halleffinalen um Programm:
Um 8 Auer spillt Konter géint Steesel .
An um hallwer 9 kréien d’Pikes Meedercher Besuch vum T71 Diddeleng.

All dat ass en Thema am Rebound vum Guy Seyler:

Am Basket kenne mir e Sonndeg vläicht schonn den neie Champion. D’Amicale Steesel reest mat engem 2- 0 Avantage op Ettelbréck a kann do – wéi et ëmmer esou schéin heescht  - de Sak zou maachen.

Bei den Dammen gesäit et esou aus, wéi wa Steesel an d’Musel Pikes d’Titel-Finale géife spillen.
Dat muss sech haut den Owend awer nach confirméieren. Do stinn déi zweet Halleffinalen um Programm:
Um 8 Auer spillt Konter géint Steesel .
An um hallwer 9 kréien d’Pikes Meedercher Besuch vum T71 Diddeleng.

All dat ass en Thema am Rebound vum Guy Seyler:

Et hat een der Etzella méi zougetraut. Si waren och zweemol no drun. Mee nodrun geet net duer.

An den decisive Phasen, och nach money time genannt, hu si versot.
Zu Ettelbréck ware si 106 Sekonnen virum Enn 1 Punkt vir, hunn du awer net méi getraff. Esou guer op der Fräiworflinn ass hinnen de Wapp gaangen.

Zu Steesel haten si 35 Minutten alles am Grëff. Du huet et awer erëm un der néideger Routine gefeelt, fir dat Resultat ze geréieren.

Ganz anescht ass dat bei Steesel. D’Amicale war zäitweis 15 Punkten hannen. Panikéiert hunn si net. Mat hirer ganzer Experienz aus de leschte 6 Joer, wou si ëmmer an den Titel-finale waren, haten si um Schluss d’Nues vir.

Wann ee vun Experienz schwätzt, da fält engem direkt de Billy Mac Daniel an. De sympatheschen Amerikaner spillt seng 10. Saison zu Lëtzebuerg a seng 5. fir d’Amicale Steesel. De Ken Diederich weess, wat hie nun him huet:
Cut KEN 1

Den 28. Mee kritt hien 34 Joer. Zum alen Eisen gehéiert hien net. Mat 26 respektiv 34 Punkten war hien de Garant vun der 2 - 0 Féierung.

Wann hien e Sonndeg feiert, da wier dat de 5. Titel an de leschten 3 Joer. 2016 Champion, 2017 an 2018 Doublé Gewënner.

Mee nach ass et net esou wäit. Ettelbréck huet e Sonndeg um 5 Auer  eng lescht Chance, d’Saach spannend ze halen.

                                              SPOT LIGHT

D‘Damme sinn eréischt bei den Hallef-Finalen. Ma déi kënnten awer de Owend schonn ofgeschloss ginn.

Den Titelverdeedeger Steesel geet no enger däitlecher Victoire en Dënsdeg haut nach just op Konter, fir sech do den Ticket fir d‘Final ofzehuelen.

E bësse méi spannend kann et zu Stadbriedemes hiergoen. D’Pikes Meedercher hunn dien éischte Match beim T71 zwar op 14 Punkte gewonnen. Mee déi jonk Diddelenger Equipe ass capabel, haut eng Reaktioun ze weisen.

Let’s talk about

Bei der Sparta setzen se scho méi laang intensiv op d’Jugend. Datt dat keng eidel Versprieche sinn, hunn se de leschte Weekend an der Coque  gewisen.

D’Coupe de Luxembourg goung an alle männleche Kategorien op Bartreng. D’Minien, d’Scolairen an och d’Cadets hunn hire Géigner an de Finale keng Chance gelooss.

Dobäi sinn d’Titelen fir de Bartrenger President Frank Arendt net dat wichtegst.

CUT Arendt 1

Bei der Sparta wëssen se och, wéi se déi Jugendlech begeeschtere kënnen. An der Ouschtervakanz stoung en Tripp an Amerika um Programm. Fir déi jonk ganz bestëmmt eng eemoleg Aventure:

CUT 2 Arendt

SPROCH VUN DER WOCH

D’Finalen ginn nom System best of five gespillt. D’Reienfollech ass vu vir eran fixe, seet den FLBB President Henri Pleimling.

Cut Heng

Home – away – home -  away – home – away – ass dat éieren en  Iwwergank op eng Serie best of seven.

.
    
 

Am nationalen Häre Basket ass de Weekend den Optakt vun de Championnatsfinallen tëscht der Etzella an der Amicale. Jang Mathes a Jeff Kettenmeyer kucken op des Serie no vir.
Och bei den Dammen stinn d'Equippen kuerz virum Final 4.

Am nationalen Häre Basket ass de Weekend den Optakt vun de Championnatsfinallen tëscht der Etzella an der Amicale. Jang Mathes a Jeff Kettenmeyer kucken op des Serie no vir.
Och bei den Dammen stinn d'Equippen kuerz virum Final 4.