El vala sco corifea dal cor, respectivamain per tut quai che ha da far cun las frequenzas e la ritmologia dal cor.

Sco mattet ha el lavurà sco gidanter tar ses bab ch'era mastergnant a Rabius. Sco sulet figl hai dentant gì num dad ir a scola e far insatge endretg. «Jau vuleva far insatge, nua che jau poi era mesirar insatge e sco cardiolog sai jau era mesirar quant bain u main bain ch'in cor batta», uschia è il Sursilvan arrivà tar la ritmologia ed è daventà ina corifea sin quest sectur. En paucs mais va el uss cun 68 onns en pensiun. Da sia carriera, da ses interess per art ed architectura e da sia chasa alva a Rabius raquinta el en il «Profil».