កញ្ញា រិទ្ធី អេមម៉ា ត្រូវបានគេស្គាល់ថាជាកីឡាការនីប្រដាល់គុនខ្មែរដំបូងគេម្នាក់ ជាជនជាតិបារាំង ដែលមានបេះដូងជាខ្មែរ។ ស្រី្តក្លាហានវ័យ ២៤ឆ្នាំរូបនេះ បានចំណាយទាំងពេលវេលានិងថវិកាផ្ទាល់ខ្លួន ព្រមទាំងការតស៊ូជំនះការលំបាក និងគ្រោះថ្នាក់គ្រប់យ៉ាងដើម្បីហាត់រៀនកីឡាគុនខ្មែរអស់ពេលជិតពីរឆ្នាំមកហើយ។ សម្រាប់ រិទ្ធី អេមម៉ា ការតស៊ូនេះគឺធ្វើឡើងដោយក្តីស្រលាញ់ និងចង់ចូលរួមលើកស្ទួយស្មារតីគុនខ្មែរដែលបានបន្សល់ទុកតាំងពីសម័យអង្គរ។