Renato Netzer (26) è cornetist cun corp ed olma. El suna en differentas furmaziuns – en la Musica instrumentala Savognin, la Brass Band Cazis e natiralmain er en la musica militara, en la Swiss Armed Forces Central Band.

Il giuven Surmiran sa mova uschia tranter differentas classas, qualitads e sfidas da la musica instrumentala. Ina premiera spetga el dentant il matg. Anc mai n’è el stà ad ina festa da musica federala. Bienna è damai ina premiera. Là vegn el a star a la testa ed a manar ils musicists e las musicistas da Savognin en la concurrenza da marschar.