កាលពីថ្ងៃទី២១ ខែកុម្ភៈ សារព័ត៌មាន The Straits Times បាន​ដក​ស្រង់​ការ​លើក​ឡើង​របស់​ឧបនាយក​រដ្ឋមន្រ្តីម៉ាឡេស៊ី​លោក​ស្រី Wan Azizah ថា ស្ត្រី​ជនជាតិ​អាមេរិក​ម្នាក់​អាយុ​៨៣​ឆ្នាំ ...

កាលពីថ្ងៃទី២១ ខែកុម្ភៈ សារព័ត៌មាន The Straits Times បាន​ដក​ស្រង់​ការ​លើក​ឡើង​របស់​ឧបនាយក​រដ្ឋមន្រ្តីម៉ាឡេស៊ី​លោក​ស្រី Wan Azizah ថា ស្ត្រី​ជនជាតិ​អាមេរិក​ម្នាក់​អាយុ​៨៣​ឆ្នាំ ...

ភ្ញៀវ​ប្រចាំ​ថ្ងៃ​របស់​យើង​នៅ​រាត្រី​នេះ គឺ​លោក​ផុស សុវណ្ណ អគ្គ​នាយក​នៃ​អគ្គ​នាយក​ដ្ឋាន​ព័ត៌​មាន និង​សោត​ទស្សន៍ និង​ជា​អ្នក​នាំ​ពាក្យ​ក្រសួង​ព័ត៌មាន​កម្ពុជា​។ លោក​ផុស សុវណ្ណ បាន​អះអាង​ឱ្យ​ដឹង​ថា ក្រសួង​ព័ត៌មាន​បាន​ផ្ញើ​ឈ្មោះ​គណនី និង​ទំព័រ​ហ្វេស​ប៊ុក​មួយ​ចំនួន​ទៅ​ឱ្យ​ក្រុម​ហ៊ុន​ហ្វេស​ប៊ុក​រួច​ហើយ ដើម្បី​បិទ​កុំឲ្យ​ផ្សព្វ​ផ្សាយ ព័ត៌មាន​ក្លែង​ក្លាយ​ពី​បញ្ហា​មេរោគ​កូរ៉ូណា​តទៅ​ទៀត​។ ស្រប​ពេល​ជាមួយ​គ្នា​នេះ លោក​ក៏​បាន​គូស​បញ្ជាក់​ដែរ​ថា នៅ​ពេល​នេះ ក្រសួង​ព័ត៌មាន​កំពុង​ប្រមូល​ភស្តុ​តាង​ពី​គណនី និង​ទំព័រ​ហ្វេស​ប៊ុក​ដែល​ប្រឌិត​ព័ត៌​មាន​ទាំង​អស់​នោះ ដើម្បី​ដាក់​ពាក្យ​ប្តឹង​ទៅ​កាន់​តុលាការ​។

តំណាង​សហជីព និង​អង្គការ​សមាគម​ចំនួន ២០​អង្គ​ភាព នៅ​ព្រឹក​ថ្ងៃ​ព្រហស្បតិ៍​នេះ បាន​ដាក់​ញត្តិ​រួម​គ្នា​មួយ​ទៅ​កាន់​ក្រសួង​ការងារ ដើម្បី​ស្នើ​សុំ​ឲ្យ​រដ្ឋា​ភិបាល​ធ្វើ​វិសោធន​កម្ម​មាត្រា​ច្បាប់​សហជីព​ចំនួន​១០ ដែល​ពួក​គេ​យល់​ថា​ធ្វើ​ឲ្យ​ប៉ះ​ពាល់​ដល់​សិទ្ធិ​សេរីភាព​របស់​សហ​ជីព​។ លោក ប៉ាវ ស៊ីណា ប្រធាន​សហភាព​ចលនា​កម្មករ ថ្លែង​ឲ្យ​ដឹង​ថា ច្បាប់​ស្តី​ពី​សហ​ជីព ដែល​រដ្ឋ​សភា​បាន​សម្រេច និង​អនុម័ត​តាម​រយៈ​វិសោធន​កម្ម កាល​ពី​ពេល​ថ្មីៗ​នេះ​ចំនួន​១០​មាត្រា មិន​បាន​ដាក់​បញ្ជូល​យោបល់ និង​កង្វល់​របស់​សហ​ជីព ទៅ​ក្នុង​សេចក្តី​ព្រាង​ច្បាប់​នេះ​ទេ​។

