SBS Tigrinya - ኤስ.ቢ.ኤስ ትግርኛ

ልኡኽና ዝሰደዶ ጸብጻብ እዞም ዝስዕቡ ኣርእስታት ኣለዎ፡ ሓድሽ ኣምባሳደር ኣመሪካ ኣብ ኢትዮጵያ ስርሑ ጀሚሩ። ኣብ ኢትዮጵያ ሓድሽ ውፅኢት ምርመራ ከምዝረኽበ ኮሚሽን ሰብኣዊ መሰላት ሕቡራት ሃገራት ኣቃሊዑ። ኢትዮጵያ፣ ኣብ ቀይሕ ባሕሪ ኣፍደግ ክትውንን ናይ ህላዌኣ ሕቶ’ዩ ክብል ኣምባሳደራ ናይታ ሃገር ኣብ ቤልጁምን ትካላት ሕብረት ኤውሮጳን ምዝራቡ ተሰሚዑ። ኣብ ኢትዮጵያ ኣባላት ሓንቲ ስድራ ዝኾኑ ኣደን ውላድን ዝተቐትሉሉ መጥቃዕቲ ተፈጺሙ። ካብ ጥቅምቲ 3 ክሳብ 5 /2016 ዓ.ም ዝትግበር መምርሒ ብሄራዊ መዓልቲ ሓዘንን ክብርን ስውኣት ትግራይ ዕላዊ ኾይኑ።

ስደተኛታት ብጃላቡ ብብዝሒ ኣብ ዝ ኣትውሉ ዘለዉ መራሕቲ ኤውሮጳ ፡ ስደተኛታትን ሓተትቲ ዑቕባን ንምግታእ ሓድሽ ውጥን ከም ዝወጸ ክገልጹ ተዳልዮም ኣለዉ ። ጥልያንን ካልኦት ኣብ ቅድሚት ዝስርዓ ሃገራትን ፡ ካልኦት ሃገራት ነቶም ንውሽጣዊ ዶባት ኅብረት ኤውሮጳ ዝሰግሩ ስደተኛታት ንምዕጋት ኣብ ዝገብራኦ ዘለዋ ስጉምትታት ፡ ብዙሕ ጾር ይስከማ ከም ዘለዋ ይኣምና ። ብዙሓት ስደተኛታት ናብታ ኣብ ዶብ ኢጣልያ እትርከብ ከተማ ቨንቲሚሊያ እዮም ዝኸዱ ፡ ፈረንሳ ናይዚ ጉዕዞ ናይ መወዳእታ መዕረፊት እያ ። እንተኾነ ሰበስልጣን ፈረንሳ ነቶም ስደተኛታት ናብ ኢጣልያ ንምምላስ የፈራርህዎምን ይደፍእዎምን ኣለዉ ፡ እዚ ስጉምቲ ነቶም ኣብቲ ከባቢ ዝነብሩ ሰባት የጨንቕ ኣሎ ።

መንግስቲ ኣውስትራሊያ ኣካላዊ ወይ ኣእምሮኣዊ ጸገም ንዘለዎም ሰባት ንምሕጋዝ ሓደ ማዕከን ገንዘብ NDIS ፈጢሩ ብዙሓት ሰባት ኣብዚ ስራሕ ንዝዋፈሩ ናይ ስራሕ ዕድል ፈጢሩ ይርከብ። ምስዚ ስራሕ ተተሓሒዙ ዝለዓል ጉዳያት ከብርሃልና ኣብ ፋይናንሲያዊ መዳይ እቲ ስራሕ ተዋፊሩ ነቶም ወሃብቲ ኣገልግሎት ክኢላዊ ምኽሪ ዝህብ ናይ ፋይናንስ ኪኢላ ኣማን መብራህቱ ብዛዕባኡ ገሊጹልና ኣሎ ።

ንሎሚ 4 ጥቅምቲ 2023 ዝተዳለወ ሓጸርቲ ዜናታት ኤስ ቢ ኤስ ትግርኛ ኣርእስታት ዜና፥ ኣብ ገማግም ባሕሪ ደሴት ላምፐዱሳ 368 ኤርትራውያን ስደተኛታት ብሓደጋ ጃልባ ዝሞቱሉ መበል 10 ዓመት ብሓዘን ይዝከር ኣሎ። ኣብ ደቡባዊ ገማግም ኒው ሳውዝ ዌልስ ሓያሎ ኣባይቲ ብሰንኪ ባርዕ ከም ዝነደደ ጸብጻባት ይውጽኡ ኣለዉ ። ኣብ ካርቱም ንዝርከብ ኤምባሲ ኢትዮጵያ መጥቃዕቲ ወሪድዎ።

ኣብ ኣውስትራልያ ፡ ሰፊሕ ምድረ በዳታትን ትሮፒካዊ ጫካታትን ውርጪ ዝበዝሖ ጫካን ናይ ዝናብ ጫካን ዝርከብዎም እተፈላለዩ ዓይነት ስርዓተ ህይወታዊ ብዝሑነት ኢኮሲስተም ይርከቡ ። እዚ ብዙሕ ዝዓይነቱ ህይወታዊ ፡ እተፈላለዩ ኣትክልትን እንስሳታትን ደቀቕቲ ተህዋ ስያንን ዝሓቘፈ እዩ ። ኣብ ሓደ ዞባ ብዛዕባ ዘለዉ እተፈልዩ ዓሌት ህይወት ብምምርማር ፡ ብዛዕባ ኣከባቢና ዝሓሸ ምርዳእ ክህልወና ይኽእል እዩ ፣ ብኸመይ ብዝበለጸ ኽንከናኸኖ ከም እንኽእል እውን ክንርኢ ንኽእል ኢና ። ብተወሳኺ ፡ እዚ ንጥፈት እዚ ፡ ሓደስቲ ናይ ኣትክልቲ ወይ እንስሳታት ዓሌት ንኺርከቡ ኣጋጣሚ ይኸፍት እዩ ። ነፍሲ ወከፍ ሰብ ኣብ ከባቢኡ ንዝርከቡ ናይ ህይወት ዓሌት ወይ ዘርኢ ኣብ ምልላይን ምምዝጋብን ዝግበር ሱታፌ ዜጋታት ኣብ ስነ ህይወት ወይ ኣብ ሳይንስ ባዮብልዝ ይበሃል ።

ኣብ ዝተፈላለዩ ሃገራት ዝነብሩ ኤርትራዊያን ኣብዚ ቅሩብ እዋን "ብርጌድ ንሓመዱ" ብዝብል ሓድሽ ኣወዳድባ ኣንጻር እቲ ብመንግስቲ ኤርትራ ዝድገፍ ፌስቲቫል ኤርትራውያን ጎነጽ ዝተሓወሶ ተቓዉሞታት ክገብሩ ተራእዮም። ነበርቲ ኣውስትራሊያ ዝኾኑ ነዚ ኣገባብ ተቓዉሞ ዝድግፉን ዝቃወሙን፡ ንምንታይ ክድገፍ ኣለዎ ዝብሉ በቲ ሓደ ወገን እዚ ኣገባብ እዚ ድጉፍ ኣይኮነን ዝብሉ በቲ ሓደ ወገን ካብ ሲድኒ ሃቱ፡ ካብ መልበርን ሃይለየሱስን መሓመድ ኢማምን ካብ ብርስቤን ዳዊት ርእይቶኦም ሂቦም ኣለዉ። ካልኣይ ክፋል ኣብዝቕጽል።

ኣውስትራልያዊያን ኣብ 14 ጥቅምቲ 2023 ብዛዕባ ድምጺ ደቀባት ኣብ ፓርላማ ድምጾም ክህቡ እዮም። ነዚ ብዝምልከት ኣባላት ማሕበረሰብ ርእይቶኦም ሂቦም ኣለዉ።

ዕለት 14 ጥቅምቲ 2023 ኣውስትራሊያዊያን ድምጾም ክህቡ ክውዕሉ እዮም። ድምጺ ደቀባት ኣብ ፓርላማ ንኽህሉ ናይ ቅዋም ልወጢ ክግበር ንዝብል እወ ወይ ኣይፋል ብምባል ድምጾም ክህቡ እዮም። ነዚ ዝምልከት ተወሳኺ መብርሂ ዶ/ር ዓብደራሒም ጅምዕ መብርሂ ሂቡና ኣሎ፣

ሰሙናዊ መደብ ስፖርት (02/10/2023) * ኢትዮጵያዊት ዲሪበ ወልተጂ ኣብ ውድድር ጉያ እግሪ ርሕቀት ሓደ ማይል ክብረወሰን ብዝኾነ ግዜ ተዓዊታ፣ * ቢንያም ግርማይ ኣብ ሓደ ክላሲክ ቅድድም ብሽግለታ ዝድነቕ 8ይ ወጺኡ፣ * ኣልኣህሊ ኣብ ካልኣይ እግሪ መባእታዊ መጻረዪ ግጥማት ኩዕሶ እግሪ ንካፍ ሻምፒዮንስ ሊግ ንቅዱስ ጊዮርጊስ 4-0 ስዒራታ፣ ብውህሉል 7-0 ብምዕዋት ከኣ ናብ ዝቕጽል ዙር ሓሊፋ፣ * ዋንጫ ሃገራት ኣፍሪቃ/ኣፍኮን 2027 ኬንያ፣ ታንዛንያን ኡጋንዳን ብሓባር ከአንግድኦ ምዃነን ተፈሊጡ፣ * ኣብ ግጥማት ኩዕሶ እግሪ ፕሪምየር ሊግ ዓዲ እንግሊዝ ሊቨርፑል ናይ ቪድዮ ተሓጋጋዚ ዳኛ ብዝፈጸሞ ጌጋ ብቶተንሃም ድሕሪ ምስዓራ ናይ’ዚ ሰሙን ዝዓበየ መዘራረቢ ዛዕባ ኮይኑ፣

ሓንቲ ናይ ሓለዋ ገማግም ባሕሪ ሊብያ ጃልባ ምስ ሓንቲ ከባቢ 50 ስደተኛታት ጽዒና ዝነበረት ንእሽቶ ጃልባ ተጋጭያ፡ ነታ ናይ ጎማ ጃልባ ከም እትጥሕል ብምግባር ነቶም ኣብ ዉሽጣ ዝነበሩ ሰባት ኣብ ባሕሪ ሜዲተራንያን ጥሒሎም ኣብ ሓደጋ ወዲቖም ። እዚ ፍጻመ እዚ ኣብ ዝሃለወሉ ፡ ሕብረት ኤውሮጳ፡ ኤውሮጳ ሓድሽ ናይ ፍልሰትን ዑቕባን ስምምዕ ክግበርን፣ ካብ ሰሜን ኣፍሪቃ ንዚፍኖ ጕዕዞ ስደተኛታት ንምዕጋትን ጸቕጢ ይበዝሖ ኣሎ ።