SBS Tigrinya - ኤስ.ቢ.ኤስ ትግርኛ

ደገፍቲ ሓይልታት ሩስያ ፡ ንህይወት እቲ ኣብ ሰይንት ፒተርስበርግ ኣብ ዝርከብ ካፈ ነታጒ ብምፍንጃሩ እተቐትለ ሩስያዊ ወተሃደራዊ ኣወዓዋዒ ብሎገር ፡ ቭላርለን ታታርስኪ ክብሪ ሂቦም ። ጉጅለ ተዓሲቡ ዝሰርሕ ዋግነር ኣብ ምብራቓዊት ከተማ ባክሙት ፡ ስም ሚስተር ታታርስኪ ዘለዋ ባንዴራ ሩስያ ልዕል ኣቢሉ ኣምበልቢሉ ኣሎ ። እቲ ምስ ሩስያ ዝውግን ጕጅለ ፡ ኣብ ምዕራብ እታ ከተማ ቀጻሊ ውግእ እኳ እንተ ኣጋጠሞ ፡ ባክሙት ናይ ሩስያ ግዝኣት ኢሉ እዩ ዝምጉት ።

ሰሙናዊ መደብ ስፖርት * ኢትዮጵያዊ ኣበጀ ኣያና ኣብ ማራቶን ፓሪስ ክዕወት’ንከሎ መሰረት ኣለማየሁ ኣብ ማራቶን ሺያመን ትዕወት፣ * ሚልከሳ መንገሻ ኣብ ዝተዓወተሉ ማራቶን ደይጉ ኤርትራዊ ብርሃነ ጸጋይ ሳልሳይ ወጺኡ፣ * ኣብ ቅድድም ብሽግለታ ግራን ፕሬሚዮ ሚጒል ኢንዱሪያን ናትናኤል ተስፋጽዮን፣ ጽጋቡ ግርማይን መርሃዊ ቅዱስን ዘዕግብ ውጽኢት ኣመዝጊቦም፣ * ቅድድም ናብ ዋንጫ ሃገራት ኣፍሪቃ 2023 ኣብ ኮትዲቯር ቅርጹ እናሓዘ ይመጽእ፣ ሽዱሽተ ሃገራት ክሳብ ሕጂ ኣብ ዝሓለፉ ሸውዓተ መዓልታት ድሕሪ ዝተኻየዱ መጻረዪ ግጥማት ናብ’ቲ ውራይ ምሕላፈን ኣረጋጊጸን፣ * ማንቸስተር ዩናይትድ ኣብ ፕሪምየር ሊግ ዓዲ እንግሊዝ ኣብ መወዳእትኡ ራብዓይ ተርታ ከተውሕስ ምዃና ከተረጋግጽ ኣይከኣለትን፣ * ኣብ’ዚ ሰሙን ክልተ ኣሰልጠንቲ ምስጓጎም ወሲኽካ ኣብ’ዚ ወቕቲ 12 ዝኾኑ ኣሰልጠንቲ ጋንታታት ፒምየርሊግ ተሶጒጎም፣

ማሕበረሰብ ኤርትራዊያን ኣብ ኣውስትራሊያ፡ ናይ ሓባር ኢፍጣር ኣብ ኖርዝ መልበርን መአከቢ ኣዳራሽ ማሕበረሰባት ብዕለት 01 ሚያዝያ 2023 ጌሮም ነይሮም፡ ኣብቲ ቦታ ተረኺብና ተሳተፍቲን ኣወሃድቲ ኣቲ መደብን ብዛዕባ’ቲ ምት እኽኻብ ናይ ሓባር ኢፍጣር ዝሃቡና ጦብላሕታ ከምዚ ዝስዕብ ቀሪቡ ኣሎ።

ቀጥታ ፈነወ ምሉእ ትሕዝቶ መደብ ኤስቢኤስ ትግርኛ (30032023) ካብ ኣውስትራልያ ዕለታዊ ዜና፣ ጸብጻባት ዞባና፣ ምንባር ኣብ ኣውስትራልያን ካልኦትን

