Am Basket ass et op nationalem Plang den Ament éischter roueg. Dofir sinn déi Lëtzebuerger Dammen- an Häreselektiounen déi nächst Woch op de Spiller vun de klenge Länner a San Marino awer richteg gefuerdert. Am REBOUND vun haut beliichten de Jeff Kettenmeyer an de Jhang Mathes zesumme mam FLBB – President Henri Pleimling d’Chancen vun eisen 2 Equippen an där klenger Republik no bei der Adria ....

Am Basket ass et hei zu Lëtzebuerg momentan eng Grimmel méi roueg. Just hanner de Kulissen gëtt nach vill geschafft, wat Transfert’en ugeet.

D’Enn vum Championnat ass awer net fir all Lëtzebuerger Basketspiller gläichbedeitend mat Vakanz.

Virun allem net fir d’Nationalspillerinnen a –spiller. Déi preparéieren nämlech den Ament intensiv d’Spiller vun de klenge Länner, déi vun e Méindeg un a San Marino iwwer d’Bühn ginn.

Wéi schätzt den FLBB – President Henri Pleimling dann d’Chancen vun eisen Equippen zu San Marino an?...

Cut 1:

Bei den Hären sinn Donnéeën duerch d’Participatioun vu Montenegro e bëssen anescht ….

Cut 2:

Am Verglach mat der EM – Campagne  bei den Hären de leschte Summer gesäit den Henri Pleimling schonn Differenzen ….

Cut 3:

MAGIC NUMBER

De leschte Weekend waren am Gymnase vun der Coque déi 6 Finalen an de Jugend – Coupen.

D’Sparta an de Basket Esch ware gläich 3 mol vertrueden, d’Musel Pikes 2 mol, an nach je 1 mol Hiefenech, Konter, den T71 a Walfer.

D’Sparta konnt hir 3 Finallen alleguer gewannen, de Basket Esch dogéint ass 3 mol eidel ausgaangen.

Déi aner 3 Victoiren ware fir Hiefenech, d’Musel Pikes an den T71.

SPROCH VUN DER WOCH

Jeff, weess du dass den ëëëë…., wéi heescht en da scho méi, du kenns en och, egal, dass deen Éieremember beim IVV gëtt.

''Tiens'', mécht deen esou vill Wanderunge mat?

Jo, jo, hie wandert vun engem Veräin bei deen aneren.

Am Basket steet dëse Weekend ganz am Zeeche vun de Jugendequipen. YOUTH CUP Finals heescht dat ganzt. Dat sinn d’Coupe Finalen vun allen Alterskategorien, esou wuel bei de Jongen wéi och bei de Meedercher. De Wee an d’Coque ass fir déi Jonk schonn en Erliefnis. An et wier schéin, wann si do och déi néideg Ënnerstëtzung géife kréien, mengen de Jeff Kettenmeyer an de Guy Seyler elo am Rebound.

Am Basket steet dëse Weekend ganz am Zeeche vun de Jugendequipen. YOUTH CUP Finals heescht dat ganzt. Dat sinn d’Coupe Finalen vun allen Alterskategorien, esou wuel bei de Jongen wéi och bei de Meedercher. De Wee an d’Coque ass fir déi Jonk schonn en Erliefnis. An et wier schéin, wann si do och déi néideg Ënnerstëtzung géife kréien, mengen de Jeff Kettenmeyer an de Guy Seyler elo am Rebound.

Et ass scho fir d’5. Kéier, datt d’Federatioun dem Nowuess en eegene Weekend reservéiert. Dat Konzept huet mëttlerweil richteg ageschloen.

Déi bescht Jugendequipen reesen an déi grouss Coque, an dat eleng ass schonn eng Satisfaktioun u sech. Wann dann nach d’Coupe gewonne gëtt, dann ass Basket dat schéinst wat et gëtt.

All déi Clibb, déi dëse Weekend op der Affiche stinn, sinn ze felicitéieren.
Bei de Meedercher sinn dat
Hiefenech géint d’Musel Pikes,
Walfer géint d’Musel Pikes
an Diddeleng géint Esch.

Bei de Jongen heeschen d’Finalen
Sparta géint Konter,
a zweemol Sparta géint Esch.

Dës Clibb maachen déi richteg Politik. Nämlech vun ënnen erop opbauen. Dat ass net einfach. Dat war bei der Sparta och net ëmmer esou. Mee si hunn ëmgeduecht. Fir de President Fränk Arendt ass dat dien eenzege richtege Wee.

