RTL - Commentaire

Julie, Mélissa, An, Eefje, Sabine et Laëtitia – Déi Nimm kennt jiddereen, deen d’Mëtt vun de 90iger Joren materlieft huet. Als Kand oder als Erwuessenen. Déi 6 Meedercher a Jugendlecher sinn d’Affer vum Marc Dutroux. Zanter 23 Joer sëtzt hien am Prisong, elo mat Aussicht op eng Liberté conditionnelle, deemno wéi den 3 Psychiateren hir Analyse iwwert de veruerteelte Mäerder ausfält. D’Nadine Gautier mat engem Commentaire.

Manner fléien, manner Auto fueren manner Plastik verbrauchen – Mesuren déi ëmmer erëm widderholl ginn wann et drëms geet eppes fir de Klima ze maachen. Eng Moossnam gëtt dem Claudia Kollwelter no allerdéngs net genuch thematiséiert – manner Déiereproduiten ze consomméieren.

Den Eric Ewald huet sech ewell a Commentairen iwwer Stroossechantieren opgereegt, bei déi ee bäifiert, fir da vu Schëlter gesot ze kréien, dass een ëmdréie muss! An där Kategorie vu Manktem u Kommunikatioun am Zesummenhank mat Schantercher huet hien elo awer - a sengen Aen - d'Kiischt um Kuch erlieft.

Déifferdeng, Wäisswampech, Biissen, Schieren, Dikrech, Manternach, d'Beschäftegungs-Iniative Syrdall... an, an, an....
Et sinn onroueg lokalpolitesch Zäiten zu Lëtzebuerg.
Zäiten aus deenen awer kann- a vläicht muss geléiert ginn, mengt de Pit Everling de Moien a sengem Commentaire

Den Zesummenhalt an der Gesellschaft, och hei am Land, gëtt strapazéiert. Den Aarmutsrisiko ass déi lescht Jore geklomm, mee géing sech, sou de Statec, elo stabel entwéckelen. Gläichzäiteg wuessen awer d’Inegalitéiten, mee net just um finanzielle Plang. De François Aulner huet scho verlaangt, datt um Niveau vun de Steieren op immobiliséiertem Eegentum a Spekulatioun eppes geschitt. Haut, plädéiert hien am Commentaire dann awer och fir d’Aféieren vun engem „obligatoreschen universellen Déngscht“.

Ronn 80 Awunner vum Garer Quartier hu sech e Freideg den Owend fir eng Protestaktioun zesummegedoen, mat enger klorer Fuerderung: “Madame Polfer, Monsieur Bausch, déplacez drogue et prostitution en dehors de la rue de Strasbourg et du Quartier Gare”. Eng Opfuerderung un d’Politik – wann der den Drogeproblem schonn net an de Grëff kritt, da suergt dofir, datt mir en net hei virun der Dier hunn. D'Protestaktioun an d'Diskussioun ronderëm d'Drogenzeen am Garer Quartier seet vill iwwert d'sozial Kohäsioun zu Lëtzebuerg, fënnt d'Fanny Kinsch a sengem Commentaire.

D'CSV Fraktiounspresidentin Martine Hansen huet de gëschter de Moien an hirer Ried an der Chamber gefuerdert, dass d'Sëtzunge vun de Chamberkommissiounen an Zukunft ëffentlech sinn. Eng sënnvoll Iddi fënnt de Pierre Jans, dat géif d'Transparenz an der Politik nees opwäerten.

De Mëtteg mécht de Premier Xavier Bettel an der Chamber seng Deklaratioun zur Lag vun der Natioun. D'Maxime Gillen huet sech am Commentaire vun haut e puer Gedanke gemaach iwwer déi aktuell Situatioun vum Land. 

Gaardenhaisercher kënne méi geféierlech sinn, wéi ee mengt.
Esou ass de Commentaire vum Dany Rasqué de Moien iwwerschriwwen.