ሓጸርቲ ጸብጻባት * ፕረዚደንት ግዝያዊ ምምሕዳር ትግራይ ጌታቸው ረዳ ምስ ሰብመዚ ኣዲስ ኣበባ ብዛዕባ ባጀትን ካለኦት ጉዳያትን ይዘራረብ ከም ዘሎ ገሊፁ፣ * ኣብ ዓመተ 2022 ኤርትራን ኣብ ኢትዮጵያን፤ ከበድቲ መግሃስቲ ሰብኣዊ መሰላት ገዲዶም ከም ዝቐፀሉ ኣምነስቲ ኢንተርናሽናል ገሊፁ፣ * ቀዳማይ ሚንስተር ኢትዮጵያ መንግስቱ ምስ ኩሎም ዕጡቓት ሓይልታት ክዘራረብ ቅሩብ ምዃኑ ተዛሪቡ፣ * ወተሃደራት ጎረባብቲ ሃገራት ካብታ ሃገር ክወፁ ከኣ ኣባላት ፓርላማ ሓቲቶም፣ * ኣብ ቀርኒ ኣፍሪቃ ሚልዮናት ሰባት ካብ ደርቂ ንምድሓን 2.6 ቢልዮን ዶላር ሓገዝ ክቐርብ ኢጋድ ፀዊዑ

ካብ ዓድኻን መረበትካን ናብ ካልእ ሃገር ንሓዋሩ ጠቕሊልካ ምኻድ ወይ ምግዓዝ መብዛሕትኡ ግዜ ብዙሕ ዝተደራረበ ስሞዒታዊ ፈተነታት ሒዙ'ዩ ዝመጽእ። ስደተኛታትን ፈለስትን ክብን ለጠቕን ዝብል ስንባደ ባህልን ምልማድ ጓና ዝኾነ ከባቢ ወይ ሃዋህውን ተጻዊሮም ኣብ ዝሓልፍሉ፣ ብዙሓት ብዙሕ ግዜ ዝተሓላለኸ ስምዒት ምፍንቓልን ምጥፋእ መንነትን ይስምዖም። ስለ'ዚ ስደተኛታትን ፈለስትን ነዚ ክጻወርዎን ደጊሞም ምሉኣት ኮይኑ ክስምዖምን እንታይ ክገብሩ ኣለዎም፧

ደቂ ሰብ ንምንባር ኣብዛ ፕላኔት ኣብ ዘለዉ ውቅያኖሳት ኣብ ዝፈርዩ ህይወት እዮም ዝምርኮሱ። እንተዀነ ግን: ሓድሽ ስነ-ፍልጠት ከምዘመልክቶ ነዞም ጸጋታት ባሕሪ ህይወታውያን ናይ ምዕቃብ ዓቕሚ ኣዝዩ ሓጺር ዕድመ እዩ ዘለዎ ። ኣብ ኣውስትራልያ እተገብረ ሓድሽ መጽናዕቲ ከም ዝሕብሮ ፡ እቲ ኣብ ከባቢ ኣንታርክቲካ ዘሎ ኣብ ውቅያኖስ ዘሎ ጥልቀት ፡ ኣብ ዝቕጽል ሰለስተ ዓሰርተታት ዓመታት ናብ ውድቀት እዩ ከምርሕ ፣ እዚ ኣብ ውቅያኖሳት ፡ ኣብ ስርዓተ ኢኮ ባሕርን ኣብ ክሊማን ንዘመናት ጽልዋ ክገብር እዩ ።

ሰዋስው ብርሃኑ ደስታ "ናይ ክልተ ዓለም ሰብ" ብዝብል ዝጸሓፈቶ መጽሓፍ ብዛዕባ ታሪኽ ፒያኖ ብምጽዋት ዝፍለጣ ዝነበራ ፍልጥቲ ኢትዮጵያዊት ፈላሲት እማሆይ ጽጌ ማርያም ገብሩ ጽሟቑ ኣብዚ ቀሪቡ ኣሎ። እማሆይ ጽጌ ማርያም ካብ ርኹባትን ሰብ መዚ ንጉሳዊያን ቤተ ሰብ ተወሊዳ፡ ንወጻኢ ከይዳ ክትመሃር ዝኸኣለት ናይ ፈለማ ኢትዮጵያዊት ጓል ኣንስተይቲ ተባሂሉ ይፍለጥ። እንተኾነ ብንእስነታ ንዓለም መኒና ኣብ ገዳም ክትነብር እንተመረጸት'ኳ ዝደረሰቶ ሙዚቃ ኣብ ዓለም ተፈላጢት ክገብራ ክኢሉ ኣሎ። ብምኽንያት ዕረፍቲ እማሆይ ጽጌ ማርያም፡ ቅድሚ ሕጂ ብ ጋዜጠኛ ኤስ ቢ ኤስ ዝነበረት ላየን ጽጋብ ዝቐረበ ሓጺር ታሪኽ ህይወት ኣብዚ ክትሰምዕዎ ትኽእሉ። እማሆይ ጽጌ ማርያም ኣብ 1923 ኣብ ከተማ ኣዲስ ኣበባ ከምዝተወለዳ ትማሊ 27 መጋቢት 2023 ከምዝዓረፋን ተፈሊጡ ኣሎ። ዝንገረለን እተን ፈላሲት፡ ብዕድመ ምስ ደፍኣ ኣብ ሃገረ እስራኤል፡ ኣብ ከተማ ዮሩሳሌም ይነብራ ከምዝነበረ ይፍለጥ።