CUT 1

Dat alles kascht Suen. Suen, déi awer gutt ugeluecht sinn, mengt de Fränk Arendt:

CUT 2

De beschten Trainer gehéiert bei d’Jugend, gëtt dacks gesot. Et si mëttlerweil eng Rei Clibb, déi dat erkannt hunn.
D’Sparta ass een dovun, an dës Aarbecht dréit schonn éischt Friichten. An der 1. Equipe sti 7 Spiller, déi manner wéi 20 Joer hunn. Hinne gehéiert d’Zukunft, wann een se zesummen hale kann:

CUT 4


Ob vu Bartreng, vun Esch oder  vun anere Veräiner, kommt muer an e Sonndeg an d’Coque. Et ass eppes lass, um Terrain, ma och ronderëm.
Den Entrée ass gratis.

Derbäi kënnt, datt muer den Owend eis Nationalequipe e Virbereedungsmatch op d’Spiller vun de Klenge Länner spillt. Géigner ass Irland.

SPROCH VUN DER WOCH

D’Spiller ware schonn eng Zäit am Gaang sech waarm ze maachen. Du soten 2 Stéck zum Trainer:  

Gi mir virum Match net nach eng Kéier an de Vestiaire fir eis Strategie ze beschwätzen?

Dat huet kee Wäert, sot de Coach. Dir zwee wësst jo, wat ze maachen ass. Déi aner verstinn et souwisou net.

Nimm soe mir hei keng. Wann dir awer virum Match net an de Vestiaire gaange sidd, dann iwwerleet mol, zu wat fir engem Grupp dir gehéiert hutt.

Am nationale Basket ass de leschte Weekend Decisioun em de Championstitel gefall. D'Amicale Steesel ass déi dominant Equipe vum Championnat, an weder bei den Dammen nach bei den Hären konnt een eppes dogéint maachen. Am Rebound vun haut kucken de Jang Mathes an de Jeff Kettenmeyer zeréck op ganz interessant Finallen.

Am nationale Basket ass de leschte Weekend Decisioun em de Championstitel gefall. D'Amicale Steesel ass déi dominant Equipe vum Championnat, an weder bei den Dammen nach bei den Hären konnt een eppes dogéint maachen. Am Rebound vun haut kucken de Jang Mathes an de Jeff Kettenmeyer zeréck op ganz interessant Finallen.

Et muss een et vir ewech huelen, bei den Dammen huet d'Amicale Steesel an der zweeter an decisiver Finale näischt méi ubrenne gelooss.

D'Equipe vum Trainer René Kaiser, deen iwwregens ophält huet eng exzellent Leeschtung gewisen a verdéngt den Titel gewonnen.

Mat 30 Punkten Ecart gouf et eng Steeseler Victoire an de René Kaiser ka roueg a mat engem Doublé an d'Basket - Pensioun goen.

Bei den Hären huet och d'Amicale d'Iwwerhand behalen, fir den Eric Jeitz dee vill Titelen a senger Karriär gewonnen huet, war et dee Leschten zu Steesel.

Fir den Eric Jeitz deen zu Diddeleng wunnt, kennt d'Optioun Steesel elo net méi a Fro.

Am grousse Ganzen huet hien nieft senger Zäit zu Steesel och mam AB Konter den Titel gewonnen, an a Finalle gespillt.

Elo stellt sech natierlech d'Fro op den Eric Jeitz nach eng weider Saison Basket spillt oder ob hien ganz ophält.

Sproch vun der Woch Jingle

Och wann den Eric Jeitz sech elo ee Vëlo beim Edy Schütz kaf huet heescht dat nach laang net datt hien den Tour de France ka matfueren.

Am nationale Basket stinn haut a muer d’Retour – Matcher vun de Finallen bei den Hären a bei den Dammen um Programm, a béid Matcher ginn zu Briedemes gespillt. Am REBOUND vun haut beschäftegen de Jeff Kettenmeyer an de Jhang Mathes sech mat dësen 2 Partien, wou schonn eng Decisioun ëm den Titel ka falen. Donieft kucken si och nach kuerz op d’Carrière vum Nelson Delgado vun der Etzella zréck, deen seng Basketschlappen un den Nol hänkt.

Am nationale Basket stinn haut a muer d’Retour – Matcher vun de Finallen bei den Hären a bei den Dammen um Programm, a béid Matcher ginn zu Briedemes gespillt. Am REBOUND vun haut beschäftegen de Jeff Kettenmeyer an de Jhang Mathes sech mat dësen 2 Partien, wou schonn eng Decisioun ëm den Titel ka falen. Donieft kucken si och nach kuerz op d’Carrière vum Nelson Delgado vun der Etzella zréck, deen seng Basketschlappen un den Nol hänkt.