ភ្ញៀវ​ប្រចាំ​ថ្ងៃ​របស់​យើង​នៅ​រាត្រី​នេះ គឺ​លោក​គឹម សុខ អ្នក​វិភាគ​ស្ថាន​ការ​នយោ​បាយ និង សង្គម​កម្ពុជា​។ លោក​គឹម សុខ កំពុង​ត្រូវ​បាន​តុលាការ​ក្រុង​ភ្នំពេញ​ចាត់​នីតី​វិធី​តាម​ច្បាប់ ដើម្បី​បង្ខំ​ឱ្យ​លោក​សង​ជំងឺ​ចិត្ត​ប្រមាណ​២០ម៉ឺន​ដុល្លារ​អាមេរិក​ដល់​គណ​បក្ស​កាន់​អំណាច​ដែល​ឈ្នះ​ក្តី​ក្តាំ​នៅ​តុលា​ការ​។ លោក​គឹម សុខ បាន​អះ​អាង​ថា ចំណាត់​ការ​របស់​តុលា​ការ​នៅ​ពេល​នេះ គឺ​ចង់​គាប​សង្កត់​សេរី​ភាព និង​ការ​បញ្ចេញ​មតិ​របស់​លោក។ ម្យ៉ាង​វិញ​ទៀត ក៏​ជា​ការ​រារាំង​សកម្មភាព​របស់​លោក​ក្នុង​ការ​ចូល​រួម​ចំណែក​ស្តារ​លទ្ធិ​ប្រជា​ធិប​តេយ្យ​នៅ​ក្នុង​ប្រទេស​កម្ពុជា​ឡើង​វិញ​ផង​ដែរ​។

នៅ​ទីបំផុត​ទៅ គណ​បក្ស​ថ្មី​ថ្មោង​មួយ ដែល​បង្កើត​ឡើង​ដោយ​អតីត​តំណាង​នៃ​អតីត​គណ​បក្ស​សង្គ្រោះ​ជាតិ ត្រូវ​បាន​បង្កើត​ឡើង​ហើយ បន្ទាប់​ពី​បាន​ដាក់​ពាក្យ​ស្នើ​សុំ​បង្កើត​ជា​ផ្លូវ​ការ​នៅ​ក្រសួង​មហា​ផ្ទៃ កាល​ពីព្រឹក ថ្ងៃទី ០២ មករា ឆ្នាំ ២០២០នេះ។ គណ​បក្ស​ថ្មី​ថ្មោង​នេះ មាន​ឈ្មោះ​ថា គណ​បក្ស​ខ្មែរ​ស្រលាញ់​ជាតិ​។ លោក ខឺយ ស៊ីនឿន សាស្ត្រា​ចារ្យ​និង​ជា​អតីត​សមាជិក​គណៈ​កម្មាធិកា​នាយក​នៃ​អតីត​គណ​បក្ស​សង្គ្រោះ​ជាតិ ដែល​ជា​ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរ​ជាតិ RFI នៅ​រាត្រី​នេះ​បាន​គូស​បញ្ជាក់​ថា គណ​បក្ស​នយោ​បាយ​ថ្មី​នេះ ត្រូវ​បាន​បង្កើត​ឡើង គឺ​ដើម្បី​បន្ត​ស្មារតី​នៃ​អតីត​គណ​បក្ស​សង្គ្រោះ​ជាតិ ដែល​ត្រូវ​បាន​តុលាការ​កំពូល​នៃ​ប្រទេស​កម្ពុជា​រំលាយ​ចោល កាល​ពី​ចុង​ឆ្នាំ ២០១៦ កន្លង​ទៅ​នេះ​។

