នៅឆ្នាំនេះ មហោស្រពភាពយន្តអន្តរជាតិកានទី​៧៨ គ្មានវត្តមាន​​របស់​ខ្សែភាពយន្ត​ខ្មែរក៏ពិតមែន ប៉ុន្តែ កម្ពុជា​នៅតែមាន​ជនជាតិ​របស់ខ្លួន​ចូលរួម​នៅក្នុង​មហោស្រព។ បន្ទាប់ពីបានអាហារូបករណ៍​ពី​មូលនិធិកាន​ដើម្បីថ្នាក់បណ្តុះបណ្តាល​អ្នកដឹកនាំ​រឿង​រយៈពេល​៤ខែកន្លះ​កាលពី​ឆ្នាំមុន សាន ដានិច សមិទ្ធិករ​ស្រ្តីខ្មែរវ័យក្មេង​បាន​វិលត្រឡប់​ទៅមហោស្រពភាពយន្ត​កាន​សាជាថ្មី ក្នុងក្របខ័ណ្ឌ​នៃ​សិក្ខាសិលា​របស់​កម្មវិធី​ La Fabrique Cinéma រៀបចំឡើង​ដោយ​វិទ្យាស្ថានបារាំង ដៃគូ​របស់​វិទ្យុបារាំងអន្តរជាតិ។