ស្របពេលតម្លៃសាំងនៅលើទីផ្សារ មិនទាន់មានការធ្លាក់ចុះគួរឲ្យកត់សម្គាល់ផង ពិធីបុណ្យចូលឆ្នាំប្រពៃណីខ្មែរក៏ខិតជិតមកដល់នៅសប្តាហ៍ខាងមុខ។ ចរន្តអ្នកធ្វើដំណើរទៅកាន់ស្រុកកំណើតតាមរយៈរថយន្តឈ្នួល ក៏មិនមានច្រើននោះដែរ។ នេះបើតាមការអះអាងរបស់អ្នករត់រថយន្តឈ្នួលនាម្តុំផ្សារថ្មី។ តែដោយប្រឈមនឹងតម្លៃប្រេងសាំង និងពិធីបុណ្យចូលឆ្នាំផងនោះ អ្នករត់រថយន្តឈ្នួលភាគច្រើនសម្រេចដំឡើងថ្លៃដឹកអ្នកដំណើរមួយកម្រិតទៀត។