ខណៈ​ដែល​មិនទាន់​ធ្វើ​ការ​បូក​សរុប​តួលេខ​ចប់​សព្វគ្រប់​នៅឡើយ ​ក្រសួង​ទេសចរណ៍ ​បាន​ធ្វើការ​សន្និដ្ឋាន​បឋម​ថា ​ចំនួន​ភ្ញៀវ​ទេសចរ​អន្តរជាតិ ​ដែល​ចូលមក​ទស្សនា​ប្រទេស​កម្ពុជា​ក្នុង​ឆ្នាំ​២០១៩ ​អាច​មាន​ចំនួន ​៦,៦​ឬ​៦,៧​លាន​នាក់ ​គឺ​កើន​ចន្លោះ​ពី​៩​ទៅ​១០​% ​ធៀប​នឹង​ឆ្នាំ​ចាស់​។ លោក ​តុប សុភ័ក ​អ្នក​នាំពាក្យ​ក្រសួង​ទេសចរណ៍ ​បាន​ថ្លែង​ថា ​ចំនួន​ទេសចរ​បរទេស​ចូល​មក​កម្ពុជា ​មិន​មាន​ការ​ធ្លាក់​ចុះ​ទេ ​ក៏​ប៉ុន្តែ​លោក​ទទួល​ស្គាល់​ថា ​ចំនួន​នេះ​មាន​ការ​ថយចុះ​នៅ​ខេត្ត​សៀមរាប ​ដោយសារ​បញ្ហា​សកល ​និង​ដោយសារ​ទេសចរ​មួយ​ចំនួន​បង្វែរ​ទិសដៅ​ពី​ទេសចរណ៍​វប្បធម៌​ធម្មជាតិ ​ទៅជា​ទេសចរណ៍​បែប​អេកូ​ទេសចរណ៍​។

រដ្ឋបាល​​ខេត្ត​​ព្រះ​​សីហនុ​​នៅ​ថ្ងៃ​​​អង្គារ​នេះ​​បាន​​ចេញ​​សេចក្តី​​ជូន​​ដំណឹង​​ជា​​លើក​​ចុង​​ក្រោយ​​ពី​ការ​​បិទ​​ទាំង​​ស្រុង​​លើ​​អាជីវ​កម្ម​​ល្បែង​​ភ្នាល់​​តាម​​អន​ឡាញ​​នៅ​ខេត្ត​ទេសចរណ៍​​មួយ​នេះ​។​ អ្នក​​នាំ​ពាក្យ​​សាលា​​ខេត្ត​​ជាប់​​មាត់​​សមុទ្រ​នេះ ​បាន​គូស​បញ្ជាក់​ថា ​សមត្ថកិច្ច​​នឹង​​ចុះ​​ត្រួត​ពិនិត្យ​​តាម​កាស៊ីណូ​​នីមួយៗ​​ដើម្បី​​ឲ្យ​ប្រាកដ​ថា​​ល្បែង​​ភ្នាល់​តាម​​អន​ឡាញ​ដែល​ភាគ​ច្រើន​​​​ជនជាតិ​ចិន​និយម​លេង​នោះ ​​ត្រូវ​បាន​​បញ្ចប់​ទាំង​ស្រុង​​ចាប់​​ពី​​ម៉ោង​​សូន្យ​យប់​នេះ​ត​ទៅ​។ ​ដោយ​​ឡែក​​ទាក់​ទង​​នឹង​​កន្លែង​​ស្នាក់​​នៅ​​សម្រាប់​​ភ្ញៀវ​​ទេសចរណ៍​​ក្នុង​​ឱកាស​​ឆ្លង​​ឆ្នាំ​​សកល​នេះ​វិញ ​អ្នក​នាំពាក្យ​​សាលា​ខេត្ត​​ព្រះ​សីហនុ ​អះអាង​ថា ​មិន​ខ្វះ​ទៀត​ទេ​ តែ​​តម្លៃ​​វិ​ញ​មាន​​ការ​​ប្រ​កួត​​ប្រជែង​​។

