Am nationale Basket gëtt et eescht. Haut a muer sinn déi éischt ¼ Finalen vum Titel Play Off.
Den Owend um hallwer 9 huet den T71 Diddeleng Heemrecht géint d’Musel Pikes. Dat selwecht gëllt muer den Owend fir de Basket Esch géint d’Sparta. Do däerf ee sech héchsten 1 Feeltrëtt erlaben, well gespillt gëtt nom Modus "Best of Three".
Méi dozou gëtt et elo am Rebound vum Jang Mathes a Guy Seyler.

Am nationale Basket gëtt et eescht. Haut a muer sinn déi éischt ¼ Finalen vum Titel Play Off.
Den Owend um hallwer 9 huet den T71 Diddeleng Heemrecht géint d’Musel Pikes. Dat selwecht gëllt muer den Owend fir de Basket Esch géint d’Sparta. Do däerf ee sech héchsten 1 Feeltrëtt erlaben, well gespillt gëtt nom Modus "Best of Three".
Méi dozou gëtt et elo am Rebound vum Jang Mathes a Guy Seyler.

Wann déi meescht Lëtzebuerger hier Ouschtereeër an der Vakanz sichen, kommen d’Basketspiller an déi décisiv Phase.
D’Musel Pikes sinn de Finalist vun de leschten 2 Joer. Dës Saison stinn d’Zeechen net esou gutt. Vun 23 Matcher hu si der just 12 gewonnen.  Zwee dovun allerdéngs géint de Géigner vun haut den Owend.
Déi Serie wëllt de Jean Kox viru féieren.
CUT 1 Jean KOX
Fir den Tom Schumacher sinn déi zwou Defaitten kale Kaffi. Hie gesäit den T71 an der Favoritteroll.
CUT 2 Schumi
Déi aner Véirelsfinale tëschent dem Basket Esch an der Sparta vu Bartreng gëtt muer den Owend um hallwer 9 ugepaff.  De Basket Esch huet Heemvirdeel, an dat ass fir den Alex Rodenbourg e groussen Avantage.
CUT 3 Rodenbourg
Fir datt et en anere Wee geet, muss Bartreng awer schonn iwwert sech eraus wuessen. De Philippe Arendt gesäit awer eng kleng Chance.
CUT 4 Arendt
Vum Vakanz ass nach keng Ried.  D’Retourmatcher sinn den nächste Mëttwoch. A wann en 3. Match néideg ass, da gëtt deen den nächste Samsdeg gespillt. Dann erëm zu Diddeleng an zu Esch.
Et kann awer och sinn, datt e Mëttwoch schonn décidéiert ass, wien Mëttwochs drop, den 11. Abrëll d’Hallef-finalen géint Ettelbréck a géint Steesel spillt.
Magic NUMBER
Hiefenech spillt déi nächst Saison erëm an der Nationale 2. Dee Verdikt ass schonn definitiv gefall.
An der Total League hunn si – esou schéngt et - ëmmer nëmmen eng Openthaltsgenehmegung fir 1 Joer.
2007 huet de 4-fache Champion no 20 Joer an der héchster Divisioun de battere Wee an d’Nationale 2 missten untrieden. Zanter hier geet et monter op an of.
5 Mol sinn si duerno schonn erëm opgestigen. Genee esou dacks sinn si och ëmmer erëm eraus gefall. Ze gutt fir ënnen, ze schwaach fir uewen.
Ze hoffe bleift, datt de Comité net de Courage verléiert.  
SPROCH VUN DER WOCH
Wéi muss ee spillen, fir ze gewannen? Den Alex Rodenbourg huet dem Shari Schenten et an kuerze Wierder erkläert.
CUT 5 Alex

Am Basket geet et no de Coupe - Finallen dëse Weekend nees weider am Championnat.

Am REBOUND vun haut kucken de Rich Simon an de Jhang Mathes mat enger gewësser Enttäuschung nach eng Kéier zréck op d’Matcher vum leschte Weekend an der Coque.

Am Basket geet et no de Coupe - Finallen dëse Weekend nees weider am Championnat.

Am REBOUND vun haut kucken de Rich Simon an de Jhang Mathes mat enger gewësser Enttäuschung nach eng Kéier zréck op d’Matcher vum leschte Weekend an der Coque.

De leschte Samschdeg war an der Coque mat de Coupe – Finallen bei den Dammen a bei den Hären, deen 1. groussen Héichpunkt vun der Saison.

Besser gesot, et hätt sollen en ‘‘Highlight‘‘ sinn, mä dovu ware mer leider ganz wäit ewech.

D’Finale vun der ‘‘Coupe des Dames‘‘ tëscht der Amicale an der Etzella war zwar net héichklasseg, op d’mannst awer war se spannend bis zum Schluss.

Um Enn konnt de Favorit Steesel sech knapp mat engem Punkt Differenz duerchsetzen. Dobäi hat d’Amicale am leschte Véierel esouguer een Ament 16 Punkten Avance.

No der Defaite waren d’Gefiller vum Ettelbrécker Trainer Amadeo Dias dann och éischter gedeelt.

Wien sech duerno vun der Härefinalle tëscht deene momentan 2 beschten Equippen eng Delikatess erwaart hat, gouf batter enttäuscht.

Et war praktesch iwwer 40 Minutten e gellege Kramp an alles anescht wéi e Pleséier fir d’Spectateuren.

An do soll mer keen als Entschëllegung mat deem groussen ‘‘Enjeu‘‘ an deenen haarde Kierf an der Coque kommen. Dat ass als Excuse einfach nëmme bëlleg.

