កំណែ​ទម្រង់​ការ​គ្រប់​គ្រង​ហិរញ្ញ​វត្ថុ​សាធារណៈ​របស់​រដ្ឋា​ភិបាល​កម្ពុជា នៅ​ពេល​នេះ​បាន​ចេញ​លទ្ធផល​ជា​បណ្តើរៗ​ហើយ បន្ទាប់​ពី​ក្រសួង​ហិរញ្ញ​វត្ថុ បាន​ចាប់​ផ្តើម​ការងារ​នេះ​តាំង​ពី​ឆ្នាំ​២០០៤​មក​។ លោក មាស សុខ​សេន​សាន អគ្គ​លេខា​ធិការ នៃ​ក្រសួង​សេដ្ឋកិច្ច​និង​ហិរញ្ញ​វត្ថុ និង​ជា​អគ្គ​លេខា​ធិការ​រង នៃ​អគ្គ​លេខាធិការ​ដ្ឋាន​គណៈ​កម្មា​ធិការ​ដឹក​នាំ​ការងារ​កែ​ទម្រង់​ការ​គ្រប់​គ្រង​ហិរញ្ញ​វត្ថុ​សាធារណៈ ថ្លែងថា​ចំណូល​រដ្ឋ​មាន​ការ​កើន​ឡើង​ខ្លាំង​រហូត​អាច​គ្រប់​គ្រង​បាន និង​ធានា​ដល់​ការ​ចំណាយ​។ ជាមួយ​គ្នា​នេះ លោក​អគ្គ​លេខា​ធិការ បន្ត​ថា​រដ្ឋា​ភិបាល​បាន​ចាយ​សល់​នូវ​ថវិកា​ចរន្ត ដោយ​សារ​ចំណូល​បច្ចុប្បន្ន​ខ្ពស់​ជាង​ចំណាយ​។

ភ្ញៀវ​ប្រចាំ​ថ្ងៃ​របស់​យើង​នៅ​រាត្រី​នេះ គឺ​លោក​ប៉ាវ ស៊ីណា ប្រធាន​សហជីព​ចលនា​កម្មករ។ លោកប៉ាវ ស៊ីណា បាន​សម្គាល់​ឃើញ​ពី​ការ​ឡើង​ថ្លៃ​បន្ទប់​ជួល​ខ្ពស់​ជាង​ការ​ដំឡើង​ប្រាក់​ឈ្នួល​បន្ថែម​ដល់​កម្មករ កម្មការិនី​ទៅទៀត​សម្រាប់​ចាប់​ពី​ឆ្នាំ២០២០ ខាង​មុខ​នេះ​ទៅ​។ សម្រាប់​រូប​លោក ដើម្បី​ដោះ​ស្រាយ​បញ្ហា​នេះ​បាន គឺ​អាជ្ញាធរ​មូល​ដ្ឋាន​ត្រូវ​តែ​ចុះ​ទៅ​ជួប​ដោយ​ផ្ទាល់​ជាមួយ​ម្ចាស់​ផ្ទះ​ជួល​ទាំង​នោះ ​និង ធ្វើ​របាយ​ការណ៍​មក​កាន់​រដ្ឋា​ភិបាល​។

ខណៈ​ដែល​តុលា​ការ​នឹង​បើក​សវនា​ការ​លើ​ករណី​អតីត​អ្នក​យក​ព័ត៌​មាន​វិទ្យុ​អាស៊ីសេរី​២​នាក់​នៅ​ថ្ងៃ​ចន្ទ​ស្អែក​នេះ នៅ​ថ្ងៃ​អាទិត្យ​នេះ ​អង្គការ​មិន​មែន​រដ្ឋាភិបាលជាតិ​ និង​អន្តរជាតិ​ ចំនួន ៣៧​ស្ថាប័ន​ បាន​ទទួច​ឲ្យ​ទម្លាក់​ចោល​បទ​ចោទ ​ប្រឆាំង​អ្នក​សារព័ត៌​មាន​សរុប​០៦​នាក់​។​លោក​ ម៉ៃ ​ទិត្យថារ៉ា​ នាយក​ប្រតិបត្តិ​សម្ព័ន្ធអ្នក​សារ​ព័ត៌​មាន​កម្ពុជា ដែល​ជា​អង្គការ​មួយ​ក្នុង​ចំណោម​នោះ ​បាន​កត់​សំគាល់​ថា​ រាល់​បណ្តឹង​និង​ចំណាត់​ការ​ប្រឆាំង​អ្នកសារ​ព័ត៌​មាន​មិន​ត្រឹម​តែ​ប៉ះ​ពាល់​ដល់​អ្នក​ទាំង​៦​រូប​នេះទេ​ តែ​ជា​គំរាម​កំហែង​ដល់​អ្នក​សារ​ព័ត៌​មាន​ផ្សេង​ទៀត​ក្នុង​ការ​បំពេញ​វិជ្ជា​ជីវៈ​ដោយ​ឯក​រាជ្យ​ផងដែរ​។