ភ្ញៀវ​ប្រចាំ​ថ្ងៃ​របស់​យើង​នៅ​រាត្រី​នេះ គឺ​លោក​អំ សំអាត ដែល​ជា​នាយក​រង​ទទួល​បន្ទុក​ផ្នែក​ឃ្លាំ​មើល​សិទ្ធិ​មនុស្ស​នៃ​អង្គការ​លីកាដូ (LICADHO)។ ចំពោះ​ការ​បដិសេធ​ចោល​របស់​សាលា​ឧទ្ធរណ៍​ចំពោះ​បណ្តឹង​របស់​អតីត​អ្នក​កាសែត​វិទ្យុ​អាស៊ី​សេរី​ពីរ​នាក់​នៅ​ព្រឹក​មិញ​នេះ លោកអំ សំអាត បាន​សម្តែង​នូវ​ការ​ខក​ចិត្ត​។ ជាមួយ​នឹង​ការ​ខក​ចិត្ត លោក​ក៏​បាន​ស្នើ​ឱ្យ​តុលា​ការ​ល្មម​បញ្ចប់​នីតិ​វិធី​លើ​សំណុំ​រឿង​អតីត​អ្នក​កាសែត​ទាំង​ពីរ​ហើយ ព្រោះ​សំណុំ​រឿង​នេះ បាន​អូស​បន្លាយ​ជិត​ពីរ​ឆ្នាំ​រួច​មក​ហើយ​។

វិស័យ​អចលនវត្ថុ​នៅ​ក្នុង​ប្រទេស​កម្ពុជា​នាឆ្នាំ​២០២០ ខាង​មុខ​នេះ​នៅ​តែ​រក្សា​បាន​នូវ​ភាព​រឹង​មាំ ដោយ​មិន​មាន​សញ្ញា​អវិជ្ជមាន​ណា​មួយ​ ដែល​ធ្វើ​ឲ្យ​វិស័យ​នេះ​ធ្លាក់​ចុះ​ខ្លាំង​នោះ​ទេ​។ ...

មាន​បួន​កត្តា​សំខាន់​ៗ ដែល​ធ្វើ​ឲ្យ​តម្លៃ​កសិផល​របស់​កសិករ​ខ្មែរ​តែង​តែ​ធ្លាក់​ថ្លៃ​ស្ទើរ​តែ​រាល់​ឆ្នាំ​។ កត្តា​ទាំង​នោះ​រួម​មាន​ដើម​ទុន បច្ចេក​ទេស ប្រព័ន្ធ​ធារាសាស្ត្រ និង​ទីផ្សារ​។ នេះ​បើ​តាម​លោក ...

