SBS Tigrinya - ኤስ.ቢ.ኤስ ትግርኛ

ድሒሩ ኣብ’ዚ ዓመት፣ ኣውስትራልያውያን ነዚ ዝስዕብ ሕቶ 'እወ' ወይ 'ኣይፋል' ኢሎም መልሲ ክህብሉ ዝሕተትሉ ሓደ ድምጺ ህዝቢ ወይ ረፈረንደም ክሳተፉ’ዮም። ‘ሓደ ድምጺ ደቀባትን ህዝቢ ደሴታት መጻብቦ ቶረስን ብምቛም ንቀዳሞት ህዝብታት ኣውስትራልያ ኣፍልጦ ንምሃብ ኣብ ቅዋም ሓደ ለውጢ ክግበር ትድግፉ ዲኹም፧’ እንተኾነ ግን እቲ ‘ድምጺ’ ወይ ‘ዘ ቮይስ’ ዝበሃል ብልክዕ እንታይ’ዩ፧ እንታይ’ዮም’ከ እቶም ንዕኡ ዝድግፉን ዝቃወሙን ክትዓት፧

ኣውስትራሊያ ሓንቲ ካብተን ካብ ወጻኢ ሃገራት መጺኦም ዝመሃሩላ ፍልጥቲ ሃገር እያ: እንተዀነ ግን ኣብዚ እዋን እዚ ክራይ መንበሪ ንምርካብ ዓቢ ብድሆ የጋጥም ኣሎ ። ኣብዚ ናይዚ ሰሙን ምንባር ኣብ ኣውስትራሊያ ብዛዕባ ድሌት ተማሃሮ ዘማልእ ብፍላይ ብዛዕባ ዝተፈላለዩ ዓይነታት መንበሪ ክንድህስስ ኢና ።

ንሎሚ 12 ሓምለ 2023 ዝተዳለወ ዜና ኤስ ቢ ኤስ፡ ኣርእስታት ዜና፡ ናብ ሆስፒታል ካብ ዝኣትዉ ቘልዑ ብ ኢንፍሉዌንዛ ዝሓሙ 30 ካብ ሚእቲ ከም ዝወሰኸ ናይ ጥዕና ሰበስልጣን የጠንቅቑ ። መንግስቲ ሱዳን ኣብቲ ብናይ በዓል ስልጣን ምብራቕ አፍሪቃ በይነ መንግሥታት (ኢጋድ) ኣኼባ ዘይተሳተፈ ኬንያ ንተቓዋሚኡ ሓይሊ ፈጣን ረዲኤት ትድግፍ እያ ብዝብል ምኽንያት ምዃኑ ተፈሊጡ። ናይ መወዳእታ ግጥም State of Origin ፡ ሎሚ ለይቲ (ረቡዕ 12 ሓምለ) ድሕሪ ሰዓት 8 ቅ / ቀ (8: 05ምፕ) ፡ ኣብ ስታድዩም ሲድኒ ኽግበር እዩ ።

ገጣሚት ይርጋኣለም ፍስሃ ናይቲ ካብ 2001 ጀሚሩ ኣብ ነፍሲ ወከፍ ክልተ ዓመት ኣብ ሙኒክ (ጀርመን) ዝወሃብ ሽልማት ጆርጅ ኤልዘር ናይ 2023 ተሸላሚት ኮይና ኣላ። እዚ ሽልማት ንዝኽሪ’ቲ ኣብ 1939 ዘይተርፍ መሲሉ ዘንጸላሉ ዝነበረ ካልኣይ ኲናት ዓለም “ንምክልኻሉ” ንኣዶልፍ ሂትለር ክቕንጽል ዝፈተነ ዮሃን ጆርጅ ኤልዘር ዝስሙ ጀርመናዊ ንምዝካር ዝዕደል ሽልማት’ዩ። ነዚ ኣመልኪትና ምስ ይርጋኣለም ዝገበርናዮ ጻኒሒት።

ሰሙናዊ መደብ ስፖርት (10/07/2023) * ኢትዮጵያዊት ሰንበረ ተፈሪ ኣብ ኣትላንታ ኣብ ዝተኻየደ ውድድር ጉያ እግሪ መንገዲ መሪሕነት ሒዛ ክትዕወት ቁሩብ ምስ ተረፋ መንገዲ ስለዝተጋገየት ሳልሰይቲ ወጺኣ፣ * ቢንያም ግርማይ ንጋንትኡ መሪሑ ኣብ ዙር ፈረንሳ 2023 ተሳትፎኡ ይቕጽል ኣሎ፣ በብመድረኻቱ ውጽኢቱ እናመሓየሸ ብምኻድ ኣብ ሳልሳይ መድረኽ መበል 11 ክወጽእ እንከሎ ኣብ ሻብዓይ መድረኽ ሳልሳይ ወጺኡ፣ * ን12 ዓመታት ሓላው ልዳት ማንቸስተር ዩናይትድ ዝነበረ ደይቪድ ደሀያ ውዕሉ ኣብቂዑ ካብ’ታ ጋንታ ከምዝተሰናበተ ገሊጹ፣ * ፈረንሳዊ ኮኽብ ተጻዋታይ ኩዕሶ እግሪ ኪልያን ምባፐ ዓደቡኡ ካሜሩን ኣብ ዝበጽሓሉ ዘሎ እዋን ጋንትኡ ፒኤስጂ ምስኣ ክጸንሕ ድዩ ወይ ክኸይድ ዝደሊ ከፍልጣ ናይ ክልተ ሰሙን ዕድል ሂባቶ፣

ናይ ሎሚ ሰኑይ 10 ሓምለ 2023 ምሉእ ትሕዝቶ፡ ሉኡኽና ዝሰደደልና ጸብጻብ፡ ልኡኽ ሰላም ኦርቶዶክስ ተዋህዶ ቤተክርስትያን ኢትዮጵያ ናብ ርእሰ ከተማ ትግራይ መቐለ ኣምሪሑ። ብርክት ዝበላ ደቂ ኣንስትዮ ኣብ ከተማ መቐለ ተመዛበልትን ብሓባር ሰላማዊ ሰልፊ ኣሳሊጠን። ሚኒስተር ውሽጣዊ ጉዳያት ሄሰን፡ ኣብ ፈስቲቫል ኤርትራ ንዝተወልዐ ጎንጺ ምስ ኣምባሳደር ኤርትራ ክዘራረብ ዩ። ብውሑድ 200 ኣፍሪቃውያን ስደተኛታት ዝጸዓነት ጀልባ ተሰዊራ። ሎሚ ፡ ባህላዊን ኣገደስቲ ጽሑፋት ነቕርበሉን ሙዚቃ ነስምዓሉ መዓልቲዩ። በዚ መሰረት ድማ ሎሚ ኣብ መደብ ባህላዊን ኣገደስቲ ዛዕባታትን፡ "ኣገደስቲን ጠቐምትን ምኽርታት" ቀሪብና ኣለና። ሰሙናዊ መደብ ስፖርትን’ውን ኣካል ናይዚ ምሸት ትህዝቶና እዩ። ኣርእስታት ዜና፥ ** ቀዳማይ ሚኒስተር ኣንቶኒ ኣልባነስ ናብ በርሊን ኣትዩ ፣ ኣብኡ ድማ ናይ ሓደ ቢልዮን ዶላር ዝዋግኡ ስምምዕ መከላኸሊ ምስ ጀርመን ውዕል ፈሪሙ ። ** ሚኒስተር ውሽጣዊ ጉዳያት ሄሰን፡ ኣብ ፈስቲቫል ኤርትራ ንዝተወልዐ ጎንጺ ምስ ኣምባሳደር ኤርትራ ክዘራረብ ዩ። **ፍሉጥ ስጳኛዊ ተጻዋታይ ኩዕሶ እግሪ ሉዊስ ስዋረዝ ኣብ መበል 88 ዓመት ዓሪፉ።

ሉኡኽና ዝሰደደልና ጸብጻብ፡ ልኡኽ ሰላም ኦርቶዶክስ ተዋህዶ ቤተክርስትያን ኢትዮጵያ ናብ ርእሰ ከተማ ትግራይ መቐለ ኣምሪሑ። ብርክት ዝበላ ደቂ ኣንስትዮ ኣብ ከተማ መቐለ ተመዛበልትን ብሓባር ሰላማዊ ሰልፊ ኣሳሊጠን። ሚኒስተር ውሽጣዊ ጉዳያት ሄሰን፡ ኣብ ፈስቲቫል ኤርትራ ንዝተወልዐ ጎንጺ ምስ ኣምባሳደር ኤርትራ ክዘራረብ ዩ። ብውሑድ 200 ኣፍሪቃውያን ስደተኛታት ዝጸዓነት ጀልባ ተሰዊራ።

ወርሒ ሓምለ ሓድሽ ፋይናንሲያዊ ዓመት ዝጅምረሉ እዩ። ካብዚ ወርሒ ጀሚሩ ኣታዊታት ክረኽቡ ዝጸንሑ ግብሪ ዘወራርድሉ፡ መነባብሮውን ዝግምገመሉን መንግስቲ ሓደሽቲ ፖሊሲታት ቁጠባ ዘተኣታትወሉን እዩ። ነዚ መሰረት ገይርና ንዶ/ር ስላሕ ጅምዕ ብዛዕባ ኣብ ግብሪ ተገይሩ ዘሎ ለውጥታት፡ ኣብ ደሞዝን ኣብ ወለድን ምስኡ ዝተሓሓዝን ሕቶታት ሓቲትናዮ ዝሃበና መልሲታት ኣብዚ ክትሰምዕዎ ትኽእሉ ኢኹም።

ንሎሚ 9 ሓምለ 2023 ካብ ዝተዳለዉ ዜናታት ኤስ ቢ ኤስ ኣርእስታት ዜና፥ ካብ ገማግም ባሕሪ ሊብያ 46 ስደተኛታት ካብ ምጥሃል ከምዝድሓኑ ተገሊጹ። ኣብ ፈስቲቫል ሙዚቃ ኤርትራ 22 ፖሊስ ጀርመን ቆሲሎም። ዉግእ ኣብ መበል 12 ሰሙን ሒዝሉ ዘሎ እዋን ፡ እቲ ኣብ ዝዓበየ ርእሰ-ከተማ ሱዳን ዝርከብ ሕክምናዊ ስርዓት ናብ ምፍራስ ገጹ ይኸይድ ኣሎ ተባሂሉ።

ናይ ሓሙስ 6 ሓምለ 2023 ዝተቐረቡ ናይ ሓደ ሰዓት ትሕዝቶ፡ ኣብ ኲንስላንድ ከተማ ብርስቤን ዝርከቡ ኣመንቲ ኦርቶዶክስ ተዋህዶ ቤተ ክርስትያን ጳጳስ ኣቡነ ሽኖዳን ብዙሓት ዕዱማት ኣብ ዝተረኽብሉ ዓመታዊ ክብረ በዓል ቅድስት ድንግል ማርያም ኣብዒሎም። ነዚ ዝምልከት ምስ ክልተ ኣገልገልቲ እቲ ቤተ ክርስትያን ዝተገብረ ዝርርብ። ከምኡውን ዕላል ምስ ወ/ሮ ዛህራ ዓብደልርሒም ዝገበርናዮ ካልኣይ ክፋል ዕላል ኣብ ናይ ቃለ መሕትት መደብና ክቐርብ እዩ። ናብ ካልእ ግዝኣታት ኣውስትራሊያ ንምግዓዝ ዘድልዩ ነገራት ዝምልከት ኣብ ሰሙናዊ መደብ ምንባር ኣብ ኣውስትራሊያ ዝቐርብ ትሕዝቶ እዩ። ኣርእስታት ጸብጻብ፥ ፕረዝደንት ግ/ምምሕዳር ትግራይ ጌታቸው ረዳ ምስ ዳይሬክተር ትካል መግቢ ዓለም ኣብ ኢትዮጲያ ከም ዝዘተዩ ተገሊጹ። ጉጅለ ልኡኽ ዓለም ለኸ ፌዴሬሽን ቀይሕ መስቀልን ቀይሕ ወርሕን ኣብ ትግራይ ዑደት የካይድ ኣሎ። ውዳበ መንእሰያት ኤርትራ ኣብ ዓባይ ብሪጣንያ ሳልሳይ ዋዕላ ከም ዘካየደ ተገሊጹ። ኣብ ትግራይ ብሄራዊ ፈተና ነባራት ተምሃሮ 8ይ ክፍሊ ጀሚሩ ። ቀዳማይ ሚኒስትር ኢትዮጵያ ኣብይ ኣሕመድ ኣብ ፓርላማ እታ ሃገር መብርሂ ይህብ ኣሎ። ኣብ ክልል ኣምሓራ ኣብ ክልተ መዓልቲ ሰለስተ ሰብ መዚ ጸጥታ ተቐቲሎም.. ሓደ ቤት ፍርዲ ጀርመን ኣብ ልዕሊ ክልተ ትሕቲ ዕድመ ደቂ ኣንስትዮ መጥቃዕቲ ዝፈጸመ ኤርትራዊ ንሕልፈት ፈሪዱ። ንኹሎም መደባትና ምሳና ጸኒሕኩም ክትከታተሉ እናዓደምኩ ናብ ዜና ከሕልፈኩም፡ ኣርእስታት ዜና፥ ** ብርቱዕ ዋዕን ብርቱዕ ደርቅን ከምዝመጸ መጠንቀቕታታት ኣብዝወሃበሉ ዘሎ ፡ ኣብ ኣውስትራልያ ሓያል ባርዕ ዘጋጥመሉ ወቕቲ ባርዕ ጫካ ከጋጥም እዩ። ** ጓል ሓንቲ ናይ ብዕድመ ዝደፍኡ ኣብ ኣደላይድ ዝነብሩ ዝነበሩ ሰብ ሓዳር ብኽሲ ነቶም ግዳያት ብዕሊ ዓቐን መድሃኒት ሂባ ቐቲላ ተባሂላ ኣብ ቤት ፍርዲ ቀሪባ። **ኣብ ክልል ኣምሓራ ኣብ ክልተ መዓልቲ ሰለስተ ሰብ መዚ ጸጥታ ተቐቲሎም