Sia via ha entschet a Samedan sur Cuira, Stierva, Turitg enfin sin il palc da Poughkeepsie en ils Stadis Unids, nua che Sara Francesca Hermann (32) ha ensemen cun la cumpagnia Mummenschaz fatg emprims tests davant public per lur nov program.Sco actura è ella da chasa en il teater dal moviment, il teater d'acziun che lavura cun pled, musica ed era elements d'improvisaziun. Cun l'auto da pumpiers cotschen è ella girada cun sia squadra da teater pliras stads per las plazzas dal Grischun e la Svizra.Ad audituras ed auditurs dad RTR è ella enconuschenta sco Pirmina Caflisch u Lucia dal Volg en Vita capita u era sco autura dals Impuls. Sara Francesca Hermann è era commembra da la gruppa da teater pantomimic Mummenschanz. Actualmain èn els vid las ultimas provas per lur nov program You & me che ha premiera ils 1. da december en il teater 11 a Turitg. Co è quai da giugar senza pleds e senza avair il contact direct visual cun il public?Redacziun: Guadench Dazzi