SBS Tigrinya - ኤስ.ቢ.ኤስ ትግርኛ

ዕለታዊ ዜና ኤስቢኤስ ትግርኛ (26 ታሕሳስ 2024) * ደቡባዊ ምብራቕ ኣውስትራልያ ማዕበላት ሓያል ሙቐት ክመጾ ኣብ ዝዳለወሉ ዘሎ እዋን ሓደገኛ ኩነታት ባርዕ ሓዊ ንብዙሓት ግዝኣታት ከጋጥመን’ዩ፣ * ኣሽሓት ተሳፈርቲ መንገዲ ኣየር ኣሜሪካን ኤየርላይንስ ብምኽንያት ቴክኒካዊ ጸገም ኣብ ድሮ መዓልቲ ልደት በረራታቶም ተሰናኺሉ፣ * ፕረዚደንት ኢሳይያስ ኣፈወርቂን ፕረዚደንት ሶማል ሓሰን ሼኽ ማሕሙድን ተመያዪጦም፣ ቢቢሲ ሶማሊያ ኣብ ኣዋጅ ኣንካራ ኣመልኪቱ ንዝዘርግሖ ሓበሬታ ሚኒስተር ዜና ኤርትራ ነጺግዎ፣

ጸብጻባት ዜና * ፕረዚደንታት ኤርትራን ሶማልን ተመያዪጦም፣ *ቢቢሲ ሶማሊያ ኣብ ኣዋጅ ኣንካራ ኣመልኪቱ ንዝዘርግሖ ሓበሬታ ሚኒስተር ዜና ኤርትራ ነጺግዎ፣ * ቤትፅሕፈት ምግባረ ሰናይ ትእምት ኣብ ዝሓለፈ በጀት-ዓመት ልዕሊ 212 ሚልዮን ቅርሺ ከም ዝሓገዘ ኣፍሊጡ፣ * ኢትዮጵያ ንክሲ ሶማልያ መሰረት ዘይብሉ ብምባል ነጺጋቶ፣ ምስ ጅቡቲ ሓይሊታት ፀረ-ሰላም ንምግታእ ሓበራዊ ሓይሊ ዕማም ብምጥያሽ ንምስራሕ ተሰማሚዓ፣ * በዓል ልደት፣ ብርሃናት ብልጭልጭ ዝብልሉን ክቡራት ልምድታት ዝኽበረሉን ወቕቲ፣ ብደረጃ ዓለም ይኽበር ኣሎ። ካብ ቁሪን በረድን ዝዓብለሎም ዕዳጋታት ኤውሮጳ ክሳብ ጸሓያዊ ገማግም ባሕሪ ኣውስትራልያ፣ ዶባት ሰጊሩ፣ እምነትን ስድራቤትን ፌስታን ብሓባር ኣሊሙ ዝጠምር ጽምብል’ዩ። እንተኾነ ግን ሕጂ’ውን መንፈስ በዓል ልደት በቶም ዝቕጽሉ ዘለዉ ግጭታት ኣብ ቓዛን ዩክረይንን ተዓብሊሉ ይርከብ። (ነዚ ዝምልከት ትሕዝቶ) * ብምኽንያት በዓል ልደት ነታ ፍልይቲ መዓልቲ፣ ኣቋጻጽራ መዓልታት ልደትን ንምንታይ ተፈላልዮም፣ ዓመታዊ ዝቕልቀሉ ዕላላትን ሕቶታትን ኣለዉ። ቀሺ ዮናስ ወልደሩፋኤል ንታሪኽን ኣመጻጽኣን’ቲ በዓል ዝምልከት ንኤስቢኤስ ቅድሚ ሕጂ ዝሃብዎ መብርሂ ነዚታት ክምልስ ዝፍትን’ዩ’ሞ ኣብ'ዚ ክቐርብ’ዩ። * ጸገማት ክብሪ መነባብሮ ንፖለቲካ ኣውስትራልያ ኣብ'ዚ ዓመት ዝዓብለሎ ኔሩ። እንተኾነ ግን ፖለቲከኛታት ኣብ ውሽጢ'ዞም ዝቕጽሉ ሽዱሽተ ኣዋርሕ ንምርጫ ኣብ ዝዳለውሉ፡ ገለ ካብ'ቶም ናብ ምርጫ ዝቐርቡ ቀንዲ ጉዳያት ኣብ መላእ'ዚ ንዛዝሞ ዘለና ዓመት ተቐላቒሎም'ዮም። 2024 ብፖለቲካዊ መዳይ ከመይ ሓሊፋ ዝድህስስ ትሕዝቶ

ጸገማት ክብሪ መነባብሮ ንፖለቲካ ኣውስትራልያ ኣብ'ዚ ዓመት ዝዓብለሎ ዛዕባ ኔሩ። እንተኾነ ግን ፖለቲከኛታት ኣብ ውሽጢ'ዞም ዝቕጽሉ ሽዱሽተ ኣዋርሕ ንምርጫ ኣብ ዝዳለውሉ፡ ገለ ካብ'ቶም ናብ ምርጫ ዝቐርቡ ቀንዲ ጉዳያት ኣብ መላእ'ዚ ንዛዝሞ ዘለና ዓመት ተቐላቒሎም'ዮም። ን2024 ብመንጽር ፖለቲካ ከመይ ሓሊፋ ክንግምግማ ኢና።