នៅ​ថ្ងៃ​សុក្រ​នេះ ឧត្តម​ក្រុម​ប្រឹក្សា​ពិគ្រោះ និង​ផ្តល់​យោបល់ បាន​បើក​សន្និ​បាត​មួយ ដោយ​ធ្វើ​ការ​បូក​សរុប​លទ្ធ​ផល​ការងារ​របស់​ខ្លួន ដែល​បាន​ធ្វើ​រយៈ​ពេល​១៦​ខែ​កន្លង​ទៅ​។ លោក ឈឹម ផល​វរុណ រដ្ឋ​មន្ត្រី​ប្រតិ​ភូ​អម​នាយក​រដ្ឋ​មន្ត្រី និង​ជា​ប្រធាន​លេខ​ខា​ធិការ​ដ្ឋាន​នៃ​ឧត្តម​ក្រុម​ប្រឹក្សា​ពិគ្រោះ និង​ផ្តល់​យោបល់ បាន​លើក​ឡើង​ថា ប្រតិភូ​គណបក្ស​ទាំង​១៦​នៃ​ឧត្តម​ក្រុម​ប្រឹក្សា បាន​ចុះ​ទៅ​សិក្សា​ប្រមូល​ទិន្ន​ន័យ និង​អង្គ​ហេតុ​នានា​នៃ​ទំនាស់ បាន​សរុប​ចំនួន​៤០០​លើក រយៈ​ពេល​ជាង​១ឆ្នាំ​មក​នេះ​។ តាម​លោក ឈឹម ផលវរុណ លទ្ធ​ផល​របស់​ឧត្តម​ក្រុម​ប្រឹក្សា​ពិគ្រោះ និង​ផ្តល់​យោបល់​សម្រេច​បាន គឺ​ទទួល​បាន​ការ​គាំទ្រ​យ៉ាង​ខ្លាំង​ពី​ប្រមុខ​រដ្ឋា​ភិបាល​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្ដរជាតិ RFI នា​រាត្រី​នេះ គឺ​លោក ឃឹម ហ្វីណង់ អភិបាល​ស្រុក​បន្ទាយ​ស្រី នៃ​ខេត្ត​សៀមរាប​។ រដ្ឋបាល​ស្រុក​បន្ទាយ​ស្រី នៅ​ថ្ងៃ​ព្រហស្បតិ៍​នេះ ​បាន​ប្រកាស​ដាក់​ឲ្យ​ដំណើរ​ការ​សាកល្បង យុទ្ធនាការ​ផ្ទះ​១​អំពូល​១ នៅ​ក្នុង​ភូមិ​ព្រះ​ដាក់ ដែល​ជា​ភូមិ​ធំ​ជាង​គេ​នៃ​ស្រុក​បន្ទាយ​ស្រី ដោយ​រដ្ឋបាល​ស្រុក ​ត្រូវ​បំពាក់​អំពូល​សូឡា​៥១៨​ឈុត នៅ​មុខ​ផ្ទះ​ប្រជាពលរដ្ឋ​ចំនួន៥១៨​ខ្នង​។ ​លោក ឃឹម ហ្វីណង់ បាន​អះអាង​ថា ការ​បំពាក់​អំពូល​នេះ គឺ​រដ្ឋបាល​ស្រុក​គ្មាន​ចំណាយ​អស់​លុយ​មួយ​សេន​ទេ ដោយសារ​មាន​វិស័យ​ឯកជន​ជា​អ្នក​ចេញ​មុខ​ឧបត្ថម្ភ​។ សម្រាប់​អភិបាល​ស្រុក​បន្ទាយ​ស្រី​ដែល​ទើប​ចូល​កាន់​តំណែង​បាន​ពីរ​ខែ​កន្លះ​រូបនេះ ការ​អភិវឌ្ឍ​ភូមិ​ស្រុក គួរ​តែ​មាន​ការ​រួម​ចំណែក​ពី​គ្រប់​ភាគី​ទាំង​អស់ ទាំង​ភាគី​រដ្ឋ ភាគី​​ឯកជន ដៃ​គូ​អភិវឌ្ឍ និង​ជា​ពិសេស​គឺ​ពី​សំណាក់​ពលរដ្ឋ​ខ្លួន​ឯង​តែ​ម្ដង​។

តាំង​ពី​ថ្ងៃទី២២ ខែធ្នូ​មក សហ​ជីព​តំណាង​កម្មករ​មួយ​ចំនួន​បាន និង កំពុង​បន្ត​ប្រមូល​ស្នាម​មេ​ដៃ​ពី​កម្មករ​និយោ​ជិត ដើម្បី​ធ្វើ​ញត្តិ​ទាម​ទារ​ឱ្យ​រដ្ឋា​ភិបាល​កម្ពុជា​ធ្វើ​តាម​ការ​ចង់​បាន​របស់​សហ​ភាព​អឺរ៉ុប​ក្នុង​ការ​រក្សា​បាន​នូវ​ប្រព័ន្ធ​អនុ​គ្រោះ​ពន្ធ EBA។ លោក​រ៉ុង ឈុន ប្រធាន​សហភាព​សហជីព​កម្ពុជា​ដែល​ជា​ភ្ញៀវ​របស់​យើង​នៅ​រាត្រី​នេះ បាន​អះអាង​ថា មក​ដល់​ពេល​នេះ ក្រុម​របស់​លោក​ប្រមូល​បាន​ស្នាម​មេដៃ​កម្មករ​បាន​ខ្លះៗ​ហើយ​។ លោក​ថា ក្រុម​សហជីព​ត្រូវ​ការ​ស្នាម​មេ​ដៃ​កម្មករ​តែ​១ពាន់​នាក់​ទេ ដើម្បី​ធ្វើ​ញត្តិ​ដាក់​ទៅ​កាន់​រដ្ឋា​ភិបាល​កម្ពុជា​។