អ្នកភូមិច្រើនគ្រួសារនៅភូមិមាត់ពាម ឃុំម៉ាក់ប្រាង្គ ស្រុកទឹកឈូ ខេត្តកំពតនាំគ្នាប្រកបមុខរបរត្បាញឬស្សីធ្វើជា «ខេងចំហុយត្រីសមុទ្រ» ដែលជាប្រភពចំណូលបន្ថែមពីការធ្វើចម្ការ។ តាមអ្នកភូមិ ខេងត្រីចំហុយធ្វើពីឬស្សីជួយរក្សាគុណភាពសាច់ត្រីកុំឲ្យបែកនៅពេលចំហុយ និងជួយឲ្យមានក្លិនឈ្ងុយបានយូរ។ របរមួយនេះបានអនុញ្ញាតឲ្យអ្នកស្រុកទឹកឈូអាចរកចំណូលបានពី ៣ ទៅ៤ម៉ឺនរៀលក្នុងមួយថ្ងៃ។