Natierlech war awer de Steeseler President Frank Fischer zefridden mat der Victoire vu senger Equipe.

De Gros vun de Leit an der Hal a besonnesch déi virun der Telé konnten awer just de Kapp rëselen iwwer dat, wat do um Terrain gebuede ginn ass.

Dass et och anescht geet, hu schonn dacks Coupe – Finalen an der Coque gewisen, ech denken do ënner anerem och un déi vum leschte Joer.

Dës Kéier allerdéngs gouf erëm eng gutt Geleeënheet verpasst, fir Reklamm fir de Basket ze maachen, besonnesch bei deene Leit déi soss net reegelméisseg an d’Hale ginn.

SPOTLIGHT

D’Annonce vum Steeseler Trainer Ken Diederich, een Dag virun  de Coupe – Finalen, als Coach vun der Amicale no der Saison opzehalen, war bestëmmt kee schlechte Motivatiounscoup fir seng Spiller.

No der Finale hat de Ken Diederich zimlech gemëschte Gefiller.

MAGIC NUMBER

Bei den Hären bleiwen am Op- an Ofstigsgrupp nach 7 Matcher ze spillen.

Am Relegatiounsgrupp huet de Stater Racing 3 Punkten Avance op den Zweetleschte Konter.

Déi Konter hirersäits hunn 1 Punkt Retard op d’Résidence Walfer.

A grad zu Walfer musse Birenbaum a Co muer den Owend untrieden, eng fir béid Equppen ganz wichteg Partie.

Am Ofstigsgrupp dogéint schéngt schonn alles kloer ze sinn. D’Arantia Fiels an d’Kordall Steelers sinn hei wuel net méi anzehuelen.

SPROCH VUN DER WOCH

Rich, verstees du vläicht, wat de Steeseler Dammen – Trainer René Keiser heimat wollt soen?

Also, sou wéi ech et verstinn, hätt dir 2 jo richteg gutt Spiller misse gewiescht sinn. Firwat war dat dann net esou?

Dëse Weekend sti mat de Coupe Finallen déi éischt Decisioune vun der Saison um Programm. Muer heescht d'Affiche an der Arena vun der Coque zweemol Steesel géint Ettelbréck. Wa bei den Dammen Steesel als klore Favorit gehandelt gëtt, esou deit d‘Finale bei den Hären sech vill méi serréiert un. Jang Mathes a Guy Seyler.

Dëse Weekend sti mat de Coupe Finallen déi éischt Decisioune vun der Saison um Programm. Muer heescht d'Affiche an der Arena vun der Coque zweemol Steesel géint Ettelbréck. Wa bei den Dammen Steesel als klore Favorit gehandelt gëtt, esou deit d‘Finale bei den Hären sech vill méi serréiert un. Jang Mathes a Guy Seyler.

D’Arena vun der Coque ass den Ettelbrécker hier léifste Spillplaz. 6 mol stounge si bis elo do an enger Coupe Finale, 6 mol hunn si dat sëlwert Dëppe mat heem geholl.

Derbäi kënnt, datt si an enger Bommeform sinn. Hier leschten Defaite geet op den 11. November zréck. Zanter hier hu si alles gewonnen. Esou wuel zu Steesel wéi och an eegener Hal hunn si sech géint d’Amicale behaapt. Dat gëtt dem Frédéric Gutenkauf déi néideg Confiance fir muer.

Cut a Fritz  

D’Etzella ass net liicht auszerechnen. Si kënne méi wéi eng Tromp ausspillen.

Cut b Jairo

Vun all deene Statistiken loossen se sech zu Steesel net beandrocken.
De Pitt Koster op alle Fall net.

Cut c Pitt

Eng ähnlech Intensitéit, eng ähnlech Spannung wéi de leschte Sonndeg  wier schonn eng flott Saach, hunn ech dem Steeseler Trainer Ken Diederich gesot:

Cut d Ken

Geet d’Coupe fir d’23. Kéier op Ettelbréck, oder bleift se eng weider Saison zu Steesel?

Eng Äntwert gëtt et muer vu ¼ op 8 un an der Arena vun der Coque. Och RTL Radio an d’Telee si live fir Iech derbäi.

Let’s talk about

Um hallwer 6 muer gëtt d’Coupe Finale bei den Dammen ugepaff. Scho virun 3 Joer haten Ettelbréck a Steesel sech an der Coque begéint. Deemools konnt d‘Etzella feieren.

Dëse Succès muer ze widderhuelen, schéngt extrem schwéier. Ettelbréck ass dës Saison nämlech net konstant genuch. Hiere Problem beschreift den Trainer Amadeo Dias esou:

CUT 1 Ama

D’Ana Petrova gesäit alles vill méi positiv

Cut 2 Petrova

Den Ettelbrécker Meedercher hiren Optimismus an Eieren, mee Steesel ass de grousse Favorit. Si dominéieren de Championnat, an hu fir déi decisif Phase erëm den Erfollegstrainer René Keiser reaktivéiert. An dee weess, wéi een eng Equipe richteg astellt.

SPROCH VUN DER WOCH

Dëst Joer ginn d’Finalen am Championnat nom System best op 5 gespillt. Wat dat bedeit, weess nach net jiddereen.
Duerfir hues du dem Jairo Delagado et mol erkläert

CUT
 
 
 

Am Basket steet dëse Weekend den 3. Spilldag vum Titel Play Off um Programm. Deen interessantste Match ass wahrscheinlech e Sonndeg, wa mat Etzella an Amicale déi zwee punktgläich Tabelle-Leaderen géinteneen untrieden. De Rebound mat Jang Mathes a Guy Seyler.