SBS Tigrinya - ኤስ.ቢ.ኤስ ትግርኛ

ንሎሚ 11 ጥቅምቲ 2023 ዝተዳልዉ ሓጸርቲ ዜናታት ኤስ ቢ ኤስ ትግርኛ; ኣርእስታት ዜና፡ ሰራዊት እስራኤል፡ ኣብ ወሽመጥ ጋዛ ናይ መሬት መጥቃዕቲ ንምፍጻም ተዳልዩ ከም ዘሎ ገሊጹ ። ኣንቶኒ ኣልባነሰ ኣብ ቀዳመ ሰናብቲ ሃንደበታዊ መጥቃዕቲ ሓማስ ኣብ እስራኤል እተቐትለት ኣውስትራልያዊት ሰበይቲ ንስድራቤት ናይ ሓዘን መልእኽቲ ሰዲዱ ። ሰባት ካብቲ ብማይ ዘዕለቕለቐ ህንዳዊ ግዝኣት ሲኪም ብነፈርቲ ክወጽኡ ጀሚሮም ኣለዉ ።

ሰራዊት እስራኤል ፡ "ሓያሎ ጥርጡራት ዕጡቓት ቀቲለ" ክብል ከሎ ሓማስ ድማ ኣብ ጋዛ ሲቪላዊ ኣባይቲ እንተ ዓንዩ ፡ ነቶም ኣብ ትሕቲ ቁጽጽሩ ዘለዉ እስራኤላውያን ከምዝቐትል ኣፈራሪሑ ። ኣብ ዝሓለፈ ቀዳመ ሰንበት ብእስላማዊ ጕጅለ ሓማስ ድሕሪ ዝተፈጸመ መጥቃዕቲ ፡ሰራዊት እስራኤል ቅድሚ ሕጂ ተራእዩ ዘይፈልጥ 300,000 ወተሃደራት ኣዋፊሩ ከም ዘሎን ፡ ኣብ ልዕሊ እቲ ኣብ ልዕሊ ጋዛ ዝግበር ዘሎ መጥቃዕቲ ብተወሳኺ ነታ ወሽመጥ ምሉእ ብምሉእ ከም ዝዓጸወን ገሊጹ ። ዕጡቓት ሓማስ ን900 እስራኤላውያን ድሕሪ ምቕታሎምን ካልኦት ሓያሎ ሰባት ድሕሪ ምሓዞምን ፡ ኣብ ውሽጢ እስራኤል ኣብ ዝርከብ እተፈላለየ ቦታታት ተቖጻጺሮም እዮም ። ድሕሪ እቲ ንሰዓታት ብእስራኤል ዝተገብረ ጽዑቕ ደብዳብ ፡ ኣፈኛ ሓማስ ኣቡ ዑቢዳ ፡ ሲቪላዊ ኣባይቲ ብዘይ መጠንቀቕታ እንተ ተደብዲቡ ፡ እቲ ጉጅለ ኣብ ልዕሊ ምሩኻት እስራኤል ናይ ቅትለት ስጉምቲ ክወስድ ምዃኑ ገሊጹ ። ሚኒስትሪ ጥዕና ጋዛ ከም ዝሓበሮ ፡ ካብ ቀዳም ንነጀው ብ ኣየር እስራኤል ብዝተፈጸመ መጥቃዕቲ ፡ ብውሕዱ 687 ፍልስጤማውያን ተቐቲሎም ፡ 3,726 ድማ ቈሲሎም ኣለዉ።

እስራኤል ትወስዶ ስጉምቲ 'ማእከላይ ምብራቕ ሓንሳብን ንሓዋሩን ዝቕይር'ዩ ክኸውን" ትብል፡ ሓምስ ንዝማረኾም ክቐትል'የ ብምባል የፈራርሕ። ሰራዊት እስራኤል ፡ "ሓያሎ ጥርጡራት ዕጡቓት ቀቲለ" ክብል ከሎ ሓማስ ድማ ኣብ ጋዛ ሲቪላዊ ኣባይቲ እንተ ዓንዩ ፡ ነቶም ኣብ ትሕቲ ቁጽጽሩ ዘለዉ እስራኤላውያን ከምዝቐትል ኣፈራሪሑ ።

