សាលាសិល្បៈសម្ដែងថ្មីមួយដែលមានឈ្មោះ The Acting Art Academy កំពុងរួមកិច្ចសហការជាមួយវិទ្យាស្ថានបារាំងនៅកម្ពុជា និងFactory Phnom Penh ដើម្បីត្រៀមបង្កើតមហោស្រពសិល្បៈសម្ដែងទស្សនីយភាព Golden (R)Age ឆ្នាំសូន្យ ជាលើកដំបូងនៅក្នុងទីក្រុងភ្នំពេញ។ មហោស្រពសិល្បៈសម្ដែង Golden (R)Age ដែលមានរួមបញ្ចូលស្នាដៃសិល្បៈទស្សនីយភាពថ្មីៗបែបចម្រុះចំនួន ៧ នឹងធ្វើការសម្តែងនៅទីក្រុងភ្នំពេញក្នុងរយៈពេល ២អាទិត្យចាប់ពីថ្ងៃទី២៨ ខែមិនា ដល់ថ្ងៃទី៨ ខែមេសា ឆ្នាំ២០២៥។