ព្រះ​មហាក្សត្រ​កម្ពុជា ​កាល​ពី​ថ្ងៃទី ​០៥​ ធ្នូ ​ឆ្នាំ​ ២០១៩​ ទើប​តែ​បាន​ចេញ​ព្រះរាជ​ក្រម​ប្រកាស​ដាក់​ឲ្យ​ប្រើ​ប្រាស់​នូវ​ច្បាប់​ស្តីពី​សន្ធិសញ្ញា​បំពេញ​បន្ថែម​ លើ​សន្ធិសញ្ញា​កំណត់​ព្រំដែន​រដ្ឋ​ឆ្នាំ​១៩៨៥​ និង​សន្ធិ​សញ្ញា​បំពេញ​បន្ថែម​ឆ្នាំ​២០០៥​ រវាង​ព្រះរាជា​ណាចក្រ​កម្ពុជា​ និង​សាធារណ​រដ្ឋ​សង្គម​និយម​វៀតណាម​។ ​ប៉ុន្តែ​ក្រោយ​ពី​ប្រកាស​ដាក់​ឲ្យ​ប្រើប្រាស់​ច្បាប់​នេះ ​បាន​ធ្វើ​ឲ្យ​មាន​ប្រតិកម្ម​ពី​សកម្មជន​នយោបាយ ​និង​សង្គម​ស៊ីវិល​មួយ​ចំនួន​ទាំង​ក្នុង​និង​ក្រៅ​ប្រទេស​។ ​ដោយ​ឡែកគ​ណបក្ស​ប្រជាធិប​តេយ្យ​មូលដ្ឋាន​ ដែល​ជា​គណបក្ស​មួយ​ធ្លាប់​ចេញ​សេចក្តី​ថ្លែង​ការណ៍​សោក​ស្តាយ​ចំពោះ​ការ​អនុម័ត​ច្បាប់​នេះ ​ចាប់​តាំង​ពី​ដំណាក់​កាល​ដំបូងម​ក​ម៉្លេះ ប៉ុន្តែ​នៅ​តែ​មិន​អាច​រារាំង​បាន​ឡើយ​។​ លោក​ យ៉ង​ សាំង​កុមារ​ ដែល​ជា​ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ​ RFI​ នៅ​រាត្រី​នេះ​បាន​ទម្លាក់​ការ​ទទួល​ខុស​ត្រូវ​នេះ ​លើ​គណបក្ស​ប្រជាជន​កម្ពុជា​នៅ​ចំពោះ​មុខ​ប្រវត្តិសាស្ត្រ​ ប្រសិន​បើ​កម្ពុជា​ត្រូវ​បាត់​បង់​ទឹក​ដី​តាម​រយៈសន្ធិសញ្ញា​នេះ​ ហើយថា គណបក្សលោកនឹងសើរើឡើងវិញនូវច្បាប់ស្តីពី​សន្ធិសញ្ញា​ព្រំដែន​នេះ ​បើ​គណបក្ស​លោក​មាន​ឱកាស​ឈ្នះ​ឆ្នោត​នៅ​ពេល​អនាគត​។