ናይ ሰኑይ 09 ጥቅምቲ 2023 ዝተቐረቡ ናይ ሓደ ሰዓት ትሕዝቶ፡ ኣውስትራልያዊያን ኣብ 14 ጥቅምቲ 2023 ብዛዕባ ድምጺ ደቀባት ኣብ ፓርላማ ድምጾም ክህቡ ኣብ ረፈረንደም ክሳተፉ እዮም። ነዚ ብዝምልከት ኣባላት ማሕበረሰብ ርእይቶኦም ሂቦም ልኡኽና ዝሰደደልና ኣርእስታት ጸብጻብ፥ ፕረዚደንት ሶማልያ - ሓሰን ሼኽ ማሕሙድ፡ ኣስመራ ኣትዩ። ባይቶታት ፌደሬሽንን ወከልቲ ህዝቢን ኢትዮጵያ ሎሚ ሰኑይ ከም ዝእከብ ተገሊጹ። ኣብ ትግራይ ን9-ሺሕ ተማሃሮ ናይ 12 ክፍሊ ሃገራዊ መልቀቒ ፈተና ከም ዝወሃብ ተሓቢሩ። ኣብ ክልል ኣምሓራ ብሰንኪ ግጭት 1,216 ኢንዳስትሪታት ስራሕ ደው ምባሎም ተሰሚዑ። ኤርትራውያን ነበርቲ እስራኤል ነቲ ኣብታ ሃገር ተወሊዑ ንዘሎ ኲናት ስዒቡ ይተሓጋገዙ ከም ዘለዉ ገሊጾም። ሰሙናዊ መደብ ስፖርት ናይ ኢብራሂም ዓሊ ኣርእስታት ዜና፥ ** ሓይልታት ምክልኻል እስራኤል ብኣማኢት ዝቑጸሩ ፍልስጤማውያን ዕጡቓት ከምዝተቐተሉን ሓያሎ እሱራት ከምዝተወስዱን ገሊጾም ። ** ኣብ ውሽጢ ሓደ ሰሙን ዘይመልእ ግዜ ኣብ ኣውስትራሊያ ረፈረንደም ክግበር ኣብ ዝቀራረበሉ ፡ኣብ ኣደላይድ ንድምጺ ደቀባት ናብ ፓርላማ ንምድጋፍ ሰላማዊ ሰልፊ ተገይሩ ። ** ኣብ ክልል ኣምሓራ ብሰንኪ ግጭት 1,216 ኢንዳስትሪታት ስራሕ ደው ምባሎም ተሰሚዑ።

ሰሙናዊ መደብ ስፖርት (09/10/2023) * ሲፋን ሓሰን ሰንበት ኣብ ማራቶን ቺካጎ ካልኣይ ዝቐልጠፈ ግዜ ብምምዝጋብ ተዓዊታ፣ * ኤርትራውያንን ኢትዮጵያውያንን ተቐዳደምቲ ኣብ ቅድድማት ብሽግለታ ፈረንሳን ኢጣልያን ይሳተፉ፣ * ኣብ ፕሪምየር ሊግ ዓዲ እንግሊዝ ቶተንሃም ብ10 ተጻወቲ ግጥማ ስዒራ መሪሕነት ፕሪምየርሊግ ክትሕዝ እንከላ ኣርሰናል ካብ 2015 ንደሓር ንፈለማ ግዜ ንማንቸስተር ሲቲ ብምስዓር ኣብ ካልኣይ ትስራዕ፣ * ዋንጫ ዓለም ኩዕሶ እግሪ ፊፋ 2030 ንፈለማ ግዜ ኣብ ሰለስተ ኣህጉራት ዝተዘርግሓ ሽዱሽተ ሃገራት ክካየድ ምዃኑ ፊፋ ኣፍሊጡ፣ * ኮኾብ ተጻዋታይ ኩዕሶ እግሪ ፈረንሳዊ ፓውል ፖግባ ካልኣይ ቅምሶ መርመራኡ ህላወ ክልኩላት ንጥረነገራት ኣብ ሰብነቱ ድሕሪ ምምልካቱ ካብ ክልተ ክሳብ ኣርባዕተ ዓመታት ካብ ጸወታ ክእገድ ከምዝኽእል ተፈሊጡ፣