ដើម្បី​កុំ​ឲ្យ​ភ្ញៀវ​ទេសចរ​មាន​ភាព​អផ្សុក និង​ចង់​ឲ្យ​មាន​ការ​ស្វែង​យល់​ពី​សិល្បៈ​ប្រពៃណី​ខ្មែរ​ផង ក្រសួង​ទេសចរណ៍ បាន​រៀប​ចំ​ទស្សនីយ​ភាព​សិល្បៈ សម្តែង​ជូន​ភ្ញៀវ​ទេសចរ ដែល​បាន​ធ្វើ​ដំណើរ​ចុះ​ពី​នាវា Westerdam ពី​ខេត្ត​ព្រះ​សីហនុ មក​ស្នាក់​នៅ​ក្នុង​សណ្ឋាគារ​សុខា​ភ្នំពេញ ដើម្បី​ត្រៀម​ធ្វើ​ដំណើរ​តាម​យន្ត​ហោះ​ទៅ​កាន់​ប្រទេស​របស់​ពួក​គេ​រៀង​ខ្លួន​។ លោក តុប សុភ័ក អ្នកនាំ​ពាក្យ​ក្រសួង​ទេសចរណ៍ ថ្លែង​ឲ្យ​ដឹង​ថា ក្រៅ​ពី​ទស្សនីយ​ភាព​សិល្បៈ​នេះ ក្រសួង​ទេសចរណ៍​ក៏​បាន​ជូន​ដំណឹង​ទៅ​ប្រតិបត្តិករ​ទេសចរណ៍​ដែរ ដើម្បី​ឲ្យ​មាន​ការ​យល់​ដឹង​ទូលំ​ទូលាយ និង​បង្ការ​ការ​ឆ្លង​វីរុស Covid-19 ដោយ​តម្រូវ​ឲ្យ​ប្រតិបត្តិ​ករ​សេវា​កម្ម​ទេសចរណ៍​មាន​ព័ត៌មាន​ច្រើន​បន្ថែម​ទៀត​ពី​ភ្ញៀវ​ទេសចរ​។

គណៈកម្មការ​អឺរ៉ុប​ កាលពីថ្ងៃទី១២ ខែកុម្ភៈ បាន​ចេញ​សេចក្តី​សម្រេច​ព្យួរ​ប្រព័ន្ធ​អនុ​គ្រោះ​ពន្ធ​លើ​មុខ​ទំនិញ​ប្រមាណ​ជា​៤០​ ដែល​នាំ​ចេញ​ពី​កម្ពុជា​ទៅ​កាន់​ទីផ្សារ​អឺរ៉ុប​ដោយ​សារ​តែ​មិន​មាន​ការ​ស្តារ​ឡើង​វិញ នូវ​លទ្ធិ​ប្រជា​ធិប​តេយ្យ និង​សិទ្ធិ​មនុស្ស​នៅ​កម្ពុជា​។ ការណ៍​នេះ នឹង​ធ្វើ​ឲ្យ​ប៉ះ​ពាល់​មុន​គេ ដល់​វិស័យ​កាត់​ដេរ​សម្លៀក​បំពាក់ និង​ស្បែក​ជើង ហើយ​កម្មករ​ប្រមាណ​ជា៧ម៉ឺន​នាក់ នឹង​អាច​ប្រឈម​បាត់​បង់​ការងារ​។ បើ​ទោះ​បី​ជា​ពេល​នេះ មិន​ទាន់​មាន​សញ្ញា​ច្បាស់​លាស់ ពី​ផល​ប៉ះ​ពាល់​ក្តី ប៉ុន្តែ​លោក ខេន លូ អគ្គ​លេខា​ធិការ​សមាគម​រោង​ចក្រ​កាត់​ដេរ​នៅ​កម្ពុជា (GMAC) ដែល​ជា​ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ RFI នៅ​រាត្រី​នេះ បាន​ទទូច​ឲ្យ​សហភាព​អឺរ៉ុប​ពិចារណា​ផ្តល់ EBA ឡើង​វិញ ដើម្បី​ជួយ​ដល់​កម្មករ​ខ្មែរ​។

តើ​ហេតុ​អ្វី​?

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្ដរជាតិ RFI នា​រាត្រី​នេះ គឺ​លោក​បណ្ឌិត គី សិរីវឌ្ឍន៍ ដែល​ជា​អ្នក​ជំនាញ​ផ្នែក​សេដ្ឋកិច្ច​។ ក្នុង​ពេល​ដែល​សេដ្ឋកិច្ច​កម្ពុជា​ត្រូវ​រង​ផល​ប៉ះពាល់​ដោយ​សារ​អឺរ៉ុប​​ដក​ការ​អនុគ្រោះ​ពន្ធ​ផ្នែក​ខ្លះ លោក​បណ្ឌិត គី សិរីវឌ្ឍន៍ យល់​ឃើញ​ថា កម្ពុជា​ត្រូវ​ធ្វើ​កំណែទម្រង់​ក្នុង​វិស័យ​ទេសចរណ៍​។ កំណែទម្រង់​ក្នុង​វិស័យ​ទេសចរណ៍​នេះ បើ​តាម​លោក គី សិរីវឌ្ឍន៍ មាន​សារៈ​សំខាន់​និង​ចាំ​បាច់​ខ្លាំង​ណាស់ ដើម្បី​ជួយ​សង្គ្រោះ​កំណើន​សេដ្ឋកិច្ច​កម្ពុជា​។