ខេត្ត​កំពត​នៅ​ថ្ងៃ​សុក្រ​នេះ កំពុង​មមា​ញឹក​ក្នុង​ការ​រៀប​ចំ​ប្រារព្ធ​ពិធី​បុណ្យ​សមុទ្រ​ជុំទី២ ថ្ងៃទី១​របស់​ខ្លួន​។ អភិបាល​ខេត្ត​កំពត លោក ជាវ តាយ ថ្លែង​ឲ្យ​ដឹង​ថា ពិធី​បុណ្យ​សមុទ្រ​នៅ​ខេត្ត​កំពត​ពេល​នេះ មាន​សារៈ​ប្រយោជន៍​ច្រើន ដោយ​ខេត្ត​ទទួល​បាន​ការ​អភិវឌ្ឍ​ហេដ្ឋា​រចនា​សម្ព័ន្ធ​របស់​ខ្លួន និង​ជា​ផ្នែក​មួយ​ដ៏​ធំ​ក្នុង​ការ​ទាក់​ទាញ​ភ្ញៀវ​ទេសចរណ៍​ជាតិ និង​អន្តរ​ជាតិ​ផង​ដែរ ទៅ​កំសាន្ត​នៅ​ខេត្ត​កំពត​។ តាម​ការ​ព្យាករណ៍ បុណ្យ​សមុទ្រ​លើក​ទី៨ ដែល​មាន​រយៈ​ពេល​៣ថ្ងៃ ចាប់​ពី​ថ្ងៃទី២០​ដល់​ថ្ងៃ២២ធ្នូ​នេះ នឹង​មាន​ការ​ចូល​រួម​ពី​ពលរដ្ឋ​ខ្មែរ និង​បរទេស​ប្រមាណ​ជា​កន្លះ​លាន​នាក់​។

ក្រសួង​ពាណិជ្ជកម្ម​នៅ​ថ្ងៃទី ១៩ ធ្នូនេះ បាន​បិទ​បញ្ចប់​សន្និបាត​បូក​សរុប​លទ្ធ​ផល​ការងារ​ពាណិជ្ជកម្ម​ឆ្នាំ​២០១៩ និង​លើក​ទិស​ដៅ​ការងារ​ពាណិជ្ជ​កម្ម​សម្រាប់​២០២០​ខាង​មុខ​។ ផ្អែក​តាម​របាយ​ការណ៍​នៅ​ក្នុង​សន្និបាត​រយៈ​ពេល​ពីរ​ថ្ងៃ​នេះ បាន​បង្ហាញ​ថា ការ​នាំ​ចេញ​ទំនិញ​របស់​កម្ពុជា​ទៅ​គ្រប់​ទ្វីប ក្រោម​ប្រព័ន្ធ​អនុ​គ្រោះ​ពាណិជ្ជ​កម្ម និង​កិច្ច​ព្រម​ព្រៀង​ពាណិជ្ជ​កម្ម​សេរី ក្នុង​រយៈ​ពេល​១០ខែ ឆ្នាំ២០១៩នេះ មាន​ការ​កើន​ឡើង ៦.៤៥% បើ​ធៀប​និង​រយៈ​ពេល​ដូច​គ្នា​កាល​ពី​ឆ្នាំ​២០១៨ ពោល​គឺ​នៅ​ក្នុង​ទំហំ​ទឹក​ប្រាក់​ជាង ១១​ពាន់​លាន​ដុល្លារ​។ លោក ស៊ាង ថៃ អ្នក​នាំ​ពាក្យ​ក្រសួង​ពាណិជ្ជ​កម្ម ដែល​ជា​ភ្ញៀវ​ប្រចាំ​ថ្ងៃ​របស់​យើង​នៅ​រាត្រី​នេះ មាន​សុទ្ទិដ្ឋិ​និយម​ថា ការ​នាំ​ចេញ​របស់​កម្ពុជា​នៅ​ឆ្នាំ​២០២០ នៅ​តែ​បន្ត​កើន​ឡើង ទោះ​បី​ជា​ប្រឈម​នឹង​ភាព​មិន​ច្បាស់​លាស់​នៃ​ប្រព័ន្ធ​អនុ​គ្រោះ​ពន្ធ EBA តាម​រយៈ​ការ​បន្ត​ធ្វើ​ពិ​ពិធ​កម្ម​ទីផ្សារ​នាំ​ចេញ​ទៅ​ក្នុង​តំបន់​និង​អន្តរ​ជាតិ​។

