ការចងក្រងសហគមន៍តម្បាញនៅតំបន់ក្បែរប្រាសាទបន្ទាយឆ្មារ ស្រុកថ្មពួក ខេត្តបន្ទាយមានជ័យនារយៈពេល ២៥ឆ្នាំមកនេះអាចជួយឱ្យស្ត្រីខ្មែរជាច្រើនគេចផុតពីការធ្វើការចំណាកស្រុកទៅធ្វើការនៅក្នុងប្រទេសថៃ។ សព្វថ្ងៃ សហគមន៍ស្ត្រីតម្បាញក្រមាសូត្រ ដែលគ្រប់គ្រងដោយក្រុមហ៊ុន Soieries du Mekong (ស័ររីឌុយមេគង្គ) មានបុគ្គលិកសរុបជិត ៦០នាក់។ ស្ត្រីអ្នកតម្បាញក្រមាសូត្រអះអាងថា ពួកគេពេញចិត្តនឹងជ្រើសយករបរមួយនេះដែលអាចផ្តល់ចំណូល និងលក្ខខណ្ឌរស់នៅល្អប្រសើរជាជាងចំណាកស្រុក។