SBS Tigrinya - ኤስ.ቢ.ኤስ ትግርኛ

ኣርእስታት ጸብጻብ፥ ፕረዝደንት ግ/ምምሕዳር ትግራይ ጌታቸው ረዳ ምስ ዳይሬክተር ትካል መግቢ ዓለም ኣብ ኢትዮጲያ ከም ዝዘተዩ ተገሊጹ። ጉጅለ ልኡኽ ዓለም ለኸ ፌዴሬሽን ቀይሕ መስቀልን ቀይሕ ወርሕን ኣብ ትግራይ ዑደት የካይድ ኣሎ። ውዳበ መንእሰያት ኤርትራ ኣብ ዓባይ ብሪጣንያ ሳልሳይ ዋዕላ ከም ዘካየደ ተገሊጹ። ኣብ ትግራይ ብሄራዊ ፈተና ነባራት ተምሃሮ 8ይ ክፍሊ ጀሚሩ ። ቀዳማይ ሚኒስትር ኢትዮጵያ ኣብይ ኣሕመድ ኣብ ፓርላማ እታ ሃገር መብርሂ ይህብ ኣሎ። ኣብ ክልል ኣምሓራ ኣብ ክልተ መዓልቲ ሰለስተ ሰብ መዚ ጸጥታ ተቐቲሎም ሓደ ቤት ፍርዲ ጀርመን ኣብ ልዕሊ ክልተ ትሕቲ ዕድመ ደቂ ኣንስትዮ መጥቃዕቲ ዝፈጸመ ኤርትራዊ ንሕልፈት ፈሪዱ።

ኣብ ኲንስላንድ ከተማ ብርስቤን ዝርከቡ ኣመንቲ ኦርቶዶክስ ተዋህዶ ቤተ ክርስትያን ጳጳስ ኣቡነ ሽኖዳን ብዙሓት ዕዱማት ኣብ ዝተረኽብሉ ዓመታዊ ክብረ በዓል ቅድስት ድንግል ማርያም ኣብዒሎም። ነዚ ዝምልከት ምስ ክልተ ኣገልገልቲ እቲ ቤተ ክርስትያን ዝተገብረ ዝርርብ።

ናይ ሎሚ 5 ሓምለ 2023 ዘዳለናዮ ዜና ኤስ ቢ ኤስ ኣርእስታት ዜና፡ ፕረዚደንት ኢንዶነዥያ ጆኮ ዊዶዶ ፡ ናብ ኣውስትራልያ ናይ ሰለስተ መዓልቲ ምብጻሕ ድሕሪ ምግባሩ ፡ ናብ ሃገሩ ተመሊሱ ። ኣብ ትግራይ፤ ህዝቢ ብጥምየት ይመውት ኣሎ። ንሱዳን ዘዳዉባ ሃገራት ነቶም ካብ ኲናት ሃዲሞም ዝወጹ ዘለዉ ዶባተን ክኸፍታሎም ተሓቲተን

በብዓመቱ ብኣማኢት ኣሽሓት ዝቑጸሩ ኣውስትራሊያዊያን ስራሕ ፡ ትምህርቲ ፡ መነባብሮ ንምምሕያሽ ፡ ንስድራቤት ፡ ወይ ንዝሓሸ ናይ ማሕበረሰብ ደገፍ ንምርካብ ናብ ካልእ ግዝ ኣት ይግዕዙ ። ሕግታት ፣ ደንብታትን ወሃብቲ ኣገልግሎት ትካላትን ኣብ ዝተፈላለዩ ግዝኣታት ክፈላለዩ ስለ ዝኽእሉ ፣ ንምግዓዝ መድብ ኣብ ትገብርሉ ዝርዝር ሓበሬታ ኣዳሊኹም ምንጽጻር ንምግዓዝኩም ክሕግዘኩም ይኽእል እዩ ።

ኣርእስታት ዜና፥ ** ብ ዘቤታዊ ዓመጽ ግዜያዊ ቪዛ ዝሓዙ ሰባት ምስ ናይ ኣውስትራሊያ ዜጋታት ተመሳሳሊ ደረጃ ደገፍ ን መጀመርያ ካብ ፈደራል መንግስቲ ይረኽቡ ። * ሎሚ ንግሆ ፡ ኣብ ዘቤታዊ መዓርፎ ነፈርቲ ሲድኒ ፡ ዓሰርተ ዝኸውን በረራ ከም እተሰረዘ ፡ ገለ ገያሾ ድማ ኣብቲ መዓርፎ ነፈርቲ ክሳዕ ዝበጽሑ ከም ዘይተነግሮም ገሊጾም ። ** ኤርትራ፡ ኣብ ዩኔስኮ ኣንጻር ኣመሪካ ከም ዘድመፀት ተሓቢሩ።

ሰሙናዊ መደብ ስፖርት (03/07/2023) * በሪሁ ኣረጋዊ ኣብ 5000 ሜ ሓምሻይ ዝቐልጠፈ ግዜ ኣብ ታሪኽ'ቲ ውድድር ብምምዝጋብ ተዓዊቱ፣ * ቢንያም ግርማይ ንጋንትኡ ኢንተርማርሸ-ዎንቲ-ሰርከስ ብምምራሕ ንፈለማ ግዜኡ ኣብ ዙር ፈረንሳ 2023 ይሳተፍ ኣሎ፣ * ነዚ ምኽንያት ብምግባር መደበር ዜና ቢቢሲ ሰፊሕ መደብ ብዛዕባ ቢንያም ኣዳልያ፣ ንቅድድም ብሽግለታ ናብ ነብሲወከፍ ሃገር ኣብ ኣፍሪቃ ከምጽእ ይኽእል'ዩ ክብል ኣሰልጣኒኡ ነበር ጂያን-ጃክ ሄንሪ ገሊጹ፣ * ህዝባዊ ቁጥዐን ናዕብታትን ዘኸተለ ቅትለት ሓደ መንእሰይ ኣብ ከተማ ፓሪስ ህቡባት ከዋኽብቲ ኩዕሶ እግሪ ፈረንሳ ግብረመልሲ ይህብሉ፣

ኣርእስታት ጸብጻብ፦ ኣሜሪካ፡ ኣብ ኢትዮጵያ ኣንቢራቶ ዝነበረት ገለ እገዳታት ምልዓላ ተሪር ተቓውሞ ገጢሙዋ። ብሄራዊ ኮንግረስ ኤርትራ ዓፋር ኣብ ኤርትራ ፌደራላዊ ስርዓት ንምትካል ዝመክር ዋዕላ ከም ዝኸፈተ ተገሊጹ። ግዝያዊ ምምሕዳር ትግራይን ሚንስትሪ ትምህርቲ ኢትዮጵያን ተሰሓሒቦም። ኤርትራ፡ ኣብ ዩኔስኮ ኣንጻር ኣመሪካ ከም ዘድመፀት ተሓቢሩ።

ዳይረክተር ሲ-ኣይ-ኣይ-ኣይ ዊልያም በርነስ ፡ እቲ ሩስያ ኣብ ዩክረይን እተካይዶ ዘላ ውግእ ፡ ስትራተጂያዊ ፍሽለት ብምዃኑ ፡ ንወታሃደራዊ ድኽመት ዘቃልዕ ፡ ንቁጠባ እውን ኣዕንዩ ከም ዘሎ ገሊጹ። እዚ ዝመጽእ ዘሎ፡ ፕረዚደንት ኣህጉራዊ ጕዳያት ሩስያ ኢጎር ኢቫኖቭ ፡ እቲ ውግእ ኣብ ወሳኒ ደረጃ ከም ዝበጽሐ ኣጠንቂቕሉ ኣብ ዘሎን ፡ ፕረዚደንት ዩክረይን ድማ ሩስያ ነቲ ኣብ ዛፖሪዝዥያ ዝርከብ ኣብ ኤውሮጳ ዝዓበየ ኑክሌራዊ ጸዓት ዝርከቦ ንምጥቃዕ ድልውቲ ከም ዘላ ኣጠንቂቑ ።

ዶ/ር ትምኒት ገብሩ ናይ ኮምፒዩተር ሳይንቲስት እያ። ንሳ ካብ Stanford University ብሞያ ኤለክትሪካል ኢንጂኔርሪንግ ናይ PhD ዲግሪ ዝሓዘት ፍልጥቲ ሳይንቲስት እያ። ትምኒት ብዘይካ እቲ ኣብ ናይ ኣርተፊሻላዊ ብልሒ ወይ ኢንተሊጀንሲ፡ ኣብ ተክኖሎጂ ብዙሕነት ወይ ናይ ደቂ ኣንስትዮን ጸለምቲን ኪኢላታት ኣብቲ ሞያ ተሳትፎ ክህሉ ትጣበቕ፡ በዚ መሰረት ካብ መስረቲ Black in AI ኮይና, ካብ 2013 ኣትሒዛ ኣብዝተፈላለዩ ዓበይቲ ናይ ተክ ኩባኒያታት ከም ኣፕል፡ ማይክሮሶፍትን ካልእን ክትሰርሕ ድሕሪ ምጽናሕ ካብ 2018 ኣትሒዛ ምስ Dr. Margaret Mitchell ኣርተፊሻላዊ ብልሒ ኣብ ማሕበራዊ ህይወት ብዛዕባ ከምጽኦ ዝኽእል ጽቡቕ ነገር ማለት ስነ ምግባራዊ ስራሕ እዚ ተክኖሎጂ ዝምርምር ጉጅለ ክትመርሕ ድሕሪ ምጽናሕ፡ ሓለፍቲ ጉጉል ን ዶ/ር ትምኒት ሃንደበት ዝጀመረቶ ምርምር ከይወደኣት ካብ ስራሕ ክትወጽእ ጌሮማ። ኣብቶም ዓበይቲ መጺሀታት ዓለምና ስማ ካብቶም ቀዳሞት ተረቋሕቲ ኮይና እያ ብ Fortune ካብቶም 50 ዝበለጹ መራሕቲ ተባሂላ፡ ኣብ 2021 ትምኒት ገብሩ ካብቶም 10 ዝለዓሉ ንሳይንስ ቅርጺ ዘትሓዙ ተባሂላ ብ Nature ተሰይማ፡ ኣብ 2022 ድማ ካብቶም ዝለዓሉ ጸለውቲ ሰባት ዓለምና ናይ መጽሄት Time ኮይና። ብዛዕባ ዶ/ር ምኒት ብዛዕባ ሞያኣን ትሰርሖም ስራሓትን ብትግርኛ ኣዕሊላትና ኣላ ኣብዚ ስምዕዎ።

ንሎሚ ሰንበት 2 ሓምለ 2023 ዝተዳለወ ዜና ኤስ ቢ ኤስ ኣርእስታት ዜና፡ ፈረንሳ ፡ ሓደ መንእሰይ ብፖሊስ ተተኲስሉ ድሕሪ ምማቱ ዝተላዕለ ናዕቢ ንምግታእ ፡ ንኻልኣይ ለይቲ ሰራዊት ጸጥታ ኣዋፊራ ። ብዓሰርተታት ኣሽሓት ዝቝጸሩ እስራኤላውያን ፡ ነቲ ንስልጣን ላዕለዋይ ቤት ፍርዲ ዚድርት ኣዋጅ ብምቅዋም ፡ ንመበል 26 ተኸታታሊ ሰሙን ተቓውሞኦም ንምግላጽ ናብ ጐደናታት ወጺኦም። ሎሚ ኣብ መላእ ኣውስትራሊያ ዝርከቡ ማሕበረሰባት ነቲ ቀዳሞት ሰባት ዝዓመምዎ ዕማም ዝዝክሩሉ ቅነ ናይዶክ ዝጅምረሉ እዩ ።