ប្រទេស​កម្ពុជា​កំពុង​តែ​ប្រឹង​ប្រែង​អភិវឌ្ឍន៍ ប្រភព​ថាមពល​អគ្គិសនី​របស់​ខ្លួន ខណៈ​ប្រទេស​នេះ​កំពុង​មាន​ការ​អវិវឌ្ឍ​យ៉ាង​មមាញឹក​ជា​ច្រើន​កន្លែង​។ លោក វ៉ិចទ័រ ហ្សូនា អគ្គ​នាយក​ថាម​ពល និង​ជា​អ្នក​នាំ​ពាក្យ​ក្រសួងរ៉ែ និង​ថាម​ពល ថ្លែង​ថា កម្ពុជា​នឹង​លែង​ខ្វះ​ថាម​ពល​អគ្គិសនី​ប្រើ​ប្រាស់​ដូច​រដូវ​ប្រាំង​កន្លង​ទៅ​ទៀត​ហើយ ដោយ​សារ​ឆ្នាំ​នេះ រដ្ឋា​ភិបាល​បាន​ត្រៀម​លក្ខណៈ​សម្បត្តិ​គ្រប់​គ្រាន់​ក្នុង​ការ​ផ្គត់​ផ្គង់​ថាម​ពល​អគ្គិ​សនី​។ តាម​លោក វ៉ិចទ័រ ហ្សូនា ថាម​ពល​សរុប​ដែល​កម្ពុជា​មាន​នៅ​ចុង​ឆ្នាំ​២០១៩​នេះ ប្រហាក់​ប្រហែល​៣ពាន់​ម៉េហ្គា​វ៉ាត់ រីឯ​តម្រូវ​ការ​សរុបវិញ គឺ​មាន​ត្រឹម​តែ​១២០០​ម៉េហ្គា​វ៉ាត់​ប៉ុណ្ណោះ​។

ខណៈ​ដែល​មាន​ការ​រិះគន់​ពី​មហាជន​ចំពោះ​ការ​ចុះ​ចាប់ខ្លួន​ជនសង្ស័យ​ពាក់​ព័ន្ធ​នឹងគ្រឿង​ញៀន​នៅពេល​ថ្មី​ៗ​នេះ។ មន្រ្តី​ជាន់​ខ្ពស់​ខាង​តុលាការ និង​មន្ត្រីកង​កម្លាំង​ប្រដាប់​អាវុធបានបើក​កិច្ចប្រជុំ​មួយ​នៅថ្ងៃ​អង្គារនេះ។ ​នាយឧត្តម​សេនីយ៍ ម៉ក់ ជីតូ អគ្គ​ស្នងការរងនគរបា​លជាតិ ទទួល​បន្ទុកខាងប្រឆាំ​ងគ្រឿងញៀន​បាន​គូសបញ្ជាក់ថា ចាប់ពេលនេះតទៅ រាល់​​ការ​ចុះ​បង្ក្រាបគ្រឿងញៀន ​គឺសមត្ថកិច្ច​ត្រូវតែ​មានឯកសណ្ឋានត្រឹម​ត្រូវ ដើម្បីជៀសវាង​កុំឲ្យជនស៊ីវិល​ខិលខូចឆ្លៀតឱកាស​បន្លំចាប់ជំរិតទារប្រាក់ពីជនសង្ស័យ។