ក្រោយពី​សហភាព​អឺរ៉ុប​សម្រេច​ដក​ហូត​ផ្នែក​ខ្លះ​នៃ​ប្រព័ន្ធ​អនុគ្រោះ​ពន្ធ​EBA​ពី​កម្ពុជា​នោះ ​ប្រតិ​កម្ម​នានា​នៅ​តែ​បន្ត​ធ្លាក់​មក​ជា​បន្ត​បន្ទាប់​។ សហ​ភាព​សហជីព​យុវជន​ការពារ​សិទ្ធិ​កម្មករ​កម្ពុជា​និង​សហជីព​មួយ​ចំនួន​ទៀត​បាន​ចេញ​សេចក្តី​ថ្លែង​ការណ៍​ដោយ​ឡែក​ពី​គ្នា​ទាក់​ទង​នឹង​សេចក្តី​សម្រេច​របស់​សហភាព​អឺរ៉ុប​នេះ​ដោយ​សំដែង​ការ​សោក​ស្តាយ។​ ទន្ទឹម​សោក​ស្តាយ​ សហជីព​អះអាងថា ពួកគេ​នឹង​ធ្វើ​លិខិត​ស្នាម​បង្ហាញ​ពី​ភាព​ជាក់​ស្តែង​របស់​កម្មករ​​ប្រាប់​ទៅ​អឺរ៉ុប​ដើម្បី​ពិចារណា​ឡើង​វិញ​រឿង​EBA​​ ដែល​នៅ​សល់​ពេល​៦​ខែ​ខាង​មុខ​ទៀត​។

ភ្ញៀវ​ប្រចាំថ្ងៃ​របស់​យើង​នៅ​រាត្រី​នេះ ​គឺ​លោក​ផែង ហេង​ សហ​មេធាវី​ម្នាក់រ​បស់​លោក​កឹម សុខា។​ នៅ​ក្នុង​សវនាការ​កាល​ពី​ថ្ងៃ​ព្រហស្បតិ៍​ម្សិលមិញ​​ ក្រុមមេធាវី​លោកកឹម សុខា ​បាន​ដើរ​ចេញ​ពី​សវនាការ​ដោយ​ហេតុ​ថា ​ចៅ​ក្រម​មិន​អនុញ្ញាត​ឱ្យ​ឡើង​និយាយ​។ ​ចំពោះ​ការ​ដើរ​ចេញ​នេះ ​ចៅក្រម​ជំនុំជម្រះ​បាន​ចាត់​ទុក​ក្រុម​មេធាវី​លោក​កឹម សុខា ​ថា ​មាន​កាយវិការ​«ច្រងេង​ច្រងាង​» ​និង​ ហៅថា​ ជា​ មេធាវី​«ទំនើង»​។ ​ប៉ុន្តែ​លោក​មេធាវី​ផែង ហេង​ បាន​អះអាង​ថា ​ក្រុម​មេធាវី​លោក​មិនមែន​ជា​ក្រុមមេធាវី​«ទំនើង»​នោះ​ទេ​។ ​តាម​លោក​ផែង ហេង ​ការដើរ​ចេញ ​គឺ​ប្រសើរ​ជាង​អង្គុយ​ជា​«មនុស្សគរ​»នៅក្នុង​សវនាការ​។

នាវា​ទេសចរណ៍​អាមេរិក Westerdam ដែល​ដឹក​មនុស្ស​ចំណុះ​២៥០០​នាក់ ត្រូវ​បាន​អនុញ្ញាត​ឲ្យ​ចូល​ចត​នៅ​កំពង់ផែ​ខេត្ត​ព្រះ​សីហនុ​នៅ​ព្រឹក​ថ្ងៃ​ទី១៣ ខែកុម្ភៈនេះ បន្ទាប់​ពី​ប្រទេស និង​កោះ​ចំនួន​៦ផ្សេង​ទៀត​បដិសេធ​ការ​សុំ​ចូល​ចត​របស់​នាវា​យក្ស​មួយ​នេះ ក៏​ព្រោះ​តែ​ភ័យ​ខ្លាច​ការ​ឆ្លង​វីរុស​កូរ៉ូណា​ថ្មី​។ លោក គួច ចំរើន អភិបាល​ខេត្ត​ព្រះ​សីហនុ បាន​ថ្លែង​ថា​សាលា​ខេត្ត​ព្រះ​សីហនុ រួម​នឹង​ស្ថាប័ន​ពាក់​ព័ន្ធ​ផ្សេង​ទៀត បាន​រៀប​ចំ​ទទួល​យ៉ាង​ប្រុង​ប្រយ័ត្ន​ដល់​ការ​ចូល​ចត និង​ផ្ទេរ​អ្នក​ទេសចរណ៍​ជាង​៥០០​នាក់​ទៅ​កាន់​យន្ត​ហោះ ខណៈ​អ្នក​ទេសចរ​២០​នាក់ ដែល​មាន​សុខភាព​គួរ​ឲ្យ​កត់​សម្គាល់ ហើយ​ត្រូវ​បាន​យក​សំណាក​ទៅ​វិភាគ​រក​វីរុស​កូរ៉ូណា​នៅ​វិទ្យា​ស្ថាន​ប៉ាស្ទ័រ​។