ጸብጻባት ዜና: * ፕረዚደንት ኢሳይያስ ኣፈወርቂን ፕረዚደንት ሶማል ሓሰን ሼኽ ማሕሙድን ተመያዪጦም፣ * ቢቢሲ ሶማሊያ ኣብ ኣዋጅ ኣንካራ ኣመልኪቱ ንዝዘርግሖ ሓበሬታ ሚኒስተር ዜና ኤርትራ ነጺግዎ፣ * ቤትፅሕፈት ምግባረ ሰናይ ትእምት ኣብ ዝሓለፈ በጀት ዓመት ልዕሊ 212 ሚልዮን ቅርሺ ከም ዝሓገዘ ኣፍሊጡ፣ * ኢትዮጵያ ንክሲ ሶማልያ መሰረት ዘይብሉ ብምባል ነጺጋቶ፣ * ኢትዮጵያን ጅቡቲን ሓይሊታት ፀረ-ሰላም ንምግታእ ሓበራዊ ሓይሊ ዕማም ብምጥያሽ ንምስራሕ ተሰማሚዐን፣

በዓል ልደት፣ ብርሃናት ብልጭልጭ ዝብልሉን ክቡራት ልምድታት ዝኽበረሉን ወቕቲ፣ ብዓለም ደረጃ ይኽበር ኣሎ። ካብ ቁሪን በረድን ዝዓብለሎም ዕዳጋታት ኤውሮጳ ናብ ጸሓያዊ ገማግም ባሕሪ ኣውስትራልያ፣ ዶባት ሰጊሩ፣ እምነት፣ ስድራቤትን ፌስታን ብሓባር ኣሊሙ ዝጠምር ጽምብል ወይ በዓል’ዩ። እንተኾነ ግን ሕጂ’ውን መንፈስ በዓል ልደት በቶም ዝቕጽሉ ዘለዉ ግጭታት ኣብ ቓዛን ዩክረይንን ተዓብሊሉ ይርከብ።

ኣውስትራሊያዊያን ንገለ ገለ ኣውሮጳዊ ባህላዊ ኣበዓዕላታት ልደት (ክሪስማስ) ይኽተሉ እዮም። ናይ ገዛእ ርእሶም ባህሊ'ውን ኣማዕቢሎም እዮም። እቲ ጽቡቕ ነገር ኣብ ኣውስትራሊያ በዓል ልደት ወይ ክሪስማስ ንምብዓል ብዙሕ መገዲታት ምህላዎም እዩ። እዚ መደብ ንገለ ኣገባባት ኣበዓዕላ ክሪስማስ ኣብ ኣውስትራሊያ ክርእይ እዩ።

ሓደ ኣውስትራልያዊ ብወተሃደራት ሩስያ ኣብ ዩክረይን እናተሓተተ ዝመስል ዘርኢ ቪድዮ ኣብ ማሕበራዊ መድረኻት ድሕሪ ምዝርግሑ ፈደራል መንግስቲ ኣውስትራልያ ቅልጡፍ መርመራታት ብዛዕባ'ታ ቪድዮ የካይድ ኣሎ። እቲ ኦስካር ጀንኪንስ ኢሉ ንነብሱ ዘላለየ ወዲ 32 ዓመት መምህር ስነህይወት ወይ ባዮሎጂ ካብ ኣውስትራልያ'ዩ።

ንኹሎም ኣመንቲ ርሑስ በዓል ልደትን ሓድሽ ዓመት 2024 እናተመነና፡ ታሪኽን ኣመጻጽኣን በዓል ልደት ዝምልከት ቀሺ ዮናስ ወልደሩፋኤል ዝሃብዎ መብርሂ ቀሪቡ ኣሎ።

* ቀዳማይ ሚኒስተር ኣውስትራልያን መራሒ ተቓዋሚን መልእኽታት በዓል ልደቶም ኣብጺሖም፡ * ፕረዚደንት ጆ ባይደን 37 ንሞት ዝተፈርዱ እሱራት ብዕድመ ልክዕ ቀይርሎም፡ * መደበር ቴሌቪዥንን ስፖርትን ፎክስተል ተሸይጡ፣ * ሶማልያ ወሃደራት ኢትዮጵያ ኣብ ልዕሊ ወተሃደራተይ መጥቃዕቲ ፈጺሞም ክትብል ከሲሳ፣

ሰሙናዊ መደብ ስፖርት ኤስቢኤስ ትግርኛ (23/12/2024) * ኢትዮጵያ ኣንጻር ሱዳን ዘለዋ መጻረዪ ግጥም ንሻምፒዮና ሃገራት ኣፍሪቃ ኣብ ዕጹው ማዕጾ ኣብ ሊብያ ክኾነላ ሓቲታ፣ * ኣብ ግጥማት ዋንጫ ካራባኦ (ካራባኦ ካፕ) ናብ ፍርቂ ፍጻመ ዝሓለፋ ጋንታት መጋጥምተን ፈሊጠን፣ ሊቨርፑል VS ቶተንሃም፣ ኣርሰናል VS ኒውካትስል ዩናይትድ፣ * ናይጀርያዊ ኣዴሞላ ሉክማንን ዛምብያዊት ባርባራ ባንዳን ብሉጻት ተጻወቲ ኣፍሪቃ ናይ'ዚ ዓመት ተሰይሞም፣ * ኣርጀንቲና ኣብ ተርታ ዓለም ኩዕሶ እግሪ ፊፋ ቀዳመይቲ ኮይና ን2024 ወዲኣታ፣ ኢትዮጵያ መበል 146፣ ኤርትራ ኣይተሰርዐትን፣ *