សមាគម​សម្ព័ន្ធ​សហគមន៍​កសិករ​កម្ពុជា​នៅ​ថ្ងៃទី១៦ ខែធ្នូ ឆ្នាំ​២០១៩​នេះ បាន​រៀប​ចំ​វេទិកា​កសិករ​ស្ដី​ពី «ការលើក​កម្ពស់​និរន្តរភាព និង​គាំទ្រ​ទីផ្សារ​ផលិត​ផល​កសិកម្ម​សម្រាប់​កសិករ​ខ្នាត​តូច» នៅ​ក្នុង​ខេត្ត​ស្វាយ​រៀង​។ កញ្ញា​កែវ ចាន់រ៉ា ដែល​ជា​អគ្គ​លេខា​ធិការ​នៃ​សមាគម​សម្ព័ន្ធ​សហ​គមន៍​កសិករ​កម្ពុជា គឺ​ជា​ភ្ញៀវ​ប្រចាំថ្ងៃ​របស់​យើង​។ កញ្ញា​កែវ ចាន់រ៉ា បាន​លើក​ឡើង​ថា ជម្រើស​ល្អ​នៅ​ក្នុង​ដំណើរ​ការ​ទីផ្សារ​ផលិត​ផល​ស្រូវ​នៅ​កម្ពុជា គឺ​អាជ្ញាធរ​គួរ​តែ​ទាក់​ទង​ឱ្យ​បាន​ជិត​ស្និត​ជាមួយ​នឹង​កសិករ​។ ជាមួយ​គ្នា​នេះ កញ្ញា​ក៏​បាន​អះអាង​ថា ប្រសិន​បើ​ផលិត​ផល​ស្រូវ​មិន​អាច​លក់​ចេញ​ទេ នោះ​កសិករ​នឹង​វ័ណ្ណ ក នឹង​បំណុល​ធនាគារ​ហើយ​។

ពិព័រណ៍​សៀវភៅ​កម្ពុជា​លើក​ទី​០៨ ​ឆ្នាំ​២​០១៩​នេះ ​មាន​ការ​ចូល​រួម​ពី​មហាជន​ខ្មែរ​ជា​ពិសេស​យុវជន​កម្ពុជា​ជាង​១៧​ម៉ឺន​នាក់​។ ​ចំនួន​នេះ​បាន​កើន​ឡើង​ដល់​ទៅ​៤​ម៉ឺន​នាក់ ​បើ​ធៀប​នឹង​ពិព័រណ៍​សៀវភៅ​កម្ពុជា​កាល​ពី​ឆ្នាំ​មុន​។ ​បើ​តាម​ការ​គណនា​ត្រួស​ៗ ​យ៉ាង​ហោច​ណាស់​មាន​សៀវភៅ​ចំនួន​៣០​ម៉ឺន​ក្បាល​ត្រូវ​បាន​លក់​ចេញ​ក្នុ​ង​រយៈពេល​បី​ថ្ងៃ​មក​នេះ​។ ហើយ​ចរន្ត​សាច់​ប្រាក់​ប្រមាណ​ជាង​១​លាន​ដុល្លារ​ ត្រូវ​បាន​ហូរ​ចូល​ហោ​ប៉ៅ​របស់​អ្នក​និពន្ធ​ និង​អ្នក​បោះ​ពុម្ព​ផ្សាយ​ជា​ដើម​។​​ លោក ​ហុក ​សុទ្ធិ ​នាយក​អង្គការ​ស៊ីប៉ា ​និង​ជា​ប្រធាន​សមាគម​បណ្ណារក្ស ​និង​ឯកសារ​វិទូ​កម្ពុជា ជា​អនុប្រធាន​សមាគម​អ្នក​បោះ​ពុម្ព​ផ្សាយ​កម្ពុជា ​និង​ជា​តំណាង​គណៈកម្មការ​រៀប​ចំ​ពិព័រណ៍​សៀវភៅ​កម្ពុជា ​បាន​ថ្លែង​ក្នុង​នាម​ជា​ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ ​RFI​ នៅ​រាត្រី​នេះ ​ថា ​ការ​ចូល​រួម​របស់​យុវជន​កម្ពុជា​ក្នុង​ពិព័រណ៍​សៀវភៅ​កម្ពុជា​លើក​ទី​០៨​នេះ ​គឺជា​សញ្ញា​វិជ្ជមាន​មួយ​ដែល​បញ្ជាក់​ថា ​យុវជន​កម្ពុជា ​បាន​ងាក​មក​ចាប់​អារម្មណ៍​ការ​អាន​សៀវភៅ​ច្រើន​ជាង​មុន​។