SBS Tigrinya - ኤስ.ቢ.ኤስ ትግርኛ

መራሕቲ ሰራዊትን ሓደ ጕጅለ ኮማንዶን ነዚ ዕልዋ መንግስቲ እዚ ንምቁጽጻር ብሓባር ይሰርሑ ኣለዉ: ሕጂ ግን እታ ሃገር ናብ ደሞክራሲ ኣብ እትሰጋገረሉ ዘላ እዋን: እዚ ኩነታት ቀንዲ ዕንቅፋት ክኸውን እዩ ። ክልቲኦም ወገናት ፡ ኣብ ርእሲ ከተማ ሱዳን ከቢድ ውግእ ከም ዘኻየደ ነንሕድሕዶም ይወቓቐሱ ።

ሎሚ ብ ኣመንቲ ክርስትና በዓል ትንሳኤ ይኽበር ኣሎ። ነዚ ምኽንያት ብምግባር ንኣመጻጽኣን ኣከባብራን እቲ በዓል ፓስቶር ብርሃነ መርሶ ካብ ወንጌላዊት ቤተ ክርስትያን ስላሴ ብርስቤን መብርሂ ሂቦሙና ኣለዉ።

ንኹሎም ኣመንቲ ክርስትና እንቋዕ ንብርሃነ ትንሳኤ ኣብጽሓኩም እናበልና ብምኽንያት ሕማማትን ትንሳኤን ምስ ድያቆን ሃብቶምን ዲያቆን ሰልጠነን ካብ ኦርቶዶክሳዊት ቤተ ክርስትያን ቅድስቲ ማርያም ብርስቤን ዝገበርናዮ ጻንሒት።

ብሚኒስተር ጥዕና ፌደራል ዶ/ር ሊያ ታደሰ ዝተመርሐ ልኡኽ ኣብ ትግራይ ዑደት ኣካይዱ። ፕሬዚዳንት ጌታቸው ረዳ ምስ ዳይሬክተር ትካል ምግቢ ዓለም ኣብ ኢትዮጵያ ክላውድ ጂቢዳር ተዘራሪቡ። ኤርትራ ናብ ኢጋድ ንምምላስ ዘቕረበቶ ሕቶ ዝርርብ ከምዝተዘረበሉ ፕረዚደንት ኬንያ ሓቢሩ። ግንባር ናጽነት ኦሮሞ፡ ንኦሮሞ ንምጥቃዕ ዝዓለመ ናይ ጽልኢ ዘረባታት ጠጠው ክብል ፀዊዑ።

እቲ ንሹድሽተ ኣዋርሕ ዝጸንዕ ስጉምቲ 5 ሚልዮን ዩሮ ተሰሊዕሎ ዘሎ፡ ኣብ ዉሽጢ ሰለስተ መዓልቲ ልዕሊ 3000 ስደተኛታት ናብ ጥልያን ድሕሪ ምእታዎም እዩ።

ቀዳማይ ሚኒስተር እስራኤል በንያሚን ናታንያሁ ፡ ነቲ ንሚኒስተር ምክልኻል እታ ሃገር ከባርሮ ዝወሰኖ ውሳነ ኣልዒልዎ ኣሎ፡ እቲ ነቲ ሚኒስተር ምብራር ዝተወስደ ስጉምቲ ኣብዚ ቀረባ ሰሙናት ኣብ መላእ እታ ሃገር ሓያል ተቓውሞታት ከም ዝለኦኣል ገይሩ እዩ ። ብዘይካዚ ፡ ሚስተር ናታንያሁ ፡ እቲ ኣብ ቀረባ ግዜ ኣብ ልዕሊ እስራኤል እተላዕለ ዓመጻን ምስ ጐረባብቶም ኣብ ማእከላይ ምብራቕ ዝግበር ወተሃደራዊ ምስሕሓብን ፡ ንተቓዋሚ ሰልፊ እስራኤል ወቒሱ ኣሎ ።

ገበን ምስራቕ መንነት ሓደ ዓቢይ ስግኣት ኣብ ኣውስትራልያ’ዩ፣ ምኽንያቱ በብዓመቱ ቁጽሮም እናወሰኸ ዝኸዱ ሰባት ግዳያት ናይ’ዚ ስርቂ ወይ ገበን ምስራቕ እናኾኑ ይኸዱ ስለዘለዉ። እቶም መንነቶም ዝተሰርቀ ወይ ናይ’ዚ ንዕኦም ኣምሲሎም ወይ ተመሲሎም ዝቐርቡ ገበነኛታት ግዳያት ዝኾኑ፣ ብዙሕ ግዜ ከበድቲ በደላት ወይ ሳዕቤናት ይወርዶም። ገንዘባዊ ክሳራ፣ ማህሰይቲ ኣብ ልዕሊ’ቲ ዝተሓዘሎም ነጥቢ ለቓሕ (ክረዲት ስኮር)፣ ከም’ኡ’ውን ንሕጊ ዝምልከቱ ሳዕቤናትን የጋጥሞም። ይኹን እምበር ንስኹም ውልቃዊ ሓበሬታኹም ክስረቐሉ ወይ ኣብ ዘይመዓልኡ ክውዕለሉ ዝኽእል ስግኣት-ሓደጋ ንምቕናስ ክትወስድዎም ዝግባኣኩም ስጉምትታት ኣለዉ።

ኣብ ዝሐለፈ መዓልታት ብዛዕባ እታ ኣብዚ ቅሩብ እዋን ዝተርጎማ ናይ ጂብራን ኸሊል "The Prophet" ዝምልከት ዕላል ኣካይድና ነይርና። ሎሚ ከም መቐጸልታ ናይቲ ዕላል፡ ብዛዕባ ናብ ትግርኛ ዝትርጎም ዘሎ መጻሕፍቲን ኣብ ኣተረጓጒማ ጸሓፍቲ ክኽተልዎም ዝግባእ ኣገባባት ኣዕሊሉ ኣሎ።

ናይ ሰኑይ 10 መጋቢት 2023 ምሉእ ትሕዝቶ፡ ኣብ ናይ ቃለ መሕትት መደብና፥ ዘካርያስ ገሪማ፡ ኣብዚ ቅሩብ እዋን ናይቲ ፍሉጥ ጸሓፊ ጂብራን ከሊል "The Prophet" ትብል መጽሓፍ ናብ ትግርኛ "እቲ ነብዪ" ኢሉ ተርጒምዋ ኣሎ። ነዚ ኣመልኪትና ብዛዕባ እቲ ዝገበሮ ስራሕን ኣብ ጥበብ ኣተራጉማን ኣመልኪትና ዕላል ገይርና ኣለና። ቀዳማይ ክፋል ናይቲ ዝተገብረ ዕላል ክቐርብ ኣሎ።። ልኡኽና ካብ ዝለኣኸልና ጸብጻብ ኣርእስታት፦ ቀዳማይ ሚንስትር ኣብይ ንምፍታሕ ዕጥቂ ንዝዕንቅፉ ስጉምቲ ከም ዝውሰድ ገሊፁ። ባንክ ልምዓት ኣፍሪካ ኣብ ኤርትራ ደቀምሓረ ሓይሊ ኤሌክትሪክ ንምህናፅ ገንዘብ ኣፅዲቑ። ዩኒቨርስቲ ዓዲግራት ናይ 3 ቢልዮን ብር ጉድኣት ከም ዝገጠሞ ተሓቢሩ። ዓለምለኻዊ ዋጋታት ቡን ብምንቁልቋሉ፡ ኢትዮጵያ 133 ሚልዮን ዶላር ከይረኸበት ከም ዝተረፈት ተገሊጹ። ጅምላዊ ቅትለት ዝፈጸሙ መራሕቲ ናዚ ናብ ፍርዲ ዘቕረበ ፍሉጥ ጠበቓ ዓሪፉ። ። ነዚ ዝምልከት ዜናዊ ትንታነ ኣለና። ሰሙናዊ መደብ ስፖርት ናይ ኢብራሂም ዓሊ ካብዝድህስሶም ፕሪምየር ሊግ ዓዲ እንግሊዝ ኣብ’ዚ ቀዳመ ሰንበት ድሕሪ ዘካየዶም ዙርያ ግጥማት ኣብ መንጎ ኣብ መሪሕነት መሳልል ጋንታታት ዘላ ኣርሰናልን ትኽተላ ዘላ ማንቸስተር ሲቲን ዘሎ ፍልልይ ነጥቢ ናብ 6 ድሕሪ ምድያቡ ሻምፒዮና መን ትኸውን ዝብል ንሕንሕ ክሳብ መወዳእታ ከምዝኸይድ ኣመልኪቶም፣ ኣርእስታት ዜና፥ ** ኣብዚ ቀዳመ-ሰንበት በዓል ትንሳኤ ኣብ ናይ ኣውስትራልያ መገድታት ሸሞንተ ሰባት ብሓደጋ መኪና ህይወቶም ስኢኖም: ** ኣብ የሩሳሌም ሃይማኖታዊ በዓላት ብዘይ ገለ ከቢድ ፍጻመ ሓሊፉ እዩ ። ** ቀዳማይ ሚንስትር ኣብይ ንምፍታሕ ዕጥቂ ንዝዕንቅፉ ስጉምቲ ከም ዝውሰድ ገሊፁ።

ልኡኽና ካብ ዝለኣኸልና ጸብጻብ ኣርእስታት፦ ተመዛበልቲ ብሓፂር ጊዜ ናብ ዓዶም ክምለሱ ከም ዝስራሕ ፕረዚደንት ጌታቸው ረዳ ተዛሪቡ። ባንክ ልምዓት ኣፍሪካ ኣብ ኤርትራ ደቀምሓረ ሓይሊ ኤሌክትሪክ ንምህናፅ ገንዘብ ኣፅዲቑ። ዩኒቨርስቲ ዓዲግራት ናይ 3 ቢልዮን ብር ጉድኣት ከም ዝገጠሞ ተሓቢሩ። ዓለምለኻዊ ዋጋታት ቡን ብምንቁልቋሉ፡ ኢትዮጵያ 133 ሚልዮን ዶላር ከይረኸበት ከም ዝተረፈት ተገሊጹ።