ልኡኽና ዝሰደደልና ኣርእስታት ጸብጻብ፥ ፕረዚደንት ሶማልያ - ሓሰን ሼኽ ማሕሙድ፡ ኣስመራ ኣትዩ። ባይቶታት ፌደሬሽንን ወከልቲ ህዝቢን ኢትዮጵያ ሎሚ ሰኑይ ከም ዝእከብ ተገሊጹ። ኣብ ትግራይ ን9-ሺሕ ተማሃሮ ናይ 12 ክፍሊ ሃገራዊ መልቀቒ ፈተና ከም ዝወሃብ ተሓቢሩ። ኣብ ክልል ኣምሓራ ብሰንኪ ግጭት 1,216 ኢንዳስትሪታት ስራሕ ደው ምባሎም ተሰሚዑ። ኤርትራውያን ነበርቲ እስራኤል ነቲ ኣብታ ሃገር ተወሊዑ ንዘሎ ኲናት ስዒቡ ይተሓጋገዙ ከም ዘለዉ ገሊጾም።

ኣብ ዝተፈላለዩ ሃገራት ዝነብሩ ኤርትራዊያን ኣብዚ ቅሩብ እዋን "ብርጌድ ንሓመዱ" ብዝብል ሓድሽ ኣወዳድባ ኣንጻር እቲ ብመንግስቲ ኤርትራ ዝድገፍ ፌስቲቫል ኤርትራውያን ጎነጽ ዝተሓወሶ ተቓዉሞታት ክገብሩ ተራእዮም። ነበርቲ ኣውስትራሊያ ዝኾኑ ነዚ ኣገባብ ተቓዉሞ ዝድግፉን ዝቃወሙን፡ ንምንታይ ክድገፍ ኣለዎ ዝብሉ በቲ ሓደ ወገን እዚ ኣገባብ እዚ ድጉፍ ኣይኮነን ዝብሉ በቲ ሓደ ወገን ካብ ሲድኒ ሃቱ፡ ካብ መልበርን ሃይለየሱስን መሓመድ ኢማምን ካብ ብርስቤን ዳዊት ዝሃብዎ ርእይቶ ካልኣይ ክፋል።

Learn how to talk about easy and difficult decisions. Plus, hear migrants discuss their decisions to move to Australia. - ትምህርቲ ብዛዕባ ከቢድን ቀሊልን ውሳኔታት። ብተወሳኺ ስደተኛታት ናብ ኣውስትራሊያ ንኽኣትዉ ዝገበርዎ ዉሳነ ክዘራረቡ'ከለዉ ንስማዕ።

ኣብዚ ቅንያት ናብ ኣውስትራሊያ ምብጻሕ ዝገበሩ ዋና ጸሓፊ ናይ ኤርትራ ኦርቶዶክስ ተዋህዶ ቤተ ክርስትያን ሃገረ ስብከት ሰሜን ኣመሪካ ቀሺ ገብረ ሚካኤል ዮሃንስ ብዛዕባ ህሉው ኩነታት ቤተ ክርስትያን ዝምልከት ዝገበርናዮ ቃለ መሕትት።

ሓሙስ 5 ጥቅምቲ 2023 ንሓደ ሰዓት ዝጸንሕ መደብና፥ ሎሚ ናይ ፈለማ ብቐጥታ ዝመሓላለፍ መደብና ካብ ሰዓት 11 ንግሆ ዝጅምረሉ እዩ፡ እዚ መደብ ሰዓት 6 ናይ ሚሸትውን ክድገም እዩ። ስለዚ ወትሩ ሰኑይን ሓሙስን ብቐጥታ ካብ ሰዓት 11 ናይ ንግሆ ጀሚሩ ንሓደ ሰዓት መደብና ክመሓላለፍ እዩ፡ እቶም ኣብዚ ሰዓት ስለ ዘይጠዓመኩም ኣብቲ ሰዓት 6 ዝድገም መደብና ክትከታተልዎ ትኽእሉ ኢኹም ኣብዚ ኣብ ኣውስትራሊያ ዝነብሩ ኣባላት ማሕበረሰብ ብዛዕባ ኣብ ዝተፈላለዩ ሃገራት ብዛዕባ ዝካየድ ዘሎ ጎነጽ ዝተሓወሶ ኣንጻር ተቓዉሞታት ዝምልከት ኣዘራሪብና ኣለና ኣብ ናይ ቃለ መሕትት መደብና ከነቕርቦ ኢና።። ልኡኽና ዝሰደዶ ጸብጻብ እዞም ዝስዕቡ ኣርእስታት ኣለዎ፡ ሓድሽ ኣምባሳደር ኣመሪካ ኣብ ኢትዮጵያ ስርሑ ጀሚሩ። ኣብ ኢትዮጵያ ሓድሽ ውፅኢት ምርመራ ከምዝረኽበ ኮሚሽን ሰብኣዊ መሰላት ሕቡራት ሃገራት ኣቃሊዑ። ኢትዮጵያ፣ ኣብ ቀይሕ ባሕሪ ኣፍደግ ክትውንን ናይ ህላዌኣ ሕቶ’ዩ ክብል ኣምባሳደራ ናይታ ሃገር ኣብ ቤልጁምን ትካላት ሕብረት ኤውሮጳን ምዝራቡ ተሰሚዑ። ኣብ ኢትዮጵያ ኣባላት ሓንቲ ስድራ ዝኾኑ ኣደን ውላድን ዝተቐትሉሉ መጥቃዕቲ ተፈጺሙ። ካብ ጥቅምቲ 3 ክሳብ 5 /2016 ዓ.ም ዝትግበር መምርሒ ብሄራዊ መዓልቲ ሓዘንን ክብርን ስውኣት ትግራይ ዕላዊ ኾይኑ። ኣብ መደብ ምንባር ኣብ ኣውስትራሊያ፥ ኣብ ስነ ህይወት ዘርኢ/ዓሌት ህይወታውያን ኣብ ምልላይን ምምዝጋብን (ባዮብልዝ) ምስታፍ ዝህቦ ጥቕሚ ። ።ብዝብል ኣርእስትን ካልእ ትሕዝቶታትውን ቀሪብና ኣለና ቀንዲ ነጥቢታት ዜና፡ ** ሃገራዊ ሰሙን ኣፍልጦ ኣካሎም ዝተቖርጸ ካብ [4-11 ጥቅምቲ] ክካየድ እዩ፡ ** መራሕቲ ቤተ ክርስትያን ካቶሊክ ብዛዕባ ፡ ኽህነት ብዘይ መርዓ፡ ምብራኽ ሕደ ጾታ ዘለዎም ሰብ ሓዳርን ክህነት ደቂ ኣንስትዮን ዝምልከትን ካልእን ንምዝታይ ኣብ ቫቲካን ተኣኪቦም ። ** ኣብ ኢትዮጵያ ሓድሽ ውፅኢት ምርመራ ከምዝረኽበ ኮሚሽን ሰብኣዊ መሰላት ሕቡራት ሃገራት ኣቃሊዑ።