ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរ​ជាតិ នារាត្រី​នេះ គឺ​លោក សួង សុភ័ណ្ឌ ប្រធាន​គណបក្ស​អំណាច​ខ្មែរ​។ នៅ​ថ្ងៃ​នេះ​ គណបក្ស​អំណាច​ខ្មែរ​បាន​ចេញ​មក​បញ្ជាក់​ជំហរ​ថា ...

លោក សួន សេរី​ដ្ឋា អតីត​ប្រធានគណបក្ស​អំណាច​ខ្មែរ​ ទើប​តែ​ត្រូវបាន​ដោះលែង​កាលពី​ថ្ងៃទី២៣​ខែសីហា​នេះ បន្ទាប់​ពី​ព្រះ​មហាក្សត្រ បាន​លើក​លែង​ទោស ក្រោយពី​លោកបានសុំ​ទោស លោក ហ៊ុន សែន និង​ក្រុមមេទ័ព។ នៅក្នុង​នាទីភ្ញៀវប្រចាំ​ថ្ងៃ​របស់​វិទ្យុ​បារាំង​រាត្រីនេះ​ លោក សួន សេរី​រដ្ឋា បានអះអាងថា លោក​នៅ​តែ​រក្សា​ជំហរិះគន់​ក្នុង​ន័យ​ស្ថាបនា និង​បន្ត​ជីវិត​នយោបាយតទៅទៀត។ ប៉ុន្តែ​ប្រសិន​បើ​គេ​មិន​អនុញ្ញាត​ឲ្យ​លោក​វិល​ទៅ​ដឹកនាំ​គណបក្ស​អំណាច​ខ្មែរ​វិញទេ​លោកក៏​មិន​ប្តឹង​ទាមទារ​គណបក្ស​នេះមកវិញឡើយ។

ក្នុង​ព្រឹត្តិការណ៍​កីឡា​អាស៊ីលើក​ទី១៨ នៅ​ប្រទេស​ឥណ្ឌូ​នេស៊ីនា​ថ្ងៃ​នេះ ​កីឡាការិនី​កូន​កាត់​ខ្មែរ-អាមេរិក កញ្ញា ខាន់ ចេសា ដណ្ដើម​បាន​មេដាយ​មាស​ ...

ចាប់​ពី​ថ្ងៃទី​២១ ដល់​ថ្ងៃ​ទី​២៣​កញ្ញា​ខាង​មុខ ខេត្ត​បាត់ដំបង នឹង​ក្លាយ​ជា​ទីប្រជុំ​របស់​​​អ្នក​និពន្ធ និង​អ្នក​ស្រឡាញ់​វិស័យ​អក្សរសិល្បិ៍​មក​ពី​គ្រប់​ទិសទី នៅ​ក្នុង​កម្មវិធី​មួយ​ដែល​គេ​ហៅ​ថា ​មហោស្រព​អក្សរសិល្បិ៍​ខ្មែរ​។ កម្មវិធី​មហោស្រព​អក្សរសិល្បិ៍​ខ្មែរ លើក​ទី​២ នៅ​ឆ្នាំ​២០១៨​នេះ ធ្វើ​ឡើង​ក្រោម​ប្រធាន​បទ «អតីតកាល បច្ចុប្បន្នកាល និង​អនាគតកាល​នៃ​អក្សរសិល្បិ៍​ខ្មែរ​។ អ្នក​ស្រី សូ ភីណា ស្ថាបនិក​មហោស្រព​អក្សរសិល្បិ៍​ខ្មែរ ដែល​ជា​ភ្ញៀវ​ប្រចាំ​ថ្ងៃ​របស់​យើង បាន​គូស​បញ្ជាក់​ថា ការ​រៀបចំ​មហោស្រព​អក្សរសិល្បិ៍​ខ្មែរ​នេះ មាន​គោលដៅ​សំខាន់​៣៖ ទី​១ បណ្ដុះ​ស្មារតី​ស្រឡាញ់​អក្សរសិល្បិ៍​ជាតិ, ទី​២ លើក​កម្ពស់​កិត្តិយស​និង​គុណ​តម្លៃ​របស់​អ្នក​និពន្ធ, និង​ទី​៣ បង្កើន​ឱកាស​ក្នុង​ការ​ទំនាក់ទំនង​ក៏​ដូច​ជា​ពង្រីក​ទីផ្សារ​ដល់​អ្នក​​និពន្ធ​។

តុលាការ​កំពូល ​នៅ​ថ្ងៃ​ពុធ​នេះ ​បាន​​​សម្រេច​បន្ដ​ឃុំ​ខ្លួន ​លោក ​កឹម សុខា ​ប្រធាន​អតីត​គណបក្ស​សង្គ្រោះ​ជាតិ ​ដែល​ជាប់ចោទ​ពី​បទ​សន្និដ្ឋិភាព​ជាមួយ​បរទេស ​​ដាក់​ពន្ធនាគារ​ដដែល ​ដោយ​តម្កល់​សេចក្តី​សម្រេច​របស់​សាលា​ឧទ្ធរណ៍​ទុក​ជា​បាន​ការ​ដដែល​។ ​សេចក្តី​សម្រេច​របស់​តុលាការ​កំពូល ​ដែល​មិន​អនុញ្ញាត​ឲ្យ​លោក ​កឹម សុខា ​នៅ​ក្រៅ​ឃុំ​ជា​បណ្តោះអាសន្ន គឺ​សំអាង​ហេតុ​ថា ​ករណី​លោក ​កឹម សុខា ​ជា​បទ​ល្មើស​ឧក្រិដ្ឋ ​ដែល​ចាំបាច់​ត្រូវ​ឃុំខ្លួន​ដើម្បី​ស៊ើបសួរ ​ឲ្យ​បាន​ហ្មត់ចត់​ត្រឹមត្រូវ​។ ​ក៏​ប៉ុន្តែ ​លោកស្រី ​ម៉េង សុភា​រី ​មេធាវី​មួយ​រូប​ ក្នុង​ចំណោម​មេធាវី​ការពារ​ក្តី​ឲ្យ​លោក ​កឹម សុខា ​បាន​ថ្លែង​ថា​កូន​ក្តី​របស់​លោក​ស្រី ​ធានា​ថា នឹង​​សហការ​ជា​មួយ​តុលាការ​គ្រប់​ពេល​វេលា ​​ប្រសិន​​បើ​​បាន​​នៅ​ក្រៅ​ឃុំ​។

នាទី​ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ RFI នៅ​រាត្រី​នេះ គឺ​លោក គង់ ម៉ូនីកា ប្រធាន​គណបក្ស​ឆន្ទៈ​ខ្មែរ​។ គណបក្ស​ឆន្ទៈ​ខ្មែរ គឺ​ជា​គណបក្ស​មួយ​ក្នុង​ចំណោម​គណបក្ស​១៦ ដែល​បាន​ឯកភាព​ នឹង​គំនិតផ្តួច​ផ្តើមបង្កើត «ឧត្តម​ក្រុម​ប្រឹក្សា​ពិគ្រោះ​ និង​ផ្តល់​យោបល់» ដោយ​លោក​នាយក​រដ្ឋមន្រ្តី​ ហ៊ុន សែន។ ឆ្លើយ​នឹង​សំណួរ​របស់​វិទ្យុ​បារាំង​អន្តរជាតិ RFI លោក គង់ មុនីកា អះ​អាង​ថា ការ​ចូល​រួម​នៅ​ក្នុង​កិច្ចពិគ្រោះ និង​ផ្តល់​យោបល់នេះ ​គឺ​ជា​របៀប​ធ្វើការងារ​របស់​អ្នក​នយោបាយ​វ័យ​ក្មេង ដែល​សាកល្បង​ធ្វើការ​ជាមួយ​គណបក្ស​កាន់​អំណាច ​និង​គណបក្ស​តូចៗ​ផ្សេង​ទៀត​ដែល​មិន​បាន​ឈ្នះ​ក្នុង​ការ​បោះ​ឆ្នោត ដើម្បី​ចូល​រួម​អភិវឌ្ឍ​ប្រទេស។ លោក សង្កត់​ធ្ងន់​ទៀត​ថា ការ​ចូល​រួម​ក្នុង«កិច្ច​ពិគ្រោះ​ និង​ផ្តល់​យោបល់​»ជាមួយ​បក្ស​កាន់អំណាច​នេះ​ទៀត​សោត មិន​មែន​ដើម្បី​តួនាទី ឬ​បុណ្យ​សក្តិ​ឡើយ​។

គណ​បក្ស​ប្រជា​ធិប​តេយ្យ​មូល​ដ្ឋាន​បាន​ប្រកាស​ឈប់​សម្រាក​២​ខែ​ចាប់​ពី​ចាប់​ថ្ងៃ​នេះ​ត​ទៅ ​ដោយថា​​មក​ពីសមា​ជិក​ហត់​នឿយ​ទាំង​កម្លាំង​កាយ​ចិត្ត​ក្រោយ​ការ​បោះ​ឆ្នោត​។ ​ក្រោយ​ការ​បោះឆ្នោត​ដែល​​មិន​ទទួលបាន​អាសនៈ​នោះ ​មាន​យ៉ាង​តិច​ សមា​ជិក​ជាន់​ខ្ពស់​គណ​បក្ស​GDP​​ចំនួន​២​រូប​បាន​ប្រកាស​​ដើរ​​ចេញ​​ពី​គណ​បក្ស​នេះ​ជា​បន្ត​បន្ទាប់​។​ ប៉ុន្តែ​លោក​បណ្ឌិត​ យ៉ងសាំង​ កុមារ​ ជា​ប្រធាន​គណៈ​កម្មា​ធិការ​នាយក​​នៃ​គណ​បក្ស​ប្រជា​ធិប​តេយ្យ​មូលដ្ឋាន​ បាន​អះអាងថា​ ការ​ចាក​ចេញ​របស់​ពួកគេ​គឺ​ដោយសារ​តែ​សម្ពាធគ្រួសារ​គឺ​មិនមែន​មក​ពី​បែក​បាក់​ផ្ទៃ​ក្នុង​បក្ស​នោះ​ទេ​។

ក្នុង​នាទី​ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរ​ជាតិ​យប់​នេះ ​គឺ​លោក​​ ហង់​ ជួន​ណា​រ៉ុន​ រដ្ឋ​មន្រ្តី​ក្រ​សួង​អប់រំ ​យុវជន​ និង​ កីឡា​។ ​លោកបា​ន​ឆ្លើយ​សំណួរ​របស់​វិទ្យុ​យើង​ទាក់​ទង​នឹង​ការ​ប្រឡង​សញ្ញា​បត្រ​បាក់​ឌុប​ឆ្នាំ​២០១៨​ដែល​នឹង​ចាប់​ផ្តើម​នៅថ្ងៃចន្ទ​ស្អែក​នេះ​។ ​ការ​ប្រឡង​​ថ្នាក់​ជាតិ​​នេះ​គឺមាន​បេក្ខ​ជន​សរុប​ជាង​១១​ម៉ឺន​នាក់​ ហើយ​មាន​មណ្ឌល​តាម​ខេត្ត​មួយ​ចំនួន​​កំពុង​តែ​ជួប​បញ្ហា​ទឹក​ជំនន់​​។​ ប៉ុន្តែ​​លោក​ ហង់​ ជួនណារ៉ុន​ បាន​បញ្ជាក់​ថា ​ក្រ​សួង​ត្រៀម​​ខ្លួន​​រួច​រាល់​ហើយ ​និង​បាន​ដោះ​ស្រាយ​​សម្រាប់​មណ្ឌល​ដែល​ត្រូវ​បាន​ទឹក​ជន់​លិច​នេះ​ផង​ដែរ​។

ភ្ញៀវ​ប្រចាំថ្ងៃ​របស់​យើង​នៅ​រាត្រីនេះ​ គឺ​លោកគឹម សុខ​។ ​លោកគឹម សុខ​ ដែល​ជា​អ្នក​វិភាគ​បញ្ហា​នយោបាយ ​និង​សង្គម​ដែល​ទើប​ចេញ​ពី​ពន្ធនាគារ​កាល​ពី​ថ្ងៃសុក្រ​ម្សិលមិញ​។ ​ឆ្លើយ​តប​នឹង​សំណួរ​របស់​វណ្ណ​ សុគន្ធា ​លោកគឹម សុខ ​បាន​អះអាង​ថា ​លោក​នឹង​នៅតែ​បន្ត​ធ្វើការ​វិភាគ​លើ​បញ្ហា​នយោបាយ ​និង​សង្គម​ទៀត។​ លោក​បាន​គូស​បញ្ជាក់​ដូច្នេះ​ថា​ “​ខ្ញុំ​ខ្លាច​ហើយ​ក៏បារម្ភ​ តែ​ខ្ញុំ​មិន​យក​ការ​ខ្លាច​និង​បារម្ភ​នេះ ទុកជា​ឧបសគ្គ​សម្រាប់​ធ្វើ​សកម្មភាព​បន្ត​ទេ​”។ ​តទៅនេះ​ សូម​ស្តាប់​បទ​សម្ភាសន៍​ទាំង​ស្រុង​រវាង​វណ្ណ​ សុគន្ធា​ និង​លោកគឹម​ សុខ​៖

ទឹក​ទន្លេ​មេគង្គ​ខេត្ត​ស្ទឹងត្រែង ​បាន​ហក់​ឡើង​ដល់​កម្រិត ​ដែល​ត្រូវ​ប្រកាស​ឲ្យ​ប្រុង​ប្រយ័ត្ន​ជា​ថ្មី ​នៅ​ថ្ងៃ​ទី​១៧ ​ខែ​សីហា​នេះ ដោយ​ទឹក​​មាន​​កម្ពស់ ​១០,៧៥​ម៉ែត្រ ​ខណៈ​កម្ពស់​ទឹក​ប្រកាស​ឲ្យ​​មាន​ការ​ប្រុង​ប្រយ័ត្ន​គឺ ​១០,៧០​ម៉ែត្រ​។ ​តាម​រយៈ​ការ​​ហក់​ឡើង​ជា​ថ្មី​នេះ ​ក្រសួង​ធនធាន​ទឹក ​ក៏​បាន​​ប្រកាស​ដល់​ប្រជាពល​រដ្ឋ​ ឲ្យ​មាន​ការ​ប្រុងប្រយ័ត្ន​ខ្ពស់​​ផង​​ដែរ​។ ​លោក ​ចាន់ យុ​ត្ថា​ អ្នក​នាំ​ពាក្យ​ក្រសួង​ធនធាន​​ទឹក ​បាន​បញ្ជាក់​ថា​ ​កំពស់​ទឹក​ទន្លេ​មេគង្គ​អតិបរមា ​នឹង​កើតមាន​ម្តង​ទៀត​នៅ​​ចុង​​ខែ​​កញ្ញា​​ ឬ​ដើម​​ខែ​​តុលា ​ដែល​នឹង​​មាន​ទឹក​ធំ​ជាង​​កំរិត​​អតិបរមា​​លើក​​ទី​​១​​ នៅ​ក្នុង​ខែ​សីហា​នេះ​។