ናይ ሎሚ ሰኑይ 27 መጋቢት 2023 ምሉእ ትሕዝቶ፡ ኣቶ ኣርኣያ ንነዊሕ ዓመታት ቋንቋ ትግርኛ ንምምዕባል ዝሕግዙ ዝተፈላለዩ መጽናዕትታት ገይሩ ኣብ መርበብ ሓበሬታ ጽሑፋት ዘቕርብ እዩ። ቋንቋ ትግርኛ ትማልን ሎሚን ከመይ ከምዘሎን ንኽምዕብል ዘድልዩ ነገራት ብዝምልከት መብርሂ ካልኣይ ክፋል ቃለ መሕትት ሎሚ ቀሪቡ ኣሎ።። ልኡኽና ካብ ዝለኣኸልና ጸብጻብ ኣርእስታት፦ ኢትዮጵያ ኣብ ትግራይ ምርመራ ገበናት ኲናት ከይካየድ ትገብሮ ዝነበረት ፃዕሪ ከም ተቋርፆ ተገሊፁ። ሓዱሽ ፕረዚደንት ትግራይ ጌታቸው ረዳ ሰላምም ፀጥታን ንምስፋንን፣ ግዝኣታዊ ሓድነትን ንምኽባር ከም ዝሰርሑ ተዛሪቦም። ኤርትራ:ንፕሮጀክት ፀሓያዊ ፀዓት ደቀምሓረ ዝውዕል ስምምዕ $50 ሚልዮን ተፈሪሙ። ሕቶ ዑቓባኦም ዝተነጽጉ ኤርትራዊያን ነበርቲ ስዌርላንድ ብዘይድልየቶም ናብ ሳልሳይ ሃገር ክፋነዉ እማመ ከምዝቐረበሎም ተፈሊጡ። ሰሙናዊ መደብ ስፖርት ናይ ኢብራሂም ዓሊ፥ ኤርትራዊ ኮኾብ ተቐዳዳማይ ቢንያም ግርማይ ኣብ’ቲ ዓሚ ቅያ ዝሰርሓሉ ቅድድም ኣብ በልጅም ተመሊሱ ተወዳዲሩ፣ ሃገራዊት ጋንታ ኩዕሶ እግሪ ኢትዮጵያ ሳልሳይ ዙር ምድባዊ መጻረዪ ግጥማ ንዋንጫ ሃገራት ኣፍሪቃ 2023 ኣካይዳ ብጊኒ 2-0 ተሳዒራ፣ ካልእ ትሕዝቶታትን፥ ኣርእስታት ዜና፥ ** ፕረዚደንት ታይዋን ጻይ ኢንግ ወን ፡ ታይዋን ኣብቲ ምስ ቻይና "ትርጉም ኣልቦ" ኢላ እትጽውዖ ዲፕሎማሲ ዶላር ከም ዘይትሳተፍ ገሊጻ ። ** ክኢላታት ከም ዝገልጽዎ ፡ ኣብ ምርጫ ግዝኣት ኒው ሳውዝ ዌልስ ሰልፊ ጥምረት ክሰዓር ዝገበሮ ዝተፈላለዩ ማሕበራውን ቊጠባውን ጕዳያት ምዃኖም ይገሊጹ ። ** ብምኽንያት ዶፒንግ ወይ ምጥቃም ብሕጊ ዝተኸልከሉ ኣካላዊ ብቕዓት ዘደንፍዑ ንጥረ ነገራት ኣብ ልዕሊ ሩስያ ተነቢሩ ዝጸንሐ እገዳ ተላዒሉ።

ኣብ ኣውስትራልያ ዝለዓለ ስልጣን ዘለዎ ናይ ሕክምና ኣካል: ብዛዕባ አለክትሮኒካዊ ምትካኽ ወይ ቨፒንግ ሓያል ስርዓታት ንኽውሰን ይጽውዕ ኣሎ ። እዚ ሓድሽ ጸብጻብ እዚ ነቲ ብኢ-ሽጋራ ዝስዕብ ናይ ጥዕና ሓደጋታት ዘጕልሕ እዩ ። እቲ ምርምር ከም ዝሕብሮ ፡ ን ኣሽቱ መንእሰያት ፡ ነዚ ዘትክኹ ኣብ መወዳእታ ሽጋራ ናይ ምትካኽ ዘለዎም ኣጋጣሚ ብሰለስተ ዕጽፊ